Kaca:Bali-lontar-gaguritan-adam-hawa-350ppi.pdf/41

Saking Wikisource
Kaca puniki sampun kauji-wacén

[᭔᭐ 40B]
᭔᭐
ᬳᬦ᭄ᬢᬶᬖ᭞ᬳᬦᬗᬶᬂᬓᬡ᭄ᬥᭂᬕ᭄ᬯᬶᬢ᭄ᬤᬾᬦᬾ᭞ᬳᬶᬦ᭄ᬢᬶᬕᬢᬦ᭄ᬓᬤᬸᬮᬸ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬱᬗᭂᬢ᭄ᬧ᭄ᬭᬶᬳᬢᬶᬦ᭄᭞ᬓᬘᬭᬶᬢᬤᬾᬦᬶᬭ᭞ᬗ᭄ᬭᬸᬭᬸᬄᬧᬸᬢ᭄ᬭᬦ᭄ᬦᬶᬧᬸᬦ᭄᭞ᬓᭀᬗ᭄ᬲᬶᬧ᭄ᬭᬧ᭄ᬢᬾᬂ
ᬧᬸᬮᭀᬚᬯ᭞ᬯᭀᬦ᭄ᬢᭂᬦ᭄ᬗ᭄ᬭᬶᬓᬸ᭞ᬫᬦᬸᬗ᭄ᬓᬸᬧᬸᬚᬲᭂᬫᬤᬶ᭞ᬦᭂᬕᭂᬲ᭄ᬓᬃᬱᬦᬶᬂᬲᬸᬓ᭄ᬱ᭄ᬫᬵ᭟ᬤᬢᬦ᭄ᬤᬗᬸᬤᬾᬦᬶᬭᬲᭂᬫᬾᬤᬶ᭞ᬲᬂᬳ᭄ᬬᬂᬯᭂᬦᬂᬧ᭄ᬭᬧ᭄ᬢᬲᬦᬮᬶᬓ᭞ᬯᬯᬭᬄᬫᬭᬂᬧᬸᬢ᭄ᬭ
ᬦᬾ᭞ᬲᬤᬬᬓᬯ᭄ᬭᬸᬄᬳᬶᬧᬸᬦ᭄᭞ᬲᬓᬳᬾᬬᬂᬳᬾᬬᬂᬜᬗᬸᬦᬶ᭞ᬲᬯᬃᬡᬶᬦᬶᬂᬧᬸᬲᬓ᭞ᬲᬓᬶᬂᬳᬾᬬᬂᬗᬶᬧᬸᬦ᭄᭞ᬘᬸᬧᬸᬫᬡᬶᬓ᭄ᬳᬱ᭄ᬝᬕᬶᬡ᭞ᬲᬕᬲᭀᬢ᭄ᬬᬭᬢ᭄ᬦᬤᬸᬫᬶ
ᬮᬄᬧ᭄ᬭᬶᬢᬸᬯᬶᬦ᭄᭞ᬓᬂᬮᬢᬫᬳᭀᬲᬤ᭄ᬬ᭟ᬲᬤᬬᬜᬲᬵᬫ᭄ᬧᬸᬦ᭄ᬤᬾᬦ᭄ᬢᬫ᭄ᬧᬦᬶ᭞ᬫ᭄ᬭᬶᬂᬳ᭄ᬬᬂᬢᬸᬗ᭄ᬕᬮ᭄‌ᬲᬂᬳ᭄ᬬᬂᬯᭂᬦᬂᬦᬸᬮ᭄ᬬ᭞ᬳᬦᬸᬗ᭄ᬕᬮ᭄ᬳᬶᬂᬓᬳᬦᬦᬾ᭞ᬦᭂᬗ᭄ᬕᬶᬄᬫ᭄ᬭᬶᬂᬧᬸ
[᭔᭑ 41A]
ᬢ᭄ᬭᬦ᭄ᬦᬶᬧᬸᬦ᭄᭞ᬮᬶᬃᬲᬢᬸᬮᬦ᭄ᬭᬶᬫ᭄ᬩᬸᬕᬦ᭄ᬱᬫᬶ᭞ᬫ᭄ᬬᬂᬭᭀᬭᭀᬦᬶᬂᬗᬢᬸᬗ᭄ᬕᬮ᭄᭞ᬢᬸᬗ᭄ᬕᬮ᭄ᬢᬢᬶᬦᬶᬧᬸᬦ᭄᭞ᬳ᭄ᬬᬂᬯᭂᬦᬂᬳᬸᬕᬳ᭄ᬬᬂᬢᬸᬗ᭄ᬕᬮ᭄᭞ᬓᬤ᭄ᬬᬗ᭄ᬕᬦᬶᬂᬲᬃᬓᬭᬭᬸᬧᬮᬦ᭄ᬫᬦᬶᬲ᭄᭞
ᬢᬦ᭄ᬓᬾᬗᬶᬂᬧᬶᬦᬶᬲᬄᬳ᭟ᬦᬳᭂᬦ᭄ᬓᬂᬯᬸᬲ᭄ᬳᬦᬸᬗ᭄ᬕᬮ᭄ᬓᬚᬢᬶᬦ᭄᭞ᬳᬦᬘᬸᬫᬮᭀᬭᭀᬢ᭄ᬲᬓᬶᬂᬯᬶᬬᬢ᭄᭞ᬳᬓᬭᬓᬭᬦᬄᬬᬦᬾ᭞ᬫᬸᬚᬸᬗᬃᬱᬦᬶᬧᬸᬦ᭄᭞ᬲᬂᬳ᭄ᬬᬂᬢᬸ
ᬗ᭄ᬕᬮ᭄ᬕᬃᬚᬶᬢᬾᬂᬕᬮᬶᬄ᭞ᬳᬦᬸᬮᬶᬢᬶᬦᬤᬄᬳᬦ᭄᭞ᬳᬶᬂᬗᬲ᭄ᬝᬲᬢᬸᬳᬸ᭞ᬮᬫᬸᬦ᭄ᬳᬯᬃᬡᬶᬳᬦ᭄ᬢᬶᬖ᭞ᬲᬂᬳ᭄ᬬᬂᬢᬸᬗ᭄ᬕᬮ᭄ᬢᬦ᭄ᬱᬫᬃᬬᬾᬕᬳᬶᬂᬗᬸᬦᬶ᭞ᬳᬦ᭄ᬢᬶᬕᬳᭀᬯᬸᬢ᭄ᬭᬦᬶᬭ᭟ᬓᬂᬳᬦ᭄ᬢᬶ
ᬕᬧᭂᬘᬄᬦᬸᬮ᭄ᬬᬓᬾᬓ᭄ᬱᬶ᭞ᬭᬭᬾᬓᬮᬶᬄᬗᬤᭂᬕ᭄ᬦᬾᬂᬗᬃᬱᬜ᭞ᬲᬸᬫᬶᬭᬢ᭄‌ᬲᬶᬭᬢ᭄ᬘᬬᬦᬾ᭞ᬳᬶᬋᬂᬲᬚᬸᬕᬦ᭄ᬦᬶᬧᬸᬦ᭄᭞ᬓᬂᬲᬶᬸᬲᬢᬸᬗ᭄ᬕᬮ᭄ᬘᬄᬬᬦᬾᬱᬸᬢᬶᬄ᭞ᬲ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-adam-hawa-350ppi.pdf/41&oldid=18153"