[᭕᭘ 58B]
᭕᭘
ᬲ᭄ᬢᬦ᭄ᬓᬳᬾᬓ᭄ᬱᬶ᭞ᬤᬸᬓ᭄ᬱᬫᬦᬲᬂᬳ᭄ᬬᬂᬕᬸᬭᬸ᭞ᬲᬗᭂᬢ᭄ᬓᬯᭂᬓᭀᬦ᭄ᬦᬶᬂᬕᬮᬶᬄ᭞ᬤᬾ᭠ᬦ᭄ᬬᬫ᭄ᬭᬶᬄᬧᬦᬸᬗ᭄ᬓᬸᬮ᭄ᬮᬶᬂᬯᭀᬂ᭟ᬓᬂᬯᬸᬲ᭄ᬱᬫᬶᬫᬗᬾᬭᬦ᭄ᬫᬭᬶᬂᬫᬶᬦᬵᬕᬸᬂ᭞ᬲᬫᬦᬳ᭄ᬬᬂᬲᬶᬤ᭄ᬥᬚᬢᬶ
᭞ᬳᬦ᭄ᬢᬸᬓ᭄ᬯᭂᬗᬦ᭄ᬦᬶᬭᬾᬂᬓᬮ᭄ᬩᬸ᭞ᬫᬲᬂᬓᭂᬫᬬᬦ᭄ᬗᭂᬦᬦ᭄ᬦᬶ᭞ᬫᬭᬂᬲᬓᬶᬝᬵᬄᬳᬶᬂᬳᬸᬯᭀ᭟ᬓᬂᬫᬗᬾᬭᬦ᭄ᬫᬭᬶᬂᬫᬶᬦᬵᬢᬶᬃᬩᬄᬯᬳᬸ᭞ᬳᬦ᭄ᬤᬥᬓ᭄ᬓᭂᬦᬾᬂᬲᬲᬓᬶᬢ᭄᭞ᬮᬭᬳᬾ
ᬲᬸᬓ᭄ᬱᭀᬭᬾᬮᬫ᭄ᬧᬸᬲ᭄᭞ᬮᬭᬲᭀᬭᬾᬳᬾᬲᬸᬓ᭄ᬮᬮᬶᬲ᭄᭞ᬓᬂᬳᬸᬭᬶᬧ᭄ᬦᬡ᭄ᬥᬂᬧ᭄ᬭᬶᬳᬢᭀᬲ᭄᭟ᬯᬬᬂᬳᬸᬬᬸᬂᬢᬶᬮᬃᬩᬮᬾᬯᬶᬲ᭄ᬫᬦ᭄ᬦᬶᬧᬸᬦ᭄᭞ᬗᭂᬗ᭄ᬲᬶᬫ᭄ᬭᬶᬂᬢᬦᬄᬇᬩ᭄ᬭᬦ᭄ᬦᬶ᭞ᬫ᭄ᬭᬶᬂᬬ
ᬳᬸᬤᬶᬩ᭄ᬭᬲᬄᬗᭂᬭᬸᬫ᭄᭞ᬫ᭄ᬭᬶᬂᬢᬸᬃᬓᬶᬅᬲᬶᬬᬄᬳᬶᬡ᭄ᬥᬶ᭞ᬦᬾᬂᬳᬶᬡ᭄ᬥᬶᬳᬦ᭄ᬢᬸᬓ᭄ᬧᬯᬃᬢᭀᬲ᭄᭟ᬮᬫᬸᬦ᭄ᬳᬃᬱᬭᬳᬬᬸᬲᬮᬫᬾᬦᬶᬧᬸᬦ᭄᭞ᬫᬭᭀᬭᬦ᭄ᬦᬳ᭄ᬬᬂᬧ᭄ᬭᬫᬾᬱ᭄ᬝᬶᬧ᭄ᬭᬚᬦ᭄ᬫᬳᬶ᭠
[᭕᭙ 59A]
ᬓᬂᬫᬳᬾᬮᬸ᭞ᬫᬭᬂᬕᬸᬫ᭄ᬬᬄᬳᬶᬂᬧᬯᬃᬢᬶ᭞ᬢᬸᬳᬸᬢᬦᭂᬫᬄᬳᬶᬂᬮᬬᬾᬦ᭄᭚᭜᭚ᬥᬗ᭄ᬤᬂ᭚᭜᭚ᬮᬶᬃᬥᬶᬦᬗ᭄ᬤᬂᬦᬵᬭᬾᬡ᭄ᬥ᭄ᬭᬳᬶᬂᬨᬾᬃᬣᬶ᭞ᬰ᭄ᬭᬶᬤᬶᬃᬚᬲ᭄ᬢᬓᬧᬭᬕ᭄ᬕᬶᬂᬗᬾᬖ᭞ᬳᬫᬤ
ᬮ᭄ᬱᬓᬶᬂᬲᬓᬾᬄᬳᬾ᭞ᬳᬸᬲᬤᬢᭂᬫᬄᬮᬫ᭄ᬧᬸᬲ᭄᭞ᬓᬭᬦᬦᬾᬯᬳᬸᬲᬂᬗᬚᬶ᭞ᬢᬦ᭄ᬓᬃᬱᬦᬸᬢ᭄ᬢᬶᬂᬯᬃᬢ᭄ᬣ᭞ᬫᬗᬾᬭᬳ᭄ᬬᬂᬕᬸᬭᬸ᭞ᬲᬂᬧ᭄ᬭᬪᬹᬳᬦᭀᬫ᭄ᬤᬲ᭄ᬢᬦ᭄ᬤᬃ᭞ᬓᬂᬫᬳᬾᬮᬸᬫ
ᬭᬂᬕᬸᬫ᭄ᬬᬄᬳᬶᬂᬧᬯᬃᬢᬶ᭞ᬯᬮᬸᬬᬕᭂᬭᬄᬳᬶᬭ᭟ᬦᬸᬮᬶᬕᭂᬦ᭄ᬢᭀᬲ᭄ᬱᬶᬂᬚᬸᬫᭂᬦᭂᬂᬳᬚᬶ᭞ᬳᬚᬸᬚᬸᬮᬸᬓ᭄ᬱᬂᬧ᭄ᬭᬪᬹᬤᬲ᭄ᬢᬦ᭄ᬤᬃ᭞ᬫᬶᬦᬸᬮ᭄ᬬᬧᬜ᭄ᬚᭂᬦᭂᬂᬗᬦᬾ᭞ᬫᬗ᭄ᬭᬾᬄᬲᬫᬶᬦᬶᬂ
ᬭᬢᬸ᭞ᬲᬢ᭄ᬮᬢᬄᬜᬢᬦᬄᬳᬶᬧᬾᬃᬣᬶ᭞ᬳᬫ᭄ᬪᬯᬦᬶᬯᬶᬩᬯ᭞ᬮᬶᬃᬲᬸᬤᬃᬫᬦ᭄ᬦᬶᬧᬸᬦ᭄᭞ᬰ᭄ᬬᬃᬕᬶᬲᬂᬧ᭄ᬭᬪᬹᬤᬶᬃᬚᬲ᭄ᬢ᭞ᬯᬶᬦᬸᬃᬢᬯᬳᬸᬲᬂᬤᬲ᭄ᬢᬦ᭄ᬤᬃᬳᬚᬶ᭞ᬲᬗᭂᬢ᭄ᬓ
Kaca:Bali-lontar-gaguritan-adam-hawa-350ppi.pdf/59
Kaca puniki sampun kauji-wacén
