Kaca:Bali-lontar-gaguritan-ambarkawi-01-450ppi.pdf/16

Saking Wikisource
Kaca puniki sampun kauji-wacén

[᭑᭕ 15B]
᭑᭔
᭑᭔
ᬮᬸᬮᬸᬢ᭄᭞ᬏᬮᬶᬂᬭᬶᬂᬅᬫ᭄ᬩᬃᬓᬯ᭄ᬬ᭞ᬩᭀᬦ᭄ᬩᬸᬗᬦᬾᬫᬶᬬᬶᬓ᭄ᬫᬗᬯᬾᬯᬸᬮᬗᬸᬦ᭄᭞ᬢ᭄ᬯᬭᬓᭀᬤᬤᬶᬲᬭ᭄ᬯᬂ᭞ᬲᭂᬂᬭᬶᬂᬳᬶᬅᬫ᭄ᬩᬭᬓᬯᬶ᭟ᬦᬦᭂᬂᬦ
ᬦᭂᬂᬫᬧᬗᭂᬦᬦ᭄᭞ᬧᬓ᭄ᬢᬾᬮ᭄ᬢᬾᬮ᭄ᬢᭀᬬᬦᬓ᭄ᬱᬶᬦᬾᬫᬶᬚᬶᬮ᭄᭞ᬩᬶᬸᬮᬦᬾᬢᬗᬶᬲᬶᬦ᭄ᬥᬶᬢᬸ᭞ᬗᬦ᭄ᬥᬶᬓᬥᬸᬄᬲᬂᬳ᭄ᬬᬂᬯᬸᬮᬦ᭄᭞ᬢ᭄ᬯᬭᬭᬢᬸᬫᬥ᭠
ᬍᬫ᭄ᬢᬶᬢ᭄ᬬᬂᬳᬶᬮᬘᬸᬃ᭞ᬳᭀᬮᬲ᭄ᬚᬭᬢᬸᬢᬶᬢ᭄ᬬᬂ᭞ᬓ᭄ᬭᬾᬢᬾᬲᬦᬫᬺᬢᬳᬓᬶᬓᬶᬢ᭄᭟ᬳᬧᬂᬤᬤᬶᬜᬓ᭄ᬲᬭ᭄ᬯᬦ᭄᭞ᬩᬲ᭄ᬓᬍᬩᬶᬄᬩ᭠
ᬲᬂᬢᬶᬢ᭄ᬬᬂᬗᬾᬲᬓᬶᬢ᭄᭞ᬢᬦ᭄ᬧᬭᬶᬯᬗ᭄ᬥᬾᬢᬶᬢ᭄ᬬᬂᬮᬫ᭄ᬧᬸ᭠ᬲ᭄᭞ᬫᬓᭂᬦ᭄ᬢᬫᬵᬢᬷᬮᬬᬄ᭞ᬗ᭄ᬕᬶᬄᬕ᭄ᬮᬶᬲᬂ᭞ᬧᬸᬧᬸᬢᬂᬢᬶᬢ᭄ᬬᬂᬳᬶᬮᬘᬸᬃ᭞ᬯᭀᬂᬫ
[᭑᭖ 16A]
ᬫ᭄ᬧᬸᬄᬢᬶᬢ᭄ᬬᬂᬦᬳᬦᬂ᭞ᬕᭂᬫᭂᬲ᭄ᬯᬶᬥᬶᬦᬾᬜᬓᬶᬢᬶᬦ᭄᭟ᬦᬄ᭠ᬫᬮᬫᬮᬜᬤᭂᬧᬂ᭞ᬉᬧᬄᬮᬦ᭄ᬢᬂᬢᬸᬯᬸᬄᬚᬦᬶᬢᬦ᭄ᬥᬗᬶᬦ᭄᭞ᬳᬶ᭠
ᬗᭂᬫ᭄ᬗᬦᬗ᭄ᬲᭀᬓᬗᭂᬮᬸᬢ᭄᭞ᬫᬩ᭄ᬭᬶᬬᬸᬓ᭄ᬧᬥᬜᬸᬫ᭄ᬩᬄ᭞ᬤᬸᬄᬪᬝᬵᬭᬦ᭄ᬢᬶᬢ᭄ᬬᬂᬤᬾᬯᬦᬶᬂᬳᬬᬸ᭞ᬢᬶᬢ᭄ᬬᬂᬗᬶᬭᬶᬂᬫᬧᬸᬧᬸᬢᬦ᭄᭞ᬦ᭄ᬥᬾ᭠
ᬯᬢᬶᬚᬦ᭄ᬢᭂᬦᬶᬭᬶᬓᬶ᭟ᬫᬶᬯᬄᬩᬩᬯᭀᬲᬾᬭᬶᬳᬶᬦᬦ᭄᭞ᬢᬶᬢ᭄ᬬᬂᬳᬸᬦᬶᬂᬯᬦ᭄ᬢᬄᬳᬓᬸᬢᬸᬲ᭄ᬰᬰᬶᬄ᭞ᬭᬶᬂᬕᬶᬮᬶᬪᬝᬵᬭᬶᬳᬕᬸᬂ᭞ᬓᬾᬯᬦ᭄ᬢᭂ
ᬦ᭄ᬫᬗ᭄ᬕᬾᬦ᭄ᬩᭂᬮᬢ᭄᭞ᬫᬗ᭄ᬥᬾᬲᬵᬫ᭄ᬧᬸᬦ᭄ᬚᬕᬢᬾᬫᬗ᭄ᬭᬭᬶᬲᬤᬸᬃ᭞᭠ᬳᬶᬳᬚᬶᬢᬦ᭄ᬫᬫ᭄ᬩᬯᭀᬲᬦ᭄᭞ᬲᬲ᭄ᬯᬾᬦ᭄ᬢᬶᬢ᭄ᬬᬂᬳᬶᬭᬶᬓᬶ᭟ᬚ᭄ᬦᭂᬂᬫᬓᬸᬢᬂ᭠