[᭑᭐᭗ 107B]
ᬲᬫᬶᬤᬶᬧᬸᬦ᭄ᬭᬸᬕᬸᬃᬭᬶ᭞ᬲᬧ᭄ᬢᬭᬶᬮᬫᬾᬦ᭄ᬦᬶᬭ᭞ᬕ᭄ᬬᬳᬦᬓᬧ᭄ᬭᬸᬗᬸᬫ᭄ᬚᬸᬫᭂᬡ᭄ᬭᬾᬢ᭄ᬢᬶᬂᬕᭂᬮᬧ᭄ᬗᬬᬃ᭞ᬕᬸᬫᬭᬸᬩᬸᬕ᭄ᬱᬶᬡ᭄ᬥᬸᬂᬭᬶᬯᬸᬢ᭄ᬦ᭄ᬬᬲ᭄ᬫᬶᬢᬦᬶᬂᬧᭀᬜ᭄ᬘᬩᬬ᭟ᬧᬭᬘᬸᬦ᭄ᬤᬓᬦᬸᬮ᭄ᬬ
ᬫᬲᬶᬲᬶᬃ᭞ᬳᬫᬸᬂᬦᬸᬕᬸᬃᬭᬶᬲᬓᬶᬂᬲᬫᭀᬤ᭄ᬭ᭞ᬦᬸᬫ᭄ᬧᬂᬧᬮ᭄ᬯᬲᬤᬬᬦᬾ᭞ᬲᬸᬓᬲᬸᬓᬹᬃᬢ᭄ᬬᬲ᭄ᬱᬶᬧᬸᬦ᭄᭞ᬤᬾᬦᬾᬲᬵᬫ᭄ᬧᬸᬦ᭄ᬳᬗᬦ᭄ᬢᬭᬦᬶ᭞ᬓᬩᬸᬮ᭄ᬮᬶᬭᬾᬂᬲᬭᬦᬵ᭞ᬓᬸᬦᭂᬂᬲᬗ᭄ᬱᬬᬲ᭄ᬭᬸ᭞ᬢ
ᬢᭂᬭᬸᬄᬳᬶᬂᬧᭀᬜ᭄ᬘᬩᬬ᭞ᬕᬭᬕᬭᬭᬾᬄᬓᬕᬶᬭᬶᬕᬶᬭᬶ᭞ᬲᬸᬯᬭᬩ᭄ᬬᬂᬩᬩᬭᬸᬂ᭠ᬗᬦ᭄᭟ᬢᬦ᭄ᬧᬭᬸᬂᬗ᭄ᬬᬦ᭄ᬥᭂᬥᭂᬢ᭄ᬢᬶᬂᬯᬶᬬᬢᬶ᭞ᬕᬸᬫᬋᬫ᭄ᬩ᭄ᬬᭂᬂᬚᬸᬫᭂᬥᬾᬃᬢᬦ᭄ᬓᭂᬡ᭄ᬥᬢ᭄᭞ᬕᬸᬯᬚᬸᬭᬂ
ᬘᬸᬭᬶᬂᬧᬾᬭᬾᬂ᭞ᬳᬲ᭄ᬭᬶᬂᬲ᭄ᬭᬗᬦ᭄ᬱᬸᬫ᭄ᬭᬸᬯᬸᬂ᭞ᬕᬸᬫᬋᬗ᭄ᬕᭂᬂᬲᬶᬦ᭄ᬭᬂᬗᬶᬗᬗᬶᬦ᭄᭞ᬢᬮᬕᬫᬯᬮᬶᬓ᭄ᬓᬦ᭄᭞ᬳᬸᬧᬫᬓᬶᬦᭂᬩᬸᬃ᭞ᬳᭀᬋᬕ᭄ᬭᬸᬕ᭄ᬗᬦ᭄ᬢᬮᬩᭂᬮᬄ᭞ᬯᬢᬸᬯᬢᬸᬚ᭄ᬭᭀ᭠
[᭑᭐᭘ 108A]
ᬩᬸᬫᬶᬫᭂᬲᬢ᭄ᬫ᭄ᬭᬶᬂᬮᬗᬶᬢ᭄᭞ᬦᭂᬩ᭄ᬕ᭄ᬕᭂᬮ᭄ᬳᬢᬶᬢᬶᬫ᭄ᬩᬶᬲ᭄ᬱᬦ᭄᭟ᬕᬸᬦᬸᬂᬫᬸᬭᬸᬩ᭄ᬮᬶᬃᬗᬬᬸᬄᬯᬶᬬᬢ᭄ᬢᬶ᭞ᬳᬸᬤᬦ᭄ᬯᬢᬸᬮᬦ᭄ᬯᬮᬶᬭᬂ᭞ᬯᬺᬓ᭄ᬱᬲᬩᭂᬢ᭄ᬢᬦ᭄ᬩᬮᬾᬲᬾᬄᬤᭂᬋᬱ᭄ᬳᬲᬶᬯᬢ᭄ᬱᬶᬯᬸᬢ᭄᭞ᬯᬢᬸ
ᬲᬸᬫ᭄ᬬᬃᬓᬩᬸᬜ᭄ᬘᬂᬗᬗᬶᬦ᭄᭞ᬳᬫ᭄ᬩᬍᬥᬸᬕ᭄ᬕᬍᬧᬂ᭞ᬗᬓᬱᬕᬸᬫᬸᬭᬸᬄ᭞ᬕᬸᬫᬮᬸᬥᬸᬕ᭄ᬯᭂᬦᬾᬄᬗᬓᬓ᭄᭞ᬮᬶᬃᬲ᭄ᬯᬃᬭᬦᬶᬂᬦᬕᬩᬸᬢᬚᬧᬶᬬᬃᬱᬶ᭞ᬮᬶᬧᬗ᭄ᬭᬶᬓ᭄ᬓᬶᬂᬭᬓ᭄ᬱᬲ᭟ᬲᬢᭀ
ᬯᬦᬩ᭄ᬭᬱ᭄ᬝᬢᬸᬫ᭄ᬧᭂᬲ᭄ᬢᬫ᭄ᬧᬶᬲ᭄᭞ᬩᭂᬃᬓᬲᬓ᭄ᬓᬦ᭄ᬱᬺᬫᭂᬢ᭄ᬓᬩᬭᬲᬢ᭄᭞ᬭᬶᬥᬸᬥᭂ᭠ᬫᬶᬢ᭄ᬩᬸᬩᬃᬓᬩᬾᬄ᭞ᬓᬫ᭄ᬩᬄᬳᬶᬂᬩᬩᬬᬕᬸᬂ᭞ᬕᬸᬫᬄᬳᬫ᭄ᬬᬂᬲ᭄ᬯᬭᬦᬶᬂᬢᬗᬶᬲ᭄᭞ᬦᬸᬮ᭄ᬬᬗ᭠
ᬮᬶᬄᬧᬗ᭄ᬕᭀᬦᬦ᭄᭞ᬫ᭄ᬭᬶᬂᬲᬕᬭᬓᬶᬤᬸᬮ᭄᭞ᬧ᭄ᬭᬘᬸᬦ᭄ᬤᬓᬘᬶᬦᬭᬶᬢ᭞ᬦᬸᬮ᭄ᬬᬯᬗ᭄ᬲᬸᬮ᭄ᬫᬭᬂᬳᬶᬂᬗᭂᬭᬸᬫ᭄ᬦᬕᬭᬶ᭞ᬲᬧ᭄ᬭᬧ᭄ᬢᬦᬾᬗ᭄ᬭᬸᬫ᭄ᬧ᭄ᬭᬚᬵ᭟ᬫᬲ᭄ᬯᬾᬂᬚᭂᬂᬰᬸᬮ᭄ᬚᬦ᭄ᬳᬢᬹᬃᬳᬸ᭠
Kaca:Bali-lontar-gaguritan-adam-hawa-350ppi.pdf/108
Kaca puniki sampun kauji-wacén
