[᭕ 5B]
᭕
ᬦᭂᬫ᭄ᬯᬓᭂᬦ᭄ᬫᬗ᭄ᬓᬾ᭟ᬓᬸᬦᬂᬫ᭄ᬯᬄᬧᬬᭀᬕᬦᬶᬭᬳ᭄ᬬᬂᬖ᭄ᬦᬶᬚᬬᬵ᭞ᬳᬸᬫᬶᬚᬶᬮ᭄ᬲᬓᬾᬂᬧᬜ᭄ᬘᬩᬬᬸᬅᬱ᭄ᬝᬯᬵ᭞ᬢᬸᬫᬸᬮᬶᬫᬶᬚᬶᬮ᭄ᬲᬸᬢ᭞᭕᭞ᬲᬶᬓᬶ᭞ᬮᬓᬶᬮᬓᬶ᭞ᬮᬶᬲ᭄ᬢ᭄ᬯᬬᬸᬧᬭᬶᬧᬹᬃᬡ᭄ᬦ᭟ᬓᬸᬦᬂᬲᬯᬶᬚᬶᬮᬶᬭ᭞ᬅ
ᬓᬮᬰᬭ᭄ᬯᬦᬶᬂᬕ᭄ᬤᬂᬓᬳᬶᬓᬶᬓ᭄ᬧ᭄ᬭᬲᬫᬦ᭄ᬬ᭟ᬓᬃᬧᬦ᭄ᬯᬵᬅᬧᬸᬱ᭄ᬧᬢᬲᬶᬭᬲᬂᬩ᭄ᬭᬵᬳ᭄ᬫᬡᬧᬡ᭄ᬥᬶ᭠ᬢ᭞ᬓᬂᬧᬫᬥᬾᬅᬪᬶᬰᬾᬓᬫ᭄ᬧᬸᬫᬳᬫᬾᬭᬹ᭞ᬫ᭄ᬯᬄᬓᬂᬯᬭᬸᬚᬸ᭞ᬅᬧᬲᬚ᭄ᬜᬵᬲᬶᬭᬫ᭄ᬧᬸᬖᬦ᭞ᬓᬸᬦᬂ
ᬲᬗᬶᬂᬯ᭄ᬓᬲ᭄᭞ᬅᬧᬸᬱ᭄ᬧᬢᬲᬶᬭᬫ᭄ᬧᬸᬓᬸᬢᬸᬭᬦ᭄᭞ᬫ᭄ᬯᬄᬲᬗᬭᬶᬅᬓᬓᬲᬶᬄᬲᬶᬭᬫ᭄ᬧᬸᬧ᭄ᬭᬥᬄ᭞ᬧᬶᬦᬶᬄᬳᬮᬶᬢ᭄᭞ᬯᬶᬓᬸᬲᬗ᭄ᬓᬦ᭄ᬮᬭᬾ᭞ᬲᬫᬳᬗᬫ᭄ᬩᭂᬓᬓᭂᬦ᭄ᬓᬧᬭᬫᬃᬣᬦ᭄᭞ᬢ᭄ᬮᬸᬲᬸᬫᬦ᭄ᬢᬸᬓ᭄ᬭᬶᬂᬫᬳᬵ
ᬫᬾᬭᬸ᭞ᬅᬦᬗᬸᬦᬓᭂᬦ᭄ᬲᬫᬥᬶ᭞ᬥᬭᬓ᭟ᬢᬦ᭄ᬗᬾᬄᬬᬦᬸᬘᬧᬓ᭄ᬦ᭞ᬦᭂᬂᬇᬓᬂᬓᬝᬵᬲᬓᬋᬂ᭞ᬅᬧᬦ᭄ᬯᬸᬲ᭄ᬮᬗ᭄ᬕᭂᬗᬶᬂᬬᭀᬕ᭄ᬖᬵ᭟ᬯᬲᬶᬢᬦᭂᬦ᭄ᬫᬸᬯᬄᬧᬬᭀᬕᬦᬶᬭᬪᬝᬵᬭᬳ᭄ᬬᬂᬫᬳᬵᬤᬾᬯ᭞ᬇ
[᭖ 6A]
ᬧᬃᬱ᭄ᬯᬦᬶᬂᬕᬶᬭᬶᬢᭀᬮᬗ᭄ᬓᬶᬃ᭞ᬳᬸᬫᬶᬚᬶᬮ᭄ᬧᬸᬢ᭄ᬭᬲᬓᬶᬂᬭ᭄ᬯᬪᬶᬦᬾᬤ᭄ᬥ᭞᭒᭞ᬲᬶᬓᬶ᭞ᬚᬮ᭄ᬯᬶᬲ᭄ᬢ᭄ᬭᬷ᭟ᬓᬂᬮᬓᬶᬅᬪᬶᬰᬾᬓᬪᬝᬵᬭᬖᬡ᭞ᬅᬭᬶᬦᬶᬭᬲ᭄ᬢ᭄ᬭᬷᬅᬓᬓᬲᬶᬄᬪᬝᬵᬭᬶᬫᬡᬶᬓ᭄ᬖ᭄ᬦᬶ᭞ᬢᬦ᭄ᬧᬾᬗᬦ᭄ᬧᬭᬶᬧᬹᬃᬡ᭄ᬦᬭᬶ᭠
ᬗᬳᬬᬸ᭞ᬓᬸᬫᭀᬦ᭄ᬤᬾᬪᬝᬵᬭᬫᬦ᭄ᬢᬸᬓᬶᬂᬕᬶᬭᬶᬫᬳᬵᬫᬾᬭᬹ᭞ᬅᬬᭀᬕᬲᬫᬥᬶ᭞ᬅᬗᬶᬱ᭄ᬝᬳ᭄ᬬᬂᬧ᭄ᬭᬫᬾᬱ᭄ᬝᬶᬥᬶᬕᬸᬭᬹ᭟ᬧᬶᬭᬢᬓᬸᬦᬂᬯᬃᬱᬦᬶᬓᬂᬮᭀᬓ᭞ᬯᬸᬲ᭄ᬧᬸᬢᬸᬲ᭄ᬬᬱᬦᬶᬭᬫᬭᬶᬂᬕᬶᬭᬶᬲᬸᬫᬾᬭᬸ᭞ᬇᬭᬶ
ᬓᬪᬝᬵᬭᬭᬶᬂᬳ᭄ᬬᬂᬫᬡᬶᬓ᭄ᬖ᭄ᬦᬶ᭞ᬇᬗᬮᬧ᭄ᬭᬩᬶᬤᬾᬲᬗᬧᬦ᭄ᬮᬄᬲᬂᬩ᭄ᬭᬵᬳ᭄ᬫᬡᬧᬡ᭄ᬥᬶᬢ᭞ᬮᬯᬦ᭄ᬪᬝᬵᬭᬶᬫᬡᬶᬓ᭄ᬖ᭄ᬦᬶ᭞ᬦ᭄ᬳᭂᬃᬕᬶᬦᬦ᭄ᬢᬶᬓᬂᬧᬸᬱ᭄ᬧᬢ᭞ᬫᬗ᭄ᬓᬾᬅᬧᬸᬱ᭄ᬧᬢᬫ᭄ᬧᬸᬖ᭄ᬦᬶᬚᬬ᭞ᬗ᭞ᬫᬾᬫ᭄ᬧᭂᬃᬪᬶᬰᬾᬓ
ᬪᬝᬵᬭᬓᬲᬸᬳᬸᬦ᭄᭞ᬫᬗ᭄ᬓᬓᬢᬢ᭄ᬯᬦ᭄ᬬᬭᬶᬂᬉᬰᬡ᭟᭐᭟ᬅᬧᬶᬘ᭞ᬪᬝᬵᬭᬧᬸᬢ᭄ᬭ᭞ᬅᬕᭂ᭠ᬡ᭄ᬥᬸᬭᬱᬮᬯᬦ᭄ᬪᬝᬵᬭᬳ᭄ᬬᬂᬖ᭄ᬦᬶᬚᬬ᭞ᬫ᭄ᬯᬂᬪᬝᬵᬭᬘᬢᬹᬃᬧᬸᬭᬸᬱ᭞ᬇᬧᬃᬱ᭄ᬯᬦᬶᬂᬢᭀᬮᬗ᭄ᬓᬶᬃ᭞ᬦᭀᬭᬯᬦᬾᬄ
Kaca:Bali-lontar-babad-pasek-kayu-selem-02-250ppi.pdf/6
Kaca puniki sampun kauji-wacén
