Kaca:Bali-lontar-gaguritan-adam-hawa-350ppi.pdf/104

Saking Wikisource
Kaca puniki sampun kauji-wacén

[᭑᭐᭓ 103B]
᭑᭐᭓
ᬳᬸᬓᬶᬃᬳ᭄ᬬᬂᬭᬦ᭄ᬦᬶᬧᬸᬦ᭄᭞ᬢᬸᬫᬸᬮ᭄ᬬᬩᬶᬦᬩᬤ᭄ᬥᬦ᭄᭞ᬧᬶᬦᭂᬝᬵᬮᬶᬃᬧᬗᬲ᭄ᬭᬫᬦ᭄ᬤᬸᬓ᭄ᬧᬸᬦᬶᬓᬸ᭞ᬯᬲᬶᬡ᭄ᬥᬦᬸᬚᬸᬲᬫ᭄ᬩ᭄ᬭᬫᬵ᭞ᬳᬶᬂᬫᭀᬗ᭄ᬱᬘᬶᬢ᭄ᬭᬫᬋᬗᬶ᭟ᬧᬶᬂᬧᬢ᭄ᬩᭂᬮᬲ᭄ᬳᬭᬶᬲᭀᬫ᭞
ᬦᬫᬦᬶᬭᬾᬂᬯᬃᬱᬫᬓ᭄ᬱᬶᬄᬍᬲ᭄ᬢᬭᬶ᭞ᬢᬳᬸᬦ᭄ᬱᬂᬗ᭄ᬓᬮᬧᬸᬦᬶᬓᬸ᭞ᬤᬾᬦᬾᬧ᭄ᬭᬪᬹᬇᬲᬓᬵ᭞ᬘᬶᬦᬭᬶᬢᬕ᭄ᬬᬲᬮᬶᬦ᭄ᬪᬸᬚᬸᬮᬸᬓ᭄ᬳᬶᬧᬸᬦ᭄᭞ᬦᭂᬗ᭄ᬕᬶᬄᬲᬂᬳᭂᬫ᭄ᬧᬸᬲᬗ᭄ᬓᬮᬵ᭞ᬢᬸᬫᬸᬮ᭄ᬬ
ᬯᬶᬯᬶᬢ᭄ᬫ᭄ᬭᬢᬧᬶ᭟ᬫᬓ᭄ᬱᬶᬄᬳᬶᬂᬯᬃᬱᬵᬲᬫ᭄ᬩ᭄ᬭᬫ᭞ᬦᬸᬚᬸᬫᭀᬗ᭄ᬰᬓᬃᬢᬶᬓᬵᬤᬾᬦ᭄ᬧᬾᬗᭂᬢ᭄ᬢᬶ᭞ᬓᬸᬦᬶᬃᬭᬯᬸᬓ᭄ᬢᬦ᭄ᬧᬚᬮᬸ᭞ᬯᬃᬱᬲᬶᬭᬄᬲᬢᬸᬗ᭄ᬕᬮ᭄᭞ᬤᬸᬓ᭄ᬧᬸᬦᬶᬓᬯᬃᬱᬓ
ᬓᬮᬶᬄᬓᬂᬫ᭄ᬮᬓᬸ᭞ᬢᬳᬸᬦ᭄ᬱᬹᬃᬬ᭄ᬬᬮᬯᬦ᭄ᬘᭀᬡ᭄ᬤ᭄ᬭ᭞ᬳᭂᬫ᭄ᬧᬸᬲᬗ᭄ᬓᬮᬯᬶᬦᬃᬡᬶ᭟ᬯᬸᬲ᭄ᬢᭂᬢᭂᬨᬦᬾᬂᬳᬸᬓᬶᬃᬳ᭄ᬬᬂ᭞ᬦᬸᬗ᭄ᬓᬸᬧᬸᬤ᭄ᬬᬫᬮᬦ᭄ᬤᬶᬲᭂᬫᬤᬶᬦᬶᬂ᭞ᬦᭂᬕᭂᬲ᭄ᬫ᭄ᬭᬶᬂᬧᬗ᭄ᬭᬦ᭄ᬓᬂᬮᬸᬳᬸᬃ
[᭑᭐᭔ 104A]
᭞ᬓᬂᬫᬸᬃᬯᬾᬂᬲᬵᬳᭂᬲᬶᬦᬶᬂᬗ᭄ᬭᬢ᭄᭞ᬓᬢᬭᬶᬫᬾᬂᬲᭂᬤ᭄ᬬᬕ᭄ᬬᬳᬦᬤᬸᬮᬸ᭞ᬘᬄᬬᬧᭂᬝᬵᬓ᭄ᬱ᭄ᬭᬸᬲᬸᬫᬶᬮᬓ᭄᭞ᬲᬍᬩᭂᬢ᭄ᬢᬶᬂᬘᬄᬬᬓᬾᬓ᭄ᬱᬶ᭟ᬲᬚᬸᬕᬤᬶᬢ᭄ᬬᬪᬶᬭᬯ᭞ᬳᬯᬯᬭᬄᬳ᭄ᬬᬂᬓ
ᬮᬳᬶᬓᬂᬦᬫᬶ᭞ᬢᬸᬫᬸᬮ᭄ᬬᬤᬶᬦ᭄ᬢᭂᬦ᭄ᬧᬸᬦᬶᬓᬸ᭞ᬯᬶᬦᬲ᭄ᬢᬦ᭄ᬤᬶᬦᬓᬮ᭞ᬤᬶᬦ᭄ᬢᭂᬦ᭄ᬦᬶᬧᬸᬦ᭄ᬫᬮᬶᬄᬕ᭄ᬬᬳᬦᬓᬤᬸᬮᬸ᭞ᬬᬶᬸᬘᬄᬬᬩᬂᬳᬶᬚ᭄ᬭᭀᬓᬯᬸᬃᬬᬦ᭄᭞ᬮᬶᬃᬪ᭄ᬭᬄᬳ᭄ᬫᬦᬳᬲᬸᬂᬯ
ᬗ᭄ᬱᬶᬢ᭄᭟ᬳᬦᬫᬪᬝᬵᬭᬩ᭄ᬭᬳ᭄ᬫᬵ᭞ᬦᬸᬮ᭄ᬬᬤᬶᬦ᭄ᬢᭂᬦ᭄ᬯᬳᬸᬤᬶᬧᬸᬦ᭄ᬯᬲ᭄ᬢᬦᬶ᭞ᬤᬶᬦ᭄ᬢᭂᬦ᭄ᬩ᭄ᬭᬳ᭄ᬫᬯᬲ᭄ᬢᬦᬶᬧᬸᬦ᭄᭞ᬲᬮᬚᭂᬂᬜᬲᬂᬢᬧ᭞ᬤᬶᬦ᭄ᬢᭂᬦ᭄ᬦᬶᬧᬸᬦ᭄ᬫᬮᬶᬄᬢᬸᬫᬸᬮᬶᬳᬦ᭄ᬤᬸᬮᬸ᭞
ᬘᬄᬬᬳᬶᬋᬂᬚ᭄ᬭᭀᬓᬢᬶᬗᬮ᭄᭞ᬚᬦ᭄ᬫᬧ᭄ᬭᬶᬬᬯᬃᬡ᭄ᬦᬵᬧᭂᬩᬶᬓ᭄᭟ᬳᬯᬭᬄᬧᬦᭂᬗ᭄ᬭᬦ᭄ᬦᬶᬭ᭞ᬲᬂᬳ᭄ᬬᬂᬯᬶᬱ᭄ᬡᬸᬤᬶᬦ᭄ᬢᭂᬦ᭄ᬧᬸᬦᬶᬓᬦᬸᬮᬶ᭞ᬯᬶᬦᬲ᭄ᬢᬦᬦ᭄ᬤᬶᬦᬵᬯᬶᬱ᭄ᬡᬸ᭞ᬦᬸᬮ᭄ᬬᬳᭂ᭠