Kaca:Bali-lontar-gaguritan-adam-hawa-350ppi.pdf/37

Saking Wikisource
Kaca puniki sampun kauji-wacén

[᭓᭖ 36B]
᭓᭖
ᬧᬸᬦ᭄ᬤᬶᬢᬸᬯᬶᬦ᭄ᬧᬸᬦᬧᬶ᭞ᬳᬶᬓᬂᬲᬶᬦᭂᬤ᭄ᬬᬾᬂᬤ᭄ᬯᬶᬬ᭟ᬲᬂᬳ᭄ᬬᬂᬢᬸᬗ᭄ᬕᬮ᭄ᬱ᭄ᬭᬸᬗᬸᬗᬸᬦ᭄ᬤᬸᬓ᭄ᬫ᭄ᬬᬃᬱᬶ᭞ᬳᬦᬬᬸᬬᬸᬩᬶᬲᬢᬢᬚᬮ᭄ᬫ᭞ᬫᬦᬸᬳᬭᬵᬮᭀᬦ᭄ᬤᭂᬮᬶᬗᬾ᭞ᬲᬓ᭄ᬱᬦᬫ᭠
ᬗ᭄ᬲᬸᬮ᭄ᬫᬸᬯᬸᬲ᭄᭞ᬢᬸᬳᬸᬮᬫᬸᬦ᭄ᬢᬶᬦᬶᬲ᭄ᬱᬶᬭᬾᬂᬚᬶᬦ᭄᭞ᬢ᭄ᬭᬄᬡᬪᬶᬰᬶᬲ᭄ᬫᬸᬮᬜ᭞ᬢᬸᬯᬶᬦ᭄ᬳᬶᬓᬂᬗᬩᬸ᭞ᬤᬾᬯᬶᬲᬯ᭄ᬤᬢᬶᬧᬸᬢ᭄ᬭᬶᬜ᭞ᬧ᭄ᬭᬪᬹᬳᬭᬶᬭᬢᬸᬦᬶᬂᬚᬶᬦ᭄ᬧ᭄ᬭᬚᬾᬂᬓ᭄ᬮᬶᬂ᭞ᬢᬶ
ᬦᬸᬢᬸᬃᬓᭂᬦ᭄ᬱᬤᬬ᭟ᬮᬦ᭄ᬓᬂᬬᬶᬸᬗᬾᬬᬂᬳᬾᬬᬂᬤᬾᬦ᭄ᬦ᭄ᬬᬲᬫᬶ᭞ᬓᬫᬦ᭄ᬢᬸᬤᬾᬦᬶᬂᬡᬣᬾᬂᬤᬾᬯᬢ᭞ᬢᬸᬯᬶᬦ᭄ᬤᬾᬯᬦᬶᬯᬸᬲ᭄ᬤᬾᬦᬾ᭞ᬤᬾᬦᬶᬭᬦᬶᬲ᭄ᬳᬶᬂᬤᬗᬸ᭞ᬳᬫᬮᬮ
ᬚᬄᬚᬄᬯᬦᬃᬤᬶ᭞ᬚᬚᬄᬚ᭄ᬭᭀᬦᬶᬂᬲᬕᬭ᭞ᬲᬭᬾᬳᬦᬾᬂᬯᬢᬸ᭞ᬤᬸᬓ᭄ᬲᬫᬦᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬫᬮᬶᬄᬦᬩ᭄ᬤᬳᬾᬄᬬᬸᬬᬸᬤᬾᬦᬾᬲᬶᬭᬾᬓᬶ᭞ᬩᬶᬲᬗᬸᬘᬧ᭄ᬤᬶᬃ
[᭓᭗ 37A]
ᬚᬦ᭄ᬫ᭟ᬓᬂᬲᬶᬦᬩ᭄ᬤᬦ᭄ᬱᬓ᭄ᬱᬡᬫᬗ᭄ᬲᬸᬮ᭄ᬮᬶ᭞ᬥᬸᬄᬲᬂᬩᬕᬸᬲ᭄᭞ᬓᬳᬸᬮᬧᬸᬦᬶᬓᬵ᭞ᬲᬚᬶᬦᬶᬲ᭄ᬮᬦ᭄ᬧᬤᬸᬓᬵᬕᬾᬃ᭞ᬧᬦ᭄ᬢᬓ᭄ᬱᬶᬄᬕᭀᬢ᭄ᬭᬄᬳᬶᬧᬸᬦ᭄᭞ᬳᬾᬬᬂᬢᬸᬯᬦ᭄ᬦ
ᬣᬾᬂᬤᬾᬯᬦᬶ᭞ᬢᬸᬯᬶᬦ᭄ᬦᬣᬾᬂᬤᬾᬯᬢ᭞ᬓᬯᬸᬮᬢ᭄ᬭᬄᬳᬶᬧᬸᬦ᭄᭞ᬳᬭᬶᬦᬾ᭠ᬳᬾᬬᬂᬧᬤᬸᬓᬭᬚᬤᬭᬶᬄ᭞ᬧᬦ᭄ᬤᭀᬦᬶᬂᬳ᭄ᬬᬂᬳᬸᬚ᭄ᬯᬮᬵᬤᬶ᭞ᬲᬢᬸᬭᬸᬦ᭄ᬢᬸᬭᬸᬦ᭄ᬦᬶᬭ᭟ᬘᭀ
ᬗ᭄ᬱᬶᬧ᭄ᬭᬧ᭄ᬢᬦᬶᬭᬳᬸᬮᬸᬦ᭄ᬫᬓ᭄ᬱᬶᬄ᭞ᬯᬃᬦᬶᬬᬸᬬᬸ᭞ᬓᬬᬂᬗᬦ᭄ᬱᬫᭀᬤ᭄ᬭ᭞ᬳᬗ᭄ᬭᬢᭀᬦᬶᬲᬓᬢᬄᬳᬾ᭞ᬢᬶᬢᬄᬓᬂᬩᭀᬗ᭄ᬰᬬᬸᬬᬸ᭞ᬳᬾᬬᬂᬢᬸᬯᬦ᭄ᬱᬧ᭄ᬭᬪᬹᬳᬭᬶ᭞
ᬧᬸᬦᬶᬓᬫᬓ᭄ᬱᬶᬤᬾᬭᬄ᭞ᬳᬸᬕᬶᬮᬯᬦ᭄ᬳᬸᬮᬸᬦ᭄᭞ᬲᬫᬗ᭄ᬓᬾᬳᬫ᭄ᬩᬢᬸᬃᬯᬶᬓᬦ᭄᭞ᬧ᭄ᬭᬲᬚᬜᬫᬶᬮᬕᬾᬃᬥᬯᬄᬳᬶᬂᬗ᭄ᬭᬶᬓᬶ᭞ᬓ᭄ᬭᬡᬧᬦᬹᬳᬸᬦ᭄ᬓᬮᬵ᭟ᬢᬶᬦᬸᬭᬸᬢ᭄ᬢᬦ᭄ᬤᬾᬦᬶᬂᬳᬸ