Kaca:Bali-lontar-gaguritan-adam-hawa-350ppi.pdf/116

Saking Wikisource
Kaca puniki sampun kauji-wacén

[᭑᭑᭕ 115B]
᭑᭑᭕
ᬧ᭄ᬭᬪᬹᬤᬡᬸᬳᬫ᭄ᬩᭂᬕ᭄ᬧᬢᬶ᭞ᬫᬗ᭄ᬱᬄᬗᬯᬓ᭄ᬓᬶᬗᬬᬸᬤᬵ᭞ᬓ᭄ᬭᬶᬭᬩ᭄ᬭᬶᬓ᭄ᬮᬶᬃᬗᬼᬩᬸᬃᬩᬸᬫᬶ᭞ᬳᬶᬓᬂᬢᬶᬦ᭄ᬭᬂᬚᬂᬕᬸᬲᬶᬲ᭄᭞ᬧ᭄ᬭᬤᬾᬯᬫᬶᬭᬶᬲ᭄ᬓᬧ᭄ᬮᬬᬸ᭞ᬳᭀᬜ᭄ᬘᬢ᭄ᬱᬓᬶᬂᬧᬮᬕᬦ᭄᭞
ᬬᬢᬋᬱᬶᬤᬡᬸᬫᬾᬓ᭄ᬱᬶ᭞ᬫᭂᬲᬄᬳᬶᬂᬧ᭄ᬭᬂᬢᬸᬳᬸᬬᬾᬦ᭄ᬳᬢ᭄ᬫᬚᬦᬶᬭ᭟ᬢᬸᬫᬸᬮ᭄ᬬᬾᬂᬗ᭄ᬕᬮ᭄ᬧᬶᬦᬺᬧᭂᬓᬦ᭄᭞ᬧ᭄ᬭᬪᬹᬤᬦᬸᬓᬤᬸᬓ᭄ᬫᬾᬓ᭄ᬱᬶ᭞ᬯᬳᬸᬫ᭄ᬭᬶᬂᬲᬸᬤᬃᬫᬤᬶᬦ᭄ᬭ᭞ᬲᬓᬮᬓ
ᬡ᭄ᬥᬶᬄᬓᬂᬭᬸᬦ᭄ᬢᬶᬓ᭄᭞ᬲᬂᬋᬱᬶᬤᬡᬸᬦᬸᬮᬶ᭞ᬯᬯᬭᬄᬫ᭄ᬭᬶᬂᬲᬸᬢᬦᬶᬧᬸᬦ᭄᭞ᬤᬾᬦ᭄ᬦ᭄ᬬᬯᭀᬦ᭄ᬢᭂᬦ᭄ᬓᬳ᭄ᬬᬂᬗᬦ᭄᭞ᬧᬸᬦᬸᬮᬸᬂᬗᬶᬂᬚᬯᬢᬤᬶ᭞ᬧᬦ᭄ᬱᬶᬦᬸᬗᬦ᭄ᬕᬸᬕᬳᬵᬓᬫᬸᬮ᭄ᬬᬦ᭄ᬦᬶᬭ᭟
ᬓᬂᬧᬸᬢ᭄ᬭᬲᬸᬓᬫᬶᬬᬃᬱ᭞ᬦᬸᬮ᭄ᬬᬩᬸᬩᬃᬭᬓᭂᬦ᭄ᬩᬭᬶᬲ᭄᭞ᬯᬗ᭄ᬲᬸᬮ᭄ᬫ᭄ᬭᬶᬂᬦᬕ᭄ᬭᬶᬕ᭄ᬯᬩᬚ᭄ᬭ᭞ᬫᬸᬂᬯᭀᬦ᭄ᬢᭂᬦ᭄ᬤᬶᬢ᭄ᬬᬓᬓᬮᬶᬄ᭞ᬲᬓᬤᬂᬦᬸᬗ᭄ᬓᬸᬮ᭄ᬱᬫᬶ᭞ᬤᬾᬦᬾᬯᬳᬸᬓᬂᬲᬸᬲᬸᬦᬸ᭞ᬪᬵ
[᭑᭑᭖ 116A]
ᬕᬯᬦ᭄‌ᬕᭀᬧᬢᬦᬄᬧᬢᬸᬢ᭄ᬢᬦ᭄ᬱᬓᬶᬂᬤ᭄ᬬᬄᬫᬢ᭄ᬭᬶ᭞ᬤᬾᬯᬶᬫᬢ᭄ᬭᬶᬧᬸᬢ᭄ᬭᬶᬜᬲᬂᬳ᭄ᬬᬂᬢ᭄ᬭᬶᬬᬢ᭄ᬭ᭟ᬳᬦᬫᬘᬶᬗ᭄ᬓᬭᬩᬮᬵ᭞ᬤᬾᬦᬾᬯᬳᬸᬓᬂᬢᬭᬸᬦᬶ᭞ᬳᬦᬫᬩᬮ
ᬳᬸᬧᬢ᭞ᬲᬶᬦᬸᬗᬦ᭄ᬧᬓᬃᬬ᭄ᬬᬦ᭄ᬢᬕᬶ᭞ᬯᬶᬯᬭᬦᬶᬂᬲ᭄ᬯᬃᬕᬤᬶ᭞ᬤᬶᬢ᭄ᬬᬓᬓᬮᬶᬄᬚᬶᬦᬸᬜ᭄ᬚᬸᬂ᭞ᬲᬲᭂᬩᬸᬢᬦ᭄ᬪᬝᬵᬭᬲᬫᬶᬲᬗᭂᬢ᭄ᬱᬸᬓᬾᬂᬗᬢᬶ᭞ᬓᬸᬦᭂᬂᬫᬗ᭄ᬓᬸᬯᬰ᭄ᬭᬶᬧᬤᬸᬓ
ᬓᬂᬯᬶᬦᬃᬡ᭟ᬤᬾᬦᬶᬭᬫᬤᭂᬕ᭄ᬱ᭄ᬭᬶᬡᬣ᭞ᬯᬸᬲ᭄ᬦ᭄ᬬᬲᬯᬢᬭᬮᬫᬶ᭞ᬦᬾᬂᬕ᭄ᬭᬦᬶᬂ᭠ᬗᬃᬕᬤᬸᬫᬶᬮᬄ᭞ᬕ᭄ᬬᬓᭀᬦ᭄ᬤᬸᬃᬫ᭄ᬭᬶᬂᬢᬦᬄᬳᬶᬦ᭄ᬤᬶ᭞ᬦᬸᬮ᭄ᬬᬧ᭄ᬭᬧᬸᬢ᭄ᬭᬲᬫᬶ᭞ᬤᬶᬦᬯᬸᬳᬦ᭄ᬫᬤᭂᬕ᭄ᬭ
ᬢᬸ᭞ᬯᭀᬦ᭄ᬢᭂᬦ᭄ᬳᬶᬂᬧᬸᬮᭀᬚᬯ᭞ᬧ᭄ᬭᬧᬸᬢ᭄ᬭᬳᬗ᭄ᬮᬓ᭄ᬱᬦᬦᬶ᭞ᬳᬗᭂᬚᬯᬯᬦ᭄ᬢᬄᬚᬸ᭠ᬫᭂᬦᭂᬂᬡᬭᬾᬡ᭄ᬥ᭄ᬭ᭟ᬲᬳᬫᭂᬜ᭄ᬘᬃᬧ᭄ᬭᬚᬦᬶᬭ᭞ᬪᬵᬝᬵᬭᬰᬫ᭄ᬩᬸᬩᬶᬩᬶᬲᬶᬓ᭄᭞ᬲᬂᬫᬳᬭᬚ