[᭘᭖ 86B]
ᬥᬥᬯᬸᬄᬫ᭄ᬭᬶᬂᬧᬸᬢ᭄ᬭᬲᬦ᭄ᬢᬦᬦ᭄ᬦᬶᬭ᭞ᬧᬶᬦ᭄ᬭᬶᬄᬗᬼᬫ᭄ᬧᬓ᭄ᬓᬲᬫᬶ᭞ᬯᭀᬦ᭄ᬢᭂᬦ᭄ᬗᬃᬱᬦ᭄ᬦᬶᬭ᭞ᬓᬢᬸᬂᬗ᭄ᬓᬧ᭄ᬭᬧ᭄ᬢᬦᬶᬭ᭞ᬧᬓ᭄ᬱᬶᬤᬭᬦᬾᬂᬯᬶᬬᬢ᭄ᬢᬶ᭞ᬲᬃᬯᬲ᭄ᬭᬸᬦᬩ᭞ᬳᬾᬄᬳᬾᬄᬳ᭄ᬬᬂᬧᬓᬸᬨᬢᬶ
᭟ᬧ᭄ᬭᬧ᭄ᬢᬦᬶᬗ᭄ᬲᬸᬦ᭄ᬳᬶᬂᬗ᭄ᬓᬾᬦᬾᬳᬶᬓᬶᬳᬗᭂᬫ᭄ᬩᬦ᭄᭞ᬤᬯᬸᬄᬢᬶᬫ᭄ᬩᬮ᭄ᬮᬦ᭄ᬡᬪᬶ᭞ᬗᬶᬲᬧᬸᬢ᭄ᬭᬾᬂᬗᬮ᭄ᬮᬄ᭞ᬓᬲᬶᬧᬢ᭄ᬭᬄᬓᬶᬫ᭄ᬭᬄᬫᬦ᭄᭞ᬦᬶᬫ᭄ᬩᬮᬶ᭞ᬳᬶᬲᬶᬭᬢᬸᬯᬶᬦ᭄᭞ᬯᬤ᭄ᬬ᭠
ᬩᬮᬦ᭄ᬢ᭞ᬓᬾᬭᬶᬤ᭄ᬤᬮᬓᬸᬫᬫᬶ᭟ᬬᬸᬦ᭄ᬯᬶᬦ᭄ᬭᬸᬄᬓᭂᬦ᭄ᬢᬢᬘᬭᬦᬶᬂᬳᬕᬫ᭞ᬦᭂᬫ᭄ᬩᬄᬫ᭄ᬭᬶᬂᬫᬳᬰᬸᬘᬶ᭞ᬳᬶᬓᬂᬓᬶᬦᬯᬲ᭞ᬫᬹᬃᬯᬾᬂᬓ᭄ᬱᬳᬶᬲᬶᬜ᭞ᬳᬾᬲᬶᬸᬮᬶᬗᬾᬮᬶᬳ᭠
ᬬ᭄ᬯᬓᭀᬗ᭄ᬱᬶ᭞ᬓᬮᬦ᭄ᬢᬸᬃᬲᬶᬭ᭞ᬗᬓᬸᬨᬗ᭄ᬭᬦ᭄ᬦᬶᬂᬩᬸᬫᬶ᭟ᬯ᭄ᬭᬸᬄᬳᬦ᭄ᬦᬫᬸᬢᬦ᭄ᬳᬦᬧᬗᬾᬭᬦ᭄ᬮᬶᬬᬵ᭞ᬫᬸᬳᬸᬂᬳᬮ᭄ᬮᬄᬧ᭄ᬭᬶᬩᬤ᭄ᬥᬶ᭞ᬓᬂᬯᬚᬶᬩ᭄ᬱᬶᬦᭂᬫ᭄ᬩᬄ᭞ᬮᬫᬸᬦ᭄ᬱᬶᬭᬍᬗ᭄ᬕ
[᭘᭗ 87A]
ᬡ᭄ᬦ᭞ᬭᬲᬓ᭄ᬦᬢᬦᬸᬭᬸᬂᬧᬱ᭄ᬝᬶ᭞ᬓᬳ᭄ᬬᬗᬦ᭄ᬦᬶᬭ᭞ᬭᬸᬲᬓ᭄ᬧᬥᬲᬳᬶᬓᬶ᭟ᬲᬂᬳ᭄ᬬᬂ᭠ᬕᬸᬭᬸᬫᬶᬬᬃᬱᬯᬸᬯᬸᬲ᭄ᬱᬶᬂᬥᬭ᭞ᬲ᭄ᬭᬸᬓᬩ᭄ᬭᬦᬂᬳᬶᬂᬕᬮᬶᬄ᭞ᬕ᭄ᬬᬳᬲᬸᬂᬲᬲ᭄ᬫᬶᬢ᭞ᬤᬸᬫᬢᭂᬂ
ᬧᬭᬤᬾᬯ᭞ᬳᬸᬫᬗ᭄ᬱᬄᬫᬶᬓᬸᬢ᭄ᬗᬩ᭄ᬬᬓ᭄ᬓᬶ᭞ᬧᬓ᭄ᬱᬶᬗᬸᬫ᭄ᬩᬭᬵ᭞ᬧᬭᬤᬾᬯᬵᬦᬸᬢᬸᬢ᭄ᬢᬶ᭟ᬋᬩᬸᬢ᭄ᬤᬸᬳᬸᬃᬦᬗᬶᬂᬧ᭄ᬭᬤᬾᬯᬓᬲᭀᬭᬦ᭄᭞ᬧᭀᬦᬂᬧᬓ᭄ᬱᬶᬢᬸᬫᬸᬮᬶ᭞ᬓᬸ
ᬧᬶᬂᬘᬸᬘᬓ᭄ᬓ᭄ᬓᬶᬭ᭞ᬤ᭄ᬭᭀᬚᭀᬲ᭄ᬗᭂᬢᭀᬓ᭄ᬓᬾᬯᬶᬲ᭞ᬳᬫ᭄ᬩ᭄ᬬᬃᬩ᭄ᬬᬃᬓᬩᬸᬜ᭄ᬘᬂᬳᬗᬶᬦ᭄᭞ᬤᬺᬱ᭄ᬮᬶᬃᬳᬸᬤᬦ᭄᭞ᬧ᭄ᬭᬤᬾᬯᬫᬶᬭᬸᬢ᭄ᬫᬶᬭᬶᬲ᭄᭟ᬧᬓ᭄ᬱᬶᬤᬭᬦᬾᬂᬓᬓᬮᬗᬦ᭄᭞ᬫᬶ᭠
ᬤᭂᬃᬤᬢᬦ᭄ᬗᬗ᭄ᬕᭀᬧ᭄ᬧᬶ᭞ᬢᬗᬸᬤᬦᬶᬯᬶᬱ᭞ᬚᬸᬕ᭄ᬭᬶᬂᬲ᭄ᬮᬓᬓᬾᬩᭂᬓ᭄ᬓᬦ᭄᭞ᬯᬶᬤ᭠ᬥᬃᬭᬶᬢᬶᬂᬚᬍᬭᬶᬢ᭄᭞ᬧᬦᬲ᭄ᬱᬶᬂᬯᬶᬲ᭞ᬢᬶᬓᭂᬮ᭄ᬱᬧᬸᬮᬸᬄᬕ᭄ᬦᬶ᭟ᬧᬭᬤᬾᬯᬤᬾ
Kaca:Bali-lontar-gaguritan-adam-hawa-350ppi.pdf/87
Kaca puniki sampun kauji-wacén
