Kaca:Bali-lontar-gaguritan-adam-hawa-350ppi.pdf/70

Saking Wikisource
Kaca puniki sampun kauji-wacén

[᭖᭙ 69B]
᭖᭙
ᬕ᭄ᬓᬘᬸᬯᬦᬶᬂᬕᬮᬶᬄ᭞ᬘᬶᬦᬭᬶᬢᬯᭀᬦ᭄ᬢᭂᬦ᭄ᬱ᭄ᬯᬃᬭᬓᬧᬶᬬᬃᬱᬵ᭟ᬤᬵᬳᭂᬦᬶᬂᬲᬂᬳ᭄ᬬᬂᬚᬕᬢ᭄ᬦᬣ᭞ᬫᬗ᭄ᬓᬦᬯ᭄ᬭᬸᬄᬳᬦ᭄ᬢᬓᬓᬶ᭞ᬧᭀᬫᬲᬶᬳᬬ᭄ᬯᬗᬭᬄ᭞ᬧᬦᬸᬗ᭄ᬓᬸᬮ᭄ᬮᬾᬧ᭠
ᬭᬚᬦ᭄ᬫᬶ᭞ᬲᬢ᭄ᬮᬢᬄᬓᬸᬮᭀᬦ᭄ᬨᬾᬃᬱᬶ᭞ᬓ᭄ᬭᬦᬯᬸᬲ᭄ᬧᬶᬦᬱ᭄ᬝᬶᬳᬶᬓᬸ᭞ᬓᬩᬾᬄᬗᬸᬕᭂᬫᬶᬫᬭᬂ᭞ᬳᬶᬂᬗᬮᬫᬦᬾᬧ᭄ᬭᬶᬩᬤᬶ᭞ᬲᬶᬭᬦᭀᬭᬭᬶᬦᬶᬮᬦ᭄ᬥᬾᬦ᭄ᬫᬭᬾᬦ᭄ᬢᬄᬳ
᭟ᬮᬦ᭄ᬫᬦᬾᬄᬲᬶᬭᬭᬯ᭄ᬭᬸᬳᬵ᭞ᬮᬫᬸᬦ᭄ᬓᬃᬲᬦᬶᬂᬲᬸᬓ᭄ᬱ᭄ᬫᬤᬶ᭞ᬩᬓᬮ᭄ᬦᬶᬢᬄᬳᬓᬾᬳᬸᬫᬢ᭄᭞ᬡᬪᬶᬗᬶᬲᬵᬓᬂᬯᬯᬗᬶ᭞ᬲᬫᭂᬗ᭄ᬓᭀᬓᬸᬮᬸᬧ᭄ᬫᬓ᭄ᬱᬶᬄ᭞ᬳᬦᬾᬂᬕᬃ
ᬩᬶᬦ᭄ᬦᬶᬭᬾᬂᬩᬶᬬᬸᬂ᭞ᬤᬤᬶᬦᭀᬢᬦ᭄ᬧᬩᬧᬵ᭞ᬮᬳᬶᬃᬦᬾᬢᬦᬄᬇᬰ᭄ᬭᬇᬮ᭄᭞ᬬᬾᬓᬸᬳᬶᬓᬂᬮᬶᬦᬸᬯᬶᬄᬲᬗ᭄ᬓᬳᬶᬂᬲᬶᬭ᭟ᬫᬸᬮᬦᬾᬧᬭᬚᬯᬣ᭞ᬓᬂᬧᬘᬗᬺ
[᭗᭐ 70A]
ᬩᬲᬾᬂᬚᬸᬭᬶᬢ᭄᭞ᬲᬫᭂᬗᭀᬧᬥᬓᬸᬦ᭄ᬤᬸᬭᬵ᭞ᬲᬦᬮᬶᬓᬳ᭄ᬬᬂᬧ᭄ᬭᬫᬾᬱ᭄ᬝᬶ᭞ᬳᬗᬾᬲ᭄ᬢᭀᬓ᭄ᬳᬓᭂᬦ᭄ᬯᬗ᭄ᬲᬶᬢ᭄᭞ᬳᬥᭂᬤᬯᬸᬄᬫᬭᬂᬲᬸᬦᬸ᭞ᬓ᭄ᬮᬬᬦ᭄ᬘᬶᬧ᭄ᬢᬲᬲ᭄ᬫᬶᬢ᭞ᬧ
ᬭᬧᬸᬢ᭄ᬭᬲᬵᬫ᭄ᬧᬸᬦ᭄ᬢᬫ᭄ᬧᬶ᭞ᬲᬲ᭄ᬫᬶᬢᬦᬶᬂᬲᬸᬤᬃᬫᬵᬦᬸᬮ᭄ᬬᬥᭂᬤᬯᬄ᭟ᬳᬫ᭄ᬩᬶᬩᬃᬓᭂᬦ᭄ᬯᬤ᭄ᬬᬦᬶᬭ᭞ᬓᭂᬩᬸᬢ᭄ᬧᬭᬤᬾᬯᬲᬫᬶ᭞ᬯᬗ᭄ᬲᬸᬮ᭄ᬫᬶᬂᬢᬕᬸᬭᬸᬳᬃᬖ᭄ᬕ᭞ᬧ᭄ᬭᬧᬸ
ᬢ᭄ᬭᬫᬲ᭄ᬯᬾᬂᬥᬃᬫ᭄ᬫᬶ᭞ᬕ᭄ᬬᬧᬶᬦᬭᬶᬂᬗᬦ᭄ᬳᬦᬶᬂ᭞ᬯᬗ᭄ᬱᬶᬢ᭄ᬓᬂᬲᬵᬫ᭄ᬧᬸᬦ᭄ᬤᬸᬫᬯᬸᬄ᭞ᬳᬶᬂᬯᬶᬢ᭄ᬫᬤ᭄ᬬᬳᬸᬲᬦ᭞ᬧ᭄ᬭᬧᬸᬢ᭄ᬭᬤᬸᬧᬶᬫᬶᬬᬃᬱᬶ᭞ᬢᬦ᭄ᬱᬄᬲᬫᬶᬲᬗᭂᬢ᭄ᬧᬗᬸᬗᬸᬦ᭄ᬦᬶᬂᬤ᭄ᬭᬶ᭠
ᬬ᭟ᬬᬢᬳᬶᬂᬇᬩ᭄ᬭᬦᬶᬧ᭄ᬭᬚᬵ᭞ᬳᬸᬕᬶᬦᬕ᭄ᬭᬶᬩᬦ᭄ᬦᬶᬰ᭄ᬭᬇᬮ᭄᭞ᬚᬂᬡᬪᬶᬗᬶᬰᬯᬸᬲ᭄ᬫᬄᬬᬵ᭞ᬲᬓᬶᬂᬕᬃᬩᬦᬶᬭᬾᬂᬯᬶᬩᬶ᭞ᬤᬾᬯᬶᬫᬃᬬᬫ᭄ᬓᬂᬦᬫᬶ᭞ᬓᭀᬘᬧ᭄ᬱᬂᬪᬵᬝᬵ