Kaca:Bali-lontar-gaguritan-adam-hawa-350ppi.pdf/86

Saking Wikisource
Kaca puniki sampun kauji-wacén

[᭘᭕ 85B]
᭘᭕
ᬰ᭞ᬯᬸᬲ᭄ᬫᬤᭂᬕ᭄ᬓᬦᬭᬾᬄᬳᬦᬾ᭞ᬧᬗᬲ᭄ᬢᬦᬶᬭᬾᬄᬳᬕᬫ᭞ᬓᬸᬓᬸᬄᬲ᭄ᬭᬸᬓᬶᬦᭂᬜ᭄ᬘᭂᬗᬦ᭄᭞ᬯᬸᬓᬢᬄᬲᬓᬩᬢ᭄ᬳᬶᬧᬸᬦ᭄᭞ᬧᬭᬨᬡ᭄ᬥᬶᬢᬲᬸᬢᬧ᭟ᬤᬸᬓ᭄ᬱᬫᬦ
ᬓᬂᬚᭂᬂᬦᬪᬶ᭞ᬕᬶᬦᬸᬩᭂᬮ᭄ᬫ᭄ᬭᬶᬂᬲᬓᬩᬢ᭄᭞ᬲᬫᬗ᭄ᬓᬦᬵᬳᬶᬂᬗᬢᬸᬃᬭᬾ᭞ᬥᬸᬄᬕᬸᬲ᭄ᬢᬶᬧᬦᬸᬢ᭄ᬢᬦ᭄ᬳᬫ᭄ᬩ᭞ᬓᬂᬫᬸᬓᬸᬲ᭄ᬫ᭄ᬭᬶᬂᬓᬸᬢᬫᬦ᭄᭞ᬮᬦ᭄ᬯᬚᬶᬩ᭄ᬗᬬᭀᬫ᭄ᬫᬶᬲᬕᬸᬂ᭞ᬢᬶᬢᬶᬄᬳᬶᬂᬅ
ᬮ᭄ᬮᬄᬢᬗᬮ᭟ᬲᬃᬢᬓᬂᬢᬦ᭄ᬧᬶᬲᬦ᭄ᬓᬾᬗᬶᬂ᭞ᬓᬮᬾᬫᬾᬢ᭄ᬢᬦ᭄ᬳᬶᬂᬤᬸᬭᬓ᭞ᬧᬤᬸᬓᬵᬯᬚᬶᬩ᭄ᬳᬾᬲ᭄ᬢᬸᬦᬾ᭞ᬜᭀᬃᬦᬓ᭄ᬳᬓᭂᬦ᭄ᬧᬭᬤᬾᬯ᭞ᬓᬂᬧᬸᬭᬸᬦ᭄ᬗᬗ᭄ᬓᭂᬦ᭄ᬨᬗ᭄ᬭᬦ᭄᭞ᬓ
ᬳ᭄ᬬᬂᬗᬦ᭄ᬳᬃᬤᬶᬢᬂᬕᬸᬭᬸ᭞ᬓᬂᬚᭂᬂᬡᬪᬶ᭞ᬳᬲ᭄ᬫᬸᬳᬯ᭄ᬭᬢ᭄᭟ᬤᬾᬦᬶᬭᬳᬃᬱᬗᬼ᭠ᬕᬦᬶ᭞ᬧᬦᬸᬯᬸᬦᬾᬫᬸᬭᬶᬦ᭄ᬤᬶᬭ᭞ᬭᬾᬄᬦᬾᬓᬂᬚᭂᬂᬡᬪᬶᬤᬾᬭᬾᬂ᭞ᬳᬗ᭄ᬱᬮ᭄ᬱᬲ᭄ᬫᬶ᭠
[᭘᭖ 86A]
ᬳᬾᬂᬧᬗᬾᬭᬦ᭄᭞ᬓᬩᬸᬚᬸᬂᬧ᭄ᬭᬲᬓᬩᬢ᭄᭞ᬲᬗᭂᬢ᭄ᬳᬶᬂᬧᬗᬸᬩᭂᬮ᭄ᬮᬶᬧᬸᬦ᭄᭞ᬭᬸᬫᬳᭀᬲ᭄‌ᬬᬾᬦ᭄ᬓᬯᬚᬶᬩ᭄ᬪᬦ᭄᭛᭜᭛ᬤᬹᬃᬫ᭄ᬫ᭛᭜᭛ᬢᭂᬫᬄᬤᬢᬦ᭄ᬫᬸᬦ᭄ᬤᬸᬃᬳᬶᬂᬕᬮᬶᬄᬢᬸᬫᬸ
ᬮ᭄ᬬ᭞ᬫᬮᬦ᭄ᬤᬶᬲᭂᬫᬤᬶᬦᬶᬂ᭞ᬦᭂᬕᭂᬲ᭄ᬓᬃᬲᬦᬶᬂᬲᬂᬫᬸᬃᬯᬾᬂᬲᬳᬶᬲᬶᬦᬶᬂᬗ᭄ᬭᬢ᭄᭞ᬲᬓ᭄ᬱᬦᬗ᭄ᬭᬕᬲᬸᬓ᭄ᬱ᭄ᬫᬦᬶᬂ᭞ᬯᬲ᭄ᬧᬥᬾᬂᬤ᭄ᬭᬶᬬ᭞ᬓᬫᬦᬸᬱᬦ᭄ᬦ᭄ᬬᬯᭂᬦᬶᬂ᭟ᬓᬢᬭᬶᬫᬾᬂᬲᭂᬤ᭄ᬬᬚᭂᬂᬡ
ᬪᬶᬕ᭄ᬬᬗᬲ᭄ᬢ᭞ᬍᬫ᭄ᬧᬸᬂᬕᬶᬦ᭄ᬮᬶᬦ᭄ᬢᬶᬃᬕ᭄ᬮᬶᬦ᭄ᬢᬶᬃ᭞ᬲᬦᬮᬶᬓᬤᬤ᭄ᬬ᭞ᬲᬚᬸᬕᬧᬓ᭄ᬱᬶᬥᬭ᭞ᬳᬸᬫᬯᬯᬶᬲᬃᬤᬫᬦ᭄ᬤᬶ᭞ᬧᬓ᭄ᬱᬶᬳᬸᬫᭂᬲᬢ᭄᭞ᬲᬸᬫᬸᬲᬸᬳᬶᬯᬶᬬᬢ᭄ᬢᬶ᭟ᬧ᭄ᬭᬧ᭄ᬢᬾᬂᬫᬤ᭄ᬬᬦ᭄ᬢᬭᬵ
ᬗᬫ᭄ᬩᬭᬫᬗᬾᬢᬦ᭄᭞ᬓᬸᬦᭂᬂᬳ᭄ᬬᬂᬲᬶᬤ᭄ᬥᬚᬢᬶ᭞ᬤᬢᬦ᭄ᬓᬲᬫᬃᬭᬦ᭄᭞ᬬᬾᬩᬥᬾᬓᬥᬢᭂᬂᬗᬦ᭄᭞ᬧᬓ᭄ᬱᬶᬫᬯᬯᬶᬱᬫᬦ᭄ᬤᬶ᭞ᬓᬂᬳᬲ᭄ᬮᬶᬬᬓ᭞ᬫᬸᬓ᭄ᬢᬶᬚᬢ᭄ᬢᬶᬂᬚᭂᬂᬡᬪᬶ᭟ᬕ᭄ᬬ