Kaca:Bali-lontar-gaguritan-ambarkawi-01-450ppi.pdf/60

Saking Wikisource
Kaca puniki sampun kauji-wacén

[᭕᭙ 59B]
᭕᭘
᭕᭘
ᬉᬘᬧᬂ᭞ᬲᬹᬃᬬ᭄ᬬᬯᬢᬶᬭᬶᬂᬓᬶᬦ᭄ᬢᬯᬦᬯᬸᬲ᭄ᬭᬯᬸᬄ᭞ᬧᭂᬗᬶᬢᬾᬫᬭᬸᬂ᭠ᬳᬭᬸᬗᬦ᭄᭞ᬯᬗ᭄ᬓᬾᬳᬲᬸᬲᬸᬦ᭄ᬮ᭄ᬯᬶᬃᬕᬶᬭᬶ᭟ᬅᬫᬺᬢᬦᬾᬭᬭᬶᬲ᭄ᬓᬳᬸᬗ᭄ᬓᬩ᭄
᭞ᬓᬓ᭄ᬭᬾᬢᬾᬲᬶᬦ᭄ᬩᬗ᭄ᬓᬾᬦᬾᬲᬫ᭄ᬬᬉᬭᬧ᭄᭞ᬧᬤᬶᬗ᭄ᬓ᭄ᬭᬶᬓ᭄ᬫ᭠ᬓ᭄ᬚᬂᬩᬗᬸᬦ᭄᭞ᬯᬮᬸᬬᬓᬬᬾᬂᬚ᭄ᬦᬃ᭞ᬚᬬᬾᬂᬲᬭᬶᬧ᭄ᬭᬫᬾᬰ᭄ᬯᬭᬫ᭄ᬯᬂᬲᬂᬧ᭄ᬭ
ᬪᬸ᭞ᬜᭂᬦᭂᬂ᭞ᬳᬶᬤᬲᬧᬤᬼᬗᬦ᭄᭞ᬮᬯᬦ᭄ᬧᬸᬗ᭄ᬕᬯᬦᬾᬲᬫᬶ᭟ᬓᬕ᭄ᬬᬢ᭄ᬲᬶᬭᬰ᭄ᬭᬶᬦᬭᬾᬦ᭄ᬤ᭄ᬭ᭞ᬤᬾᬦᬾᬉᬭᬶᬧ᭄ᬮᬯᬦ᭄‌ᬧᬜ᭄ᬚᬓᬾᬲᬫᬶ᭞ᬫᬸ
ᬭᬾᬗᬂᬳᬶᬤᬲᬂᬧ᭄ᬭᬪᬸ᭞ᬤᬤᬶᬳᬶᬤᬫᬜᬶᬗᬓ᭄᭞ᬭᬤᬾ᭠ᬗᬮᬸᬄᬲᬋᬂᬯ᭄ᬯᬂᬮᬦᬂᬢᬩᬕᬸᬲ᭄᭞ᬮ᭄ᬯᬶᬃᬧᬾᬦ᭄ᬥᬄᬲᬂᬳ᭄ᬬᬂᬲ᭄ᬫᬭ᭞ᬳᬗᬸ
[᭖᭐ 60A]
ᬤᬦᬓᭂᬦ᭄ᬩᬜᬸᬳᬸᬭᬶᬧ᭄᭟ᬲᬂᬧ᭄ᬭᬪᬸᬕ᭄ᬮᬶᬲ᭄ᬦᬫ᭄ᬧᭂᬓᬂ᭞ᬧ᭄ᬭᬫᬾ᭠ᬰ᭄ᬯᬭᬶᬫᬵᬓᬵᬤᬶᬚᬬᬾᬂᬲᬭᬷ᭞ᬧᬭᬧᬸᬗ᭄ᬕᬯᬢᬸᬫᭂᬗ᭄ᬕᬸᬂ᭞ᬳᬮᬸᬗ᭄ᬕᬸᬄᬲᬫ᭄ᬬᬳ
ᬢᬧ᭄᭞ᬭᬤᬾᬦ᭄ᬤᬾᬯᬷᬦᬗᬶᬲ᭄ᬳᬚᬷᬦᬾᬭᬶᬦᬗ᭄ᬓᬸᬮ᭄᭞ᬫᬗᬢᬸᬭᬂᬧᬗᬸᬦᬶᬗ᭞ᬧᬸᬦᬶᬓᬶᬳᭀᬓᬦ᭄ᬩᬧᬳᬚᬷ᭟ᬭᬤᬾᬦ᭄ᬫᬦ᭄ᬢ᭄ᬭᬷᬚᬬᬾᬂᬲ᭄ᬫᬭ
ᬧᬸᬢ᭄ᬭᬳᬶᬩ᭄ᬬᬂᬲᬦᬾᬲᬓᬾᬂᬳᬶᬭᬶᬓᬶ᭞ᬲᬓᬾᬂᬭᬭᬾᬳᬶᬤᬮᬘᬸᬃ᭞ᬢᬦ᭄ᬯᬾᬦ᭄ᬓᬋᬗᬬᬂ᭞ᬳᬶᬤᬮᬘᬸᬃᬲᬶᬂᬚᬮᬦ᭄ᬳᬶᬤᬳᬢᬸᬭᬸ᭞ᬮᬸᬗ᭄ᬳᬧ
ᬮᬶᬂᬫᬳᬶᬍᬳᬦ᭄᭞ᬜᬭᬸᬦ᭄ᬤᬸᬧ᭄ᬲᬋᬂᬓᬕᬶᬮᬶ᭟ᬳᬶᬤᬯ᭠ᬦ᭄ᬢᬄᬗᬸᬭᬶᬧ᭄ᬢᬶᬢ᭄ᬬᬂ᭞ᬤᬸᬓ᭄ᬭᬶᬂᬕᬶᬮᬶᬗᬗ᭄ᬓᭂᬦ᭄ᬳᬶᬅᬫ᭄ᬩᬃᬓᬯᬶ᭞ᬲᬂᬧ᭄ᬭᬪᬸᬲᬶᬭᬗᬭᬸ