Kaca:Bali-lontar-gaguritan-adam-hawa-350ppi.pdf/102

[᭑᭐᭑ 101B]
᭑᭐᭑
ᬳ᭄ᬬᬂᬕᬸᬭᬸᬲᬵᬫ᭄ᬧᬸᬦ᭄ᬦᬫ᭄ᬧᬾᬦ᭄ᬦᬶ᭟ᬘᬶᬦᬓᬸᬧ᭄ᬳᬶᬂᬢ᭄ᬬᬲ᭄ᬧ᭄ᬭᬦᬯ᭞ᬲᬬᬯᬶᬫ᭄ᬩᬸᬄᬳ᭄ᬬᬂᬕᬸᬭᬸᬢ᭄ᬭᬂᬗᬶᬂᬕᬮᬶᬄ᭞ᬓᭀᬘᬧ᭄ᬳ᭄ᬬᬂᬓᬦᬾᬓᬲᬵᬫ᭄ᬧᬸᬦ᭄᭞ᬢᬶᬦᭂᬓᭂᬧ᭄ᬳᬓᭂᬦ᭄ᬤᬤ᭄ᬬ᭞ᬲᬲᬶᬫᬸᬄᬳᬶᬂᬧᬭᬚᬯᬢ
ᬲᬯᭂᬕᬸᬂ᭞ᬢᬸᬫᬸᬮᬶᬬᬵᬲᬲᬶᬮᬶᬄᬦᬫ᭞ᬦᭂᬗ᭄ᬕᬶᬄᬳ᭄ᬬᬂᬡᬭᬥᬋᬱᬶ᭟ᬓᬸᬦᭂᬂᬲᬂᬳ᭄ᬬᬂᬚ᭠ᬕᬢ᭄ᬡᬣ᭞ᬮᬯᬦ᭄ᬳᬶᬓᬂᬕᬃᬯ᭄ᬯᬤ᭄ᬬᬄᬉᬫ᭄ᬫᬮᬓ᭄ᬱ᭄ᬫᬶ᭞ᬘᬶᬦᬭᬶᬢᬯᬸᬲ᭄ᬱᬸᬲᬸᬦᬸ᭞ᬢᬶᬢᬶᬕ᭠
ᬧᬫ᭄ᬪᬳᭂᬂᬜ᭞ᬲᬂᬳ᭄ᬬᬂᬫᬳᬤᬾᬯᬢᬸᬫᬸᬮ᭄ᬬᬵᬭᬶᬦ᭄ᬦᬶᬧᬸᬦ᭄᭞ᬳ᭄ᬬᬂᬘᬓ᭄ᬭᬵᬤᬾᬦᬾᬯ᭄ᬭᬕᬶᬮ᭄ᬦ᭄ᬬ᭞ᬯᬦᭀᬤ᭄ᬬᬦᬫᬤᬾᬯᬶᬰ᭄ᬭᬶ᭟ᬭᬶᬯᬸᬲ᭄ᬦ᭄ᬬᬳᬦ᭄ᬢᬭᬮᬫ᭞ᬳ᭄ᬬᬂᬧ᭄ᬭᬫᬾᬱ᭄ᬝᬶᬤᬾᬦ᭄ᬦ᭄ᬬᬵᬦᬾᬂᬓ
ᬮᬓᬃᬤᬶ᭞ᬓᭀᬦ᭄ᬤᬸᬃᬫ᭄ᬭᬶᬂᬳᬃᬤᬶᬢᬂᬕᬸᬭᬸ᭞ᬲᬓᬢᬄᬳᬶᬂᬓᬲ᭄ᬯᬃᬕᬦ᭄᭞ᬳᬶᬓᬂᬲᬵᬫ᭄ᬧᬸᬦ᭄ᬱᬧᬶᬭᬶᬲᬓ᭄ᬤᬸᬓ᭄ᬳᬶᬂᬤᬗᬸ᭞ᬢᬸᬫᬸᬮ᭄ᬬᬳᬶᬂᬗᬸᬧᬓᬭ᭞ᬲᬗ᭄ᬓᭂᬧ᭄ᬤᬢᬦ᭄ᬗᬸᬘᬶᬯᬦᬶ᭟
[᭑᭐᭒ 102A]
ᬤᬾᬦᬾᬢᬯᬯᬸᬓᬲ᭄ᬯᬃᬕᬫ᭄᭞ᬫᬓ᭄ᬱᬶᬄᬮᬫᬲ᭄ᬢᬭᬶᬮᬶᬃᬗᬸᬦᬶᬗᬸᬦᬶ᭞ᬚᬸᬕ᭄ᬭᬶᬂᬲ᭄ᬮᬓᬦᬫᬦᬶᬧᬸᬦ᭄᭞ᬫ᭄ᬬᬂᬳᬶᬂᬧᬧᬃᬬ᭄ᬬᬯᬃᬡ᭞ᬢᬾᬚᬫᬬᬳᬶᬫᬃᬘᬸᬓᬸᬡ᭄ᬥᬯᬶᬦᬸᬯᬸᬲ᭄᭞ᬧᬭᬦᬵᬭᬾᬡ᭄ᬥ᭄ᬭᬲ
ᬫᬦ᭞ᬲᬵᬫ᭄ᬧᬸᬦ᭄ᬫᬶᬬᬃᬱᬧᬯᬃᬢᬶ᭟ᬮᬫᬸᬦ᭄ᬱᬂᬳ᭄ᬬᬂᬕᬶᬭᬶᬡᬣ᭞ᬲᬵᬫ᭄ᬧᬸᬦ᭄ᬓᬾᬦ᭄ᬤᬸᬃᬥᬢᭂᬂᬢᬗ᭄ᬕᬸᬭᬸᬳᬃᬤᬶ᭞ᬤᬤᭀᬲ᭄ᬓᭂᬦ᭄ᬱᬸᬓᬾᬂᬢ᭄ᬬᬲ᭄ᬱᬶᬧᬸᬦ᭄᭞ᬍᬲ᭄ᬢᬭᬶᬧᬗᬶᬥᭂᬧ᭄ᬦ᭄ᬬ᭞ᬫᬮᬄᬲᬯᬃ
ᬦᬶᬦᬶᬂᬓᬩᬸᬬᬸᬢᬦ᭄ᬦᬶᬧᬸᬦ᭄᭞ᬯᬸᬲ᭄ᬱᬫᬶᬳᬶᬂᬗᬸᬧᬓᬭ᭞ᬫᬮ᭄ᬬᬮᬶᬃᬳᬶᬂᬗᬸᬦᬶᬗᬸᬦᬶ᭟ᬦᬳᬦ᭄ᬢᬓᬂᬘᬶᬦᬭᬶᬢᬓᬂᬳᬶᬂᬗᬸᬦᬶᬯᬶᬩᬯᬫᬤᭂᬕ᭄ᬳᬚᬶ᭞ᬲᬶᬭᬲᬂᬇᬲᬓᬧ᭄ᬭᬪᬹᬕᬸᬫᬦ᭄ᬢ᭄ᬬᬾᬂ
ᬲᬸᬤᬃᬫᬜ᭞ᬭᬶᬯᬸᬲ᭄ᬱᬶᬭᬦ᭄ᬢᬸᬓ᭄ᬓᬯᬦ᭄ᬤᬲᬵᬦᭂᬫ᭄ᬢᬳᬸᬦ᭄᭞ᬦᭂᬫᬄᬳᬃᬤᬦᬶᬂᬩᬩᬬ᭞ᬩᬬᬧᬦ᭄ᬤᭀᬦ᭄ᬦᬶᬂᬳ᭄ᬬᬂᬯᬶᬤ᭄ᬥᬶ᭟ᬧᬸᬃᬯᬾᬂᬓᬤᬢᭂᬗᬦ᭄ᬫᭂᬲᬄ᭞ᬰ᭄ᬭᬶᬦᬵᬭᬾᬡ᭄ᬤ᭄ᬭᬬᬸᬤ