[᭕᭑ 51B]
᭕᭑
ᬬᬸᬲᬚ᭄ᬭᭀᬦᬶᬂᬓᬳ᭄ᬬᬗᬦ᭄ᬢᬵ᭞ᬫᬳᬶᬋᬂᬭᬸᬧᬦᬶᬓᬂᬓᬬᬸ᭞ᬬᬘᬶᬳ᭄ᬦᬦ᭄ᬫᬦᬶᬭᬭᬸᬫᬯᬓ᭄ᬲᬓᬵᬮᬦᬶᬱ᭄ᬓᬮᬵ᭞ᬯᬸᬯᬸᬲ᭄ᬳᬮᬸᬗ᭄ᬕ᭄ᬯᬾᬂᬗ᭄ᬓᬦᬵ᭞ᬳᬸᬫᬋᬓ᭄ᬲᬗ᭄ᬳ᭄ᬬᬂᬚᬕᬢ᭄ᬓᬭᬡ᭞ᬓᬸᬦᬂᬬᬦ᭄ᬲᬵᬫ᭄ᬧᬸᬦ᭄ᬳᬦᬫᭂᬡ᭄ᬝᬶᬓ᭄ᬓᬬᬸᬇ
ᬋᬂ᭞ᬬᬇᬦᬭᬡᬦ᭄ᬧᬹᬭᬓᬬᬸᬲᬼᬫ᭄᭞ᬫᬗ᭄ᬓᬵᬓᬾᬗᭂᬢᬓ᭄ᬦᬵ᭟ᬫ᭄ᬯᬄᬓᬬᬇᬭᬶᬓᬶᬭᬶᬂᬕ᭄ᬯᬲᭀᬂ᭞ᬬᬦ᭄ᬳᬦᬫᭂᬡ᭄ᬝᬶᬓ᭄ᬓᬬᬸᬯᬡ᭄ᬥᬶᬭᬵ᭞ᬬᬢᬘᬶᬳ᭄ᬦᬦᬶᬭᬫᬦᬶᬭᬇᬗ᭄ᬓᬦᬳᬢᬶᬃᬢ᭄ᬣᬕᬫᬦᬵ᭞ᬗᬹᬦᬶᬧᬹᬃᬯ᭄ᬯᬓᬵ᭞ᬲᬓᬾᬂᬗ᭄ᬓᬦ
ᬧ᭄ᬯᬯᬬᬄᬢᬵᬲᬶᬤ᭄ᬥᬶᬬᬭᬲ᭄ᬢᬸ᭞ᬲᬧ᭄ᬭᬢᬶᬲᬦ᭄ᬢᬦᬦᬶᬭᬓᬩᬾᬄ᭞ᬯᬲ᭄ᬢᬸ᭞᭓᭞ᬢᬦ᭄ᬓᬓᬸᬭᬂᬧᬗᬸᬧᬚᬶᬯ᭞ᬳᬫᬗ᭄ᬕᬸᬳᬓᭂᬦ᭄ᬧᬗᬹᬧᬵᬚᬶᬯᬵ᭞ᬓᬯᬶᬃᬬ᭄ᬬᬦ᭄ᬲ᭄ᬣᬦ᭞ᬤᬶᬦ᭄ᬢᭀᬤᬶᬦ᭄ᬢᭀ᭞ᬯᬲ᭄ᬢᬸ᭞᭓᭟ᬧᬭᬶᬧᬹᬃᬡ᭄ᬦᬬᬵ᭟ᬦᬶᬳ
ᬦᬶᬓᬶᬧ᭄ᬭᬢᬶᬗ᭄ᬓᬳᬶᬂᬫᬗᬢᬹᬭᬓᭂᬦ᭄ᬯᬶᬥᬶᬯᬶᬥᬶᬦᬵ᭞ᬮ᭄ᬯᬶᬃᬦ᭄ᬬ᭞ᬰᬸᬘᬶᬳᬲᭀᬭᭀᬄ᭞ᬲᬃᬯ᭄ᬯᬲᬼᬫ᭄᭞ᬇᬢᬶᬓ᭄ᬲᬼᬫ᭄ᬚᬫ᭄ᬩᬸᬮ᭄ᬫᬸᬮᬸᬲ᭄᭞ᬤᬸᬮᬸᬭᬦ᭄ᬕᬸᬭᬸᬧᬶᬤᬸᬓᬵ᭞ᬓᬢᬹᬃᬭᬶᬂᬪᬝᬵᬭᬯᬶᬱ᭄ᬡᬸ᭞ᬤᬸᬮᬸᬭᬦ᭄ᬧᬗᬱ᭄ᬝᬯᬵ᭞
[᭕᭑ 52A]
ᬳᬚᬮᬸᬧᬵ᭞ᬓᬾᬗᭂᬢᬦᬳᬸᬕᬧᬶᬢ᭄ᬓᭂᬢ᭄ᬓᬸᬫ᭄ᬦᬾ᭟ᬓᬸᬦᬂᬅᬕ᭄ᬬᬵᬓᬸᬫᬸᬮᬶᬳᬶᬂᬰᬸᬡ᭄ᬬᬘᬶᬡ᭄ᬝ᭄ᬬ᭟ᬇᬭᬶᬓᬭᬵᬫᬦ᭄ᬢᬳᬯᬭᬳᬶᬲᬶᬭᬫ᭄ᬯᬄ᭞ᬅᬓ᭄ᬱᬭᬵᬲ᭄ᬢᬯᬵ᭞ᬧ᭄ᬭᬓᬺᬢᬶᬦᬶᬂᬧᬗᬼᬧᬲᬦ᭄ᬫ᭄ᬯᬂᬳᬚᬶᬓᬫᭀᬓ᭄ᬱᬦ᭄᭞ᬲ᭄ᬬᬧᬯ᭄ᬭᬸᬄᬢ᭄ᬓᬯ᭄ᬦᬂ
ᬫᬡ᭄ᬥᬶᬢᬳᬶᬦ᭄᭞ᬅᬲᬶᬂᬲᬶᬦᬗ᭄ᬕᬸᬄᬯ᭄ᬭᬸᬄ᭞ᬬᬢᬯ᭄ᬦᬂᬫᬓᬧᬗᬸᬮᬸᬦ᭄ᬢᬓᬩᬾᬄ᭞ᬬᬯ᭄ᬦᬂᬲᭂᬫ᭄ᬩᬳᭂᬦ᭄᭞ᬫᬗ᭄ᬓᬵᬧ᭄ᬭᬢᬾᬓᬦᬶᬂᬳᬓᬺᬢᬶᬥᬃᬫ᭄ᬫᬵ᭞ᬯᬗ᭄ᬰᬦ᭄ᬢ᭞ᬓᬾᬗᭂᬢᬳᬸᬕᬵ᭟ᬧᬶᬭᬂᬤᬶᬦ᭄ᬢᭂᬦᬶᬓᬂᬓᬵᬮ᭞ᬧ᭄ᬭᬵᬧ᭄ᬢᬧᬹᬃᬡ᭄ᬦᬫᬦᬶᬂᬓᬃᬢ᭄ᬣᬶ
ᬓᬫᬰᬵ᭞ᬇᬭᬶᬓᬵᬢᬬᬲᬂᬫ᭄ᬧᬸᬓᬫᬭᬾᬓᬵ᭞ᬅᬧ᭄ᬭᬬᭀᬚᬦᬫᬸᬮᬶᬳᬶᬂᬫᬭᬶᬂᬅᬘᬶᬡ᭄ᬝ᭄ᬬ᭞ᬲᬵᬫ᭄ᬧᬸᬦ᭄ᬧ᭄ᬯᬲᬶᬭᬳᬗᬸᬦ᭄ᬤᬂᬗᬸᬦ᭄ᬤᬂᬲᬯᭀᬗᬶᬂᬩᬮ᭄ᬬᬕᬵ᭞ᬫ᭄ᬯᬂᬲᬬᬕᬭᬶᬳᬾᬂᬯᬶᬥᬶᬯᬾᬥᬦᬵ᭞ᬕᬕ᭄ᬮᬭᬦᬶᬂᬲᬧ᭄ᬭᬬᭀ
ᬚᬦ᭞ᬢᬦᬶᬦᬸᬘᬧ᭄ᬓ᭄ᬯᬾᬄᬢᬂᬢᬢᬫᬸᬬ᭄ᬥᬢᭂᬂᬩᬶᬧ᭄ᬭᬬᬳᬦᬶᬜ᭄ᬚᭀᬲᬶᬭᬫ᭄ᬧᬸᬓᬫᬭᬾᬓ᭞ᬗᬹᬦᬶᬯᬾᬄᬳᬦᬓ᭄ᬲᬶᬱ᭄ᬬᬦᬶᬭᬓᬩᬾᬄ᭟ᬮᬯᬦ᭄ᬯᬦᬾᬄᬲᬂᬧᬭᬫ᭄ᬧᬸᬓᬂᬳᬶᬦᬸᬡ᭄ᬥᬂ᭞ᬳᬦᬓ᭄ᬳᬦᬓᬶᬭᬫ᭄ᬧᬸᬖ᭄ᬦᬶᬚ
Kaca:Bali-lontar-babad-pasek-kayu-selem-02-250ppi.pdf/52
Kaca puniki sampun kauji-wacén
