Kaca:Bali-lontar-dasa-wikara-400ppi.pdf/5

Saking Wikisource
Kaca puniki sampun kauji-wacén

[᭔ 4B]

ᬦ᭄‌ᬍᬲᬕ᭄ᬓᬧᬗ᭄ᬕᬶᬄ᭞ᬩᬶᬗᬄᬩᬶᬗᬸᬄ᭞ᬢᭂᬕᬮᬾᬫᬶᬍᬄᬓᬢᬢᬲ᭄᭟ᬯᭀᬓᬢᬶᬫᬸᬦ᭄᭞ᬫᬩ᭄ᬭᬭᬓᬦ᭄ᬧᬕᬮᬸᬮᬸᬓ᭄᭞ᬢᬸᬃᬫᬲᭂᬧᬄᬲᭂᬧᬄ
᭞ᬤᬶᬢᭂᬗᬄᬓᬮᬶᬄᬤᬶᬲᬶᬲᬶ᭞ᬢᬦ᭄ᬧᬳᬸᬦ᭄ᬤᬸᬓ᭄᭞ᬢᬶᬗ᭄ᬓᬄᬜᬦᬾᬲᬂᬫᬗᬮᬧ᭄᭟ᬳᬶᬩᬮᬸᬢᬸᬂ᭞ᬳᬦ᭄ᬢᬶᬫᬮᬸᬓᭂᬦᭂᬄᬳᬓᬸ᭞ᬢᬸ
ᬲᬶᬂᬚᬩᬸᬳᬸᬗᬦ᭄᭞ᬳᬶᬩᬮᬸᬢᬸᬂᬮᬓᬃᬫᬢᬶ᭞ᬩᬧᬧᬸᬘᬸᬂ᭞ᬓᬸᬮᬶᬩᬸᬲᬮ᭄ᬕᬕᬜ᭄ᬘᬗᬦ᭄᭟ᬓᬕᬾᬢ᭄ᬭᬯᬸᬄ᭞ᬓᬕᭂᬮᬸᬭᬶᬦ᭄ᬧ᭄ᬬᬦᬓ᭄ᬦᬾᬮᬸᬄ
᭞ᬲᬦᬾᬲᬫ᭄ᬧᬸᬦ᭄ᬤᬢ᭞ᬓᬓᬾᬦ᭄ᬢᬾᬦ᭄ᬩᬫ᭄ᬩᬶᬗ᭄ᬓᭂᬢ᭄ᬕᭂᬮᬶᬲ᭄᭞ᬳᭂᬗ᭄ᬓᭂᬢ᭄ᬢᬶᬫ᭄ᬩᬸᬮ᭄᭞ᬫᬦᬦ᭄ᬢᬸᬤᬸᬳᬸᬃᬚᭂᬮᬦᬦ᭄᭟ᬲᬸᬩᬧᬸᬧᬸᬢ᭄᭞ᬓᬢᬸ
[᭕ 5A]
ᬭᬂᬭᬶᬂᬩᬧᬧᬸᬘᬸᬂ᭞ᬫᬗ᭄ᬕᬯᬾᬧᬧᬶᬦ᭄ᬤᬦ᭄᭞ᬓᬤᬶᬫᬦᬸᬱᬦᬾᬫ᭄ᬯᬦᬶ᭞ᬓᬗ᭄ᬕᭀᬦ᭄ᬧ᭄ᬢᬓᬸᬢ᭄᭞ᬤᬶᬧᬩ᭄ᬬᬦᬦᬾᬮᬶᬗ᭄ᬕᬄ᭟ᬓᭀᬘᬧ᭄ᬲᬵ
ᬫ᭄ᬧᬸᬦ᭄᭞ᬓᬓᬧᬸᬢ᭄ᬩᬦ᭄ᬢᭂᬗ᭄ᬳᭂᬫ᭄ᬩᬸᬮ᭄᭞ᬮᬳᬸᬢ᭄ᬓᬚᬸᬚᬸᬓᬂ᭞ᬲᬶᬕ᭄ᬧᬩ᭄ᬬᬦᬦ᭄ᬜᬦᬾᬕᭂᬮᬶᬲ᭄᭞ᬢᬸᬯᬄᬳᬢᬸᬢᬸᬢ᭄᭞ᬕᭀᬩᬦ᭄ᬦᬾᬓᬤᬶᬫᬦᬸᬱ᭞
᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬭᬶᬲ᭄ᬩᬸᬤᬮ᭄ᬩᬧᬧᬸᬘᬸᬂ᭞ᬲᬓᬶᬂᬧᬩ᭄ᬬᬦᬦ᭄ᬜ᭞ᬧᬦ᭄ᬧᬸᬘᬸᬂᬲᬸᬯᬾᬦᬶᬗ᭄ᬕᬮᬶᬦ᭄᭞ᬫᬗ᭄ᬓᬶᬦ᭄ᬯᬳᬸ᭞ᬳᬶᬮᬸᬢᬸᬂᬦᬾᬓᬘᬭᬶᬢ᭠
᭟ᬤᬯᬸᬄᬧᬶᬢᬸ᭞ᬳᬶᬮᬸᬢᬸᬂᬳᬕᬾᬮᬸᬫᬓᬸ᭞ᬲᬓᬶᬂᬕᬸᬦᬸᬂᬳᬮᬲ᭄᭞ᬫᬶᬍᬳᬦ᭄ᬫᬗᬮᬶᬄᬫᬃᬕ᭄ᬕᬶ᭞ᬗᬗᬶᬦ᭄ᬓᬳᬸᬄ᭞ᬭᬶᬂᬳᬩ᭄ᬬᬦ᭄ᬓᬢᬶᬫᬸ