Kaca:Bali-lontar-gaguritan-ambar-kawi-250ppi.pdf/51

Saking Wikisource
Kaca puniki sampun kauji-wacén

[᭕᭐ 50B]
᭕᭐
᭟᭜᭟ᬲᬵᬫ᭄ᬧᬸᬦᬶᬸᬦ᭄ᬫᬸᬯᬸᬕ᭄ᬧᬜ᭄ᬚᬓ᭄ᬦᬾᬳᬶᬓᬮᬗ᭄ᬭᬓ᭄᭞ᬲᬯᭂᬢᬭᬓᬮᬶᬄᬓᭂᬢᬶ᭞ᬬᬳᬶᬩᬚ᭄ᬭᬤᬦ᭄ᬢᬵ᭞ᬤᬶᬢᬸᬮᬦ᭄ᬢᬲ᭄ᬗᬮᭀᬓᬂ᭞ᬭᬭᬶᬲ᭄ᬬᬫᬲᬸᬭᬓ᭄ᬱᬫᬶ᭞ᬦᬾᬭᬶᬂᬩᬜ᭄ᬘᬶᬗᬄ᭞ᬓᭀᬭᬶᬦ᭄ᬜᬦᬾᬫᬓᬜ᭄ᬘᬶᬂ᭟᭜᭟ᬰ᭄ᬭᬶᬦᬭᬾᬦ᭄ᬤ᭄ᬭᬕ᭄ᬮᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬢ᭄ᬓᬾᬳᬶᬬᬫ᭄ᬩᬃᬓ᭠
ᬯᬶ᭞ᬢᭀᬓᭀᬫᬸᬲᬸᬢ᭄ᬓ᭞ᬦᬄᬓᬾᬘᬳᬶᬳᬾᬗ᭄ᬕᬮᬂ᭞ᬮᬾᬩᬗᬶᬦ᭄ᬢᬶᬫ᭄ᬧᬲᬾᬚᬦᬶ᭞ᬳᬶᬬᬫ᭄ᬩᬃᬓᬯ᭄ᬬ᭞ᬫᬗ᭄ᬮᬾᬩᬂᬢᬶᬫ᭄ᬧᬲ᭄ᬕᭂᬮᬶᬲ᭄᭟᭜᭟ᬮᬫᬸᬦ᭄ᬲᬸᬩᬬᬫ᭄ᬮᬳᬶᬩ᭄ᬫᬗ᭄ᬮᬶᬯᬢ᭄ᬚᭂᬩᬕ᭄᭞ᬳᬾᬗ᭄ᬕᬮᬂᬩᬸᬯᬶᬦ᭄ᬫᬸᬮᬶᬄ᭞ᬢᬶᬫ᭄ᬧᬲᬾᬫᬍᬘᬢ᭄᭞ᬫᬜᬦ᭄ᬭᬶᬦ᭄ᬫᬗ᭄ᬭᬜ᭄ᬘᬧ᭄᭞ᬕᬾᬯᬃᬫᬸᬲᬸᬳᬾ
ᬓᬮᬶᬮᬶᬄ᭞ᬫᬢᬶᬧᬚᭂᬫ᭄ᬧᬂ᭞ᬩᬗ᭄ᬓᬾᬦᬾᬲᬮᬶᬂᬲᬸᬲᬸᬦᬶᬦ᭄᭟᭜᭟ᬦᬾᬦᬾᬳᭂᬮᬸᬂᬫᬜ᭄ᬭᬶᬢ᭄ᬚᭂᬓ᭄ᬚᭂᬓ᭄ᬭᭀᬯᬗ᭞ᬗ᭄ᬮᬶᬂᬦᬕᬶᬄᬳᭂᬮᬸᬤᬶᬦ᭄᭞ᬬᬳᬶᬩᬚ᭄ᬭᬤᬦ᭄ᬢᬵ᭞ᬫᬚᬸᬚᬸᬓ᭄ᬫᬮᬶᬓᬂᬭᭀᬯᬂ᭞ᬢ᭄ᬯᬭᬬᬭᬸᬗᬸᬜᬚᬦᬶ᭞ᬫᬲᬶᬄᬢᬸᬳᬸᬓ᭞ᬩᬚ᭄ᬭᬤᬦ᭄ᬢᬗᬸᬮᬶᬮᬶᬂ᭟᭜᭟ᬩᬄᬦᬸᬗ᭄ᬓᬬᬓ᭄ᬧᬬᬸ
ᬚᭂᬓ᭄ᬚᭂᬓᬩᬦ᭄ᬭᭀᬯᬂ᭞ᬤᬤᬶᬳᬗ᭄ᬕᭀᬜᬢᬶᬢᬶ᭞ᬩᬸᬫᬭᬲᭂᬗ᭄ᬕᬗᬦ᭄᭞ᬩᬗᬸᬦ᭄ᬮᬦ᭄ᬢᬲ᭄ᬫᬕᬾᬩ᭄ᬭᬲ᭄᭞ᬤᬤᬶᬧᬬᬸᬤᬓᬶᬩᭂᬗᬶᬮ᭄᭞ᬓ᭄ᬭᭀᬤᬓᬮᬶᬯᬢ᭄᭞ᬩᬵᬦᬾᬳᬗ᭄ᬕᭀᬜᬢᬶᬢᬶ᭟᭜᭟ᬲᬸᬩᬮᬶᬮᬶᬄᬫᬸᬲᬸᬳᬾᬫᬗ᭄ᬮᬶᬯᬢ᭄ᬚᭂᬩᬕ᭄᭞ᬢᬶᬫ᭄ᬧᬲᬾᬲᬸᬩᬫᬸᬮᬶᬄ᭞ᬤᬶᬧᬦᬾᬦᬾᬗᭂ

[᭕᭑ 51A]
᭕᭑
ᬦᬄ᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓ᭞ᬦᬾᬢᬶᬫ᭄ᬧᬲᬾᬲᬸᬩᬫᬸᬮᬶᬄ᭞ᬲᬶᬂᬜᬲᬸᬩ᭞ᬫᬸᬲᬸᬳᬾᬲᬸᬩᬫᬸᬮᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬫᬳᬢᬹᬃᬭᬶᬂ᭠ᬲᬂᬦᬵᬣ᭞ᬫᬦᬯᬶᬲᬫ᭄ᬧᬸᬦ᭄ᬮᬶᬮᬶᬄ᭞ᬚᬦᬶᬓᬘᬭᬶᬢ᭄ᬣ᭞ᬳᬶᬧᬢᬶᬄᬩᬚ᭄ᬭᬤᬵᬦ᭄ᬢ᭞ᬓ᭄ᬭᭀᬤᬜᬢᬦ᭄ᬲᬶᬧᬶᬲᬶᬧᬶ᭞ᬭᭀᬯᬗᬾᬩ᭄ᬭᬱ᭄ᬝᬵ᭞ᬓᬓᬭᬾᬦ᭄ᬫᬢᬶᬮᬶᬮᬶᬄ᭞
᭞᭜᭟ᬩᬭᬓ᭄ᬩᬶᬳᬶᬂᬤᬓᬶᬩ᭄ᬗᬶᬮ᭄‌ᬦᬩ᭄ᬤᬩ᭄ᬢᬸᬫ᭄ᬩᬓ᭄᭞ᬮᬦ᭄ᬢᬲ᭄ᬮᬚᬸᬫᬗ᭄ᬭᬜ᭄ᬚᬶᬂ᭞ᬗᬭᬸᬫᬸᬦ᭄ᬫᬚᬮᬦ᭄᭞ᬗᭀᬯᬾᬮ᭄ᬢᭂᬓᬾᬦ᭄ᬢᬶᬫ᭄ᬧᬮ᭞ᬚᬍᬫ᭠ᬫᬢᬜᬦ᭄ᬤᭂᬮᬶᬓ᭄᭞ᬤᬤᬶᬲᬶᬂᬦᭀᬢ᭞ᬩᬜᬳᬗ᭄ᬕᭀᬜᬢᬶᬢᬶ᭞ᬳᭂᬗ᭄ᬓᬾᬦ᭄ᬫᬸᬲᬸᬄᬳᬩ᭄ᬲᬶᬓ᭄‌ᬢ᭄ᬯᬭᬤᬳᬤ᭞ᬳᬾᬗ᭄ᬕᬮᬦ᭄ᬫᬮᬳᬶᬩ᭄᭞ᬚᬦ᭄ᬢᬢᬦ᭄ᬧᬢ᭄ᬫᬄ᭞ᬢ᭄ᬯ
ᬭᬓᬭ᭄ᬯᬦ᭄ᬚᭂᬭᬶᬄᬳᬶᬦ᭄ᬜ᭞ᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄ᬳᬶᬧᬢᬶᬄ᭞ᬚ᭄ᬭᭀᬦᬶᬂᬜᬶᬸᬩᬜ᭄ᬘᬶᬗᬄ᭞ᬲᬶᬂᬳᬤᬦᬂᬓᬧᬗ᭄ᬕᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶᬲ᭄ᬦᬸᬦ᭄ᬤᬾᬦᬂ᭞ᬢᬶᬫ᭄ᬧᬲᬾᬜᬦ᭄ᬤᭂᬃᬕ᭄ᬮᬶᬲ᭄᭞ᬧᬢᬶᬄᬩᬚ᭄ᬭᬤᬦ᭄ᬢᬵ᭞ᬲᬾᬧᬦ᭄ᬳᬶᬬᬫᬍᬓᬲ᭄᭞ᬳᬸᬓᬸᬄᬬᬗᬘᭂᬧᬂᬳᬧᬶ᭞ᬳᬾᬗ᭄ᬕᬮᬦ᭄ᬓᭂᬦ᭞ᬓᬕ᭄ᬬᬢ᭄ᬗᭀᬓᭀᬓ᭄ᬫ
ᬦᭀᬮᬶᬄ᭟᭜᭟ᬮᬶᬬᬢᬶᬜᬢ᭄ᬯᬭᬵᬳᬤᬵᬗᭂᬦᬄᬚᬦ᭄ᬫ᭞ᬲᬕᭂᬢ᭄ᬩᬸᬯᬶᬦ᭄ᬓᭂᬦᬶ᭞ᬗᭀᬓᭀᬓ᭄ᬫᬢᬸᬮᬶᬳᬦ᭄᭞ᬫᬲᬶᬄᬢ᭄ᬯᬭᬫᬗᭂᬦᬄ᭞ᬢᬶᬫ᭄ᬧᬲᬾᬫᬮᬶᬄᬜᬦ᭄ᬤᭂᬭᬶᬦ᭄᭞ᬳᬶᬧᬢᬶᬄᬜᭂᬫ᭄ᬧᬂ᭞ᬧᬧᬾᬮᬾᬗᬦᬾᬓ᭄ᬦᬶ᭟᭜᭟ᬭᬭᬶᬲ᭄ᬭᬯᬸᬄᬳᬶᬓᬮᬫᬓ᭄ᬭᬓ᭄ᬫᬜᬕ᭄ᬚᬕ᭄᭞ᬯᬶᬭᬗᬾᬢᬦ᭄ᬲᬶᬦᬶᬧᬶ᭞