[᭘᭒ 82B]
᭘᭒
ᬓᬂᬧᬦᭂᬤ᭄ᬬᬦᬶᬂᬓᬧ᭄ᬢᬶ᭞ᬫᬶᬦ᭄ᬢᬭᬸᬫᭂᬦ᭄ᬢᬄᬳᬶᬂᬓᬯ᭄ᬭᬸᬄ᭞ᬓᬂᬦᬶᬃᬫᬮᬦᬶᬭᬾᬂᬩᬢᭀᬲ᭄᭟ᬲᬂᬧᬡ᭄ᬤᬶᬢᬮᬸᬫᬸᬦ᭄ᬢᬸᬃ᭞ᬲᬶᬄᬳᬶᬂᬕᬮᬶᬄᬲᬂᬧ᭄ᬭᬧ᭄ᬢᬯᬶᬦᬸᬭᬸᬓ᭄᭞ᬩᬩ᭄ᬧᬢ᭄ᬭ
ᬧ᭄ᬧᬶᬂᬫᬦᭂᬫ᭄ᬩᬄᬫ᭄ᬭᬶᬂᬫᬳᬲᬸᬘᬶ᭞ᬳᬕᬫᬗᬶᬰᬓᬂᬢᬶᬦᬸᬢ᭄᭞ᬓᬘᬓᬸᬧ᭄ᬳᬶᬂᬢ᭄ᬬᬲ᭄ᬢᬦ᭄ᬓᬾᬭᭀᬦ᭄᭟ᬫ᭄ᬬᬂᬲᬶᬦᬸᬗᬦ᭄ᬧᬶᬢᬸᬤᬸᬄ᭞ᬧᬦ᭄ᬢᬾᬕ᭄ᬕᬶᬂᬭᬾᬄᬲᬶᬤᬦᬶᬂᬢᬸᬫᬸᬯᬸᬄ᭞
ᬲ᭄ᬭᬦᬶᬂᬫᬋᬫ᭄ᬚᬓᬫᬓᭀᬗ᭄ᬱᬶ᭞ᬲᬸᬧᬾᬓᬧ᭄ᬭᬯᬶᬭᬦ᭄ᬦᬶᬧᬸᬦ᭄᭞ᬓᬮᬶᬗᬦ᭄ᬩ᭄ᬭᬗ᭄ᬢᬾᬂᬳ᭄ᬬᬂᬫᬦᭀᬦ᭄᭚᭜᭚ᬲ᭄ᬫᬭᬦ᭄ᬤ᭚᭜᭚ᬢᬦ᭄ᬕᬾᬓᬂᬤᬾᬦ᭄ᬦ᭄ᬬᬗᬩᬓ᭄ᬢᬶ᭞ᬦᬸᬢ᭄ᬱ
ᬢᬦᬶᬂᬳᬕᬫ᭞ᬲᬂᬧᬡ᭄ᬥᬶᬢᬤᬳᬢ᭄ᬱᬶᬳᬾ᭞ᬓᭀᬘᬧ᭄ᬳᬶᬂᬗᬮᬫᬮᬫ᭞ᬫᬳᬸᬚᬓᬲᬂᬗ᭄ᬓᬮᬵ᭞ᬘᬸᬓᬸᬮ᭄ᬕ᭄ᬭᬳᬶᬢᬾᬂᬢ᭄ᬬᬲ᭄ᬳᬬᬸᬦ᭄᭞ᬜᬓᬩᬢ᭄ᬭᬶᬂᬦᬪᬶᬗᬶᬰᬵ᭟ᬳᬸ
[᭘᭓ 83A]
ᬫᬢᬸᬃᬫ᭄ᬭᬶᬂᬗ᭄ᬲᬸᬫᬦ᭄ᬦᬸᬚᬶ᭞ᬥᬸᬄᬲᬂᬤᬶᬮ᭄ᬗ᭄ᬬᬕᬸᬭᬸᬳᬫ᭄ᬩ᭞ᬓᬂᬫᬸᬓᬸᬮ᭄ᬫ᭄ᬭᬶᬂᬓᬳᬸᬢᬫᬾᬦ᭄᭞ᬬᬾᬦ᭄ᬓᬧᬋᬂᬮᬦ᭄ᬓᬃᬱᬦ᭄ᬢ᭞ᬳᬫ᭄ᬩᬬᬸᬦ᭄ᬧᬸᬭᬸᬳᬶᬢ᭞ᬥᬢᭂᬧᬜ᭄ᬚᭂᬦᭂᬂᬗᬦ᭄ᬦᬶᬧᬸᬦ᭄᭞
ᬭᭀᬄᬳᭀᬮ᭄ᬮᬄᬚᭂᬂᬡᬪᬶᬗᬶᬰ᭟ᬲᬂᬧᬦ᭄ᬤᬶᬢᬳᬫᬗ᭄ᬲᬸᬮ᭄ᬮᬶ᭞ᬳᬾᬄᬓᬸᬮᬸᬧᬓᬲᬂᬗ᭄ᬓᬮᬵ᭞ᬲᬸᬦ᭄ᬢᬦ᭄ᬢᬸᬫᬸᬭᬸᬂᬯᬶᬤᬾᬦᬾ᭞ᬢᬦ᭄ᬯᬸᬭᬸᬂᬓᬮᬦ᭄ᬢᬸᬃᬲᬶᬭ᭞ᬩ᭄ᬭᭀᬂᬦ᭄ᬢᬦᭂᬫ᭄ᬩᬄᬫ᭄ᬭᬶᬂ
ᬗᬮᬄ᭞ᬩᬓᬮ᭄ᬘᬸᬧᭂᬢ᭄ᬮᬮᬓᭀᬦ᭄ᬫᬸ᭞ᬫᭀᬗ᭄ᬓᬓᬃᬱᬦᬶᬂᬧᬗᬾᬃᬭᬦ᭄᭟ᬓᬂᬗᭀᬤ᭄ᬭᬢ᭄ᬫᬓ᭄ᬮᬸᬓ᭄ᬱᬓᬮᬶᬃ᭞ᬳᬦᬶᬢᬄᬢᭂᬦ᭄ᬫᬭᬂᬲᬶᬭ᭞ᬓᬶᬦᬃᬲᬓᭂᬦ᭄ᬫᭂᬜ᭄ᬘᬸᬭᬓᬾ᭞ᬚ
ᬦ᭄ᬫᬭᬂᬧᬸᬮᬾᬤᬯ᭞ᬓᬂᬫᭂᬗ᭄ᬓᭀᬫᬓ᭄ᬱᬄᬲᭀᬜ᭞ᬧᬺᬦᬄᬓᬶᬤᬸᬮ᭄ᬯᬾᬢ᭠ᬦ᭄ᬗᬶᬡ᭄ᬥᬸ᭞ᬳᬚᬲᬸᬫ᭄ᬮᬂᬢ᭄ᬬᬲ᭄ᬱᬶᬭ᭟ᬫᬶᬢᬸᬭᬸᬢ᭄ᬢᬳᬸᬚᬃᬫᬫᬶ᭞ᬫᬃᬕᬳᬶᬗ᭄ᬲᬸᬦ᭄ᬲᬸᬲ᭄ᬧ᭄ᬭᬤ᭠
Kaca:Bali-lontar-gaguritan-adam-hawa-350ppi.pdf/83
Kaca puniki sampun kauji-wacén
