[᭔᭔ 44B]
᭔᭔
ᬓᬾᬯᬮᬳᬗᬼᬢᭂᬳᬶᬦ᭄ᬤᬾᬰᬧᬓ᭄ᬭᬫᬦ᭄᭞ᬗ᭟ᬯ᭄ᬦᬂᬤᭀᬳᬓ᭄ᬦᬵᬭᬶᬂᬗ᭄ᬕᬶᬭᬶᬂᬤᬾᬰ᭞ᬕ᭄ᬦᬄᬦ᭄ᬬ᭞ᬫ᭄ᬯᬂᬧᬶᬗ᭄ᬕᬶᬭᬶᬂᬲᬾᬢ᭄ᬭᬵ᭞ᬲᬯᬸᬮᬦ᭄ᬲᬧ᭄ᬢᬂᬤᬶᬦ᭄ᬢᭂᬦ᭄ᬮᬯᬲ᭄ᬦ᭄ᬬ᭞ᬯ᭄ᬦᬂᬓᬂᬯᭀᬂᬤᬾᬰᬧᬓ᭄ᬭᬫᬦ᭄ᬳᬦᬗᬸᬦ᭄ᬓᬃᬬ᭄ᬬ᭞ᬗ᭞ᬧᬗᭀᬱ
ᬤ᭄ᬥᬶ᭞ᬳᬫᬮᬶᬓ᭄ᬲᬸᬫ᭄ᬧᬄᬫ᭄ᬯᬗᬦᬦᬧᬸᬄ᭞ᬬᬢᬓᬂᬯᭀᬂᬯ᭄ᬦᬂᬳᬧ᭄ᬭᬬᬲ᭄ᬘᬶᬢ᭟ᬫᬗ᭄ᬓᬦᬮᬶᬂᬲᬗ᭄ᬳ᭄ᬬᬂᬲᬸᬭᬳᬢᬶᬭᬶᬗᬹᬦᬶ᭞ᬧᬥᬢᬦ᭄ᬓᬯ᭄ᬦᬂᬇᬓᬂᬯ᭄ᬦᬂᬳᬦᬸᬮᬃᬰ᭄ᬭᬷᬳᬚᬶᬫᬰᬸᬮᬫᬰᬸᬮᬶ᭞ᬫᬗ᭄ᬓᬦᬧᬶᬥᬃᬢ᭄ᬣᬦ᭄ᬬᬭᬶᬂᬓᬸᬦᬵ᭞
ᬧᬶᬭᬂᬓᬵᬮᬮᬯᬲ᭄ᬦ᭄ᬬᬰ᭄ᬭᬷᬳᬚᬶᬅᬡ᭄ᬥᬶᬭᬶ᭞ᬚᬸᬫ᭄ᬦᭂᬂᬭᬢᬸᬫᬭᬶᬂᬩᬮᬶᬭᬵᬚ᭄ᬬᬫᬸᬓ᭄ᬢᬶᬓᬋᬱ᭄ᬝ᭄ᬬᬦᬶᬂᬭᬵᬢ᭄᭞ᬗᬹᬦᬶᬯᬾᬄᬳᬫᬸᬓ᭄ᬢᬶᬭᬭᬲᬶᬂᬓᬭᬲᬶᬓᬦ᭄ᬳᬦᬾᬂᬚᬶᬦᭂᬫ᭄ᬫ᭄ᬭᬶᬓ᭄᭞ᬯ᭄ᬓᬲᬦ᭄ᬕᬃᬪᬶᬦᬶᬧ᭄ᬯᬂᬲᬂᬅᬭᬶ᭞ᬢᬸᬢᬸᬕᬶᬂᬮᬾ
ᬓ᭄ᬦ᭄ᬬ᭞ᬫᭀᬮᬄᬲᬂᬳᬦᬾᬂᬕᬃᬪᬯᬱᬵ᭞ᬢᬦ᭄ᬮᬶᬗᭂᬦ᭄ᬧᬦᬗᬶᬘᬶᬓᬗᬶᬩᬸ᭞ᬳᬸᬫᬶᬚᬶᬮ᭄ᬧ᭄ᬯᬲᬗᬶᬂᬕᬃᬪᬯᬱᬵ᭞ᬮᬓᬶᬮᬶᬲ᭄ᬢ᭄ᬯᬬᬸᬧᬭᬶᬧᬹᬃᬡ᭄ᬦᬭᬶᬂᬭᬹᬧ᭟ᬓᬸᬦᬂᬭᬶᬯᬶᬚᬶᬮᬶᬭ᭞ᬢᬦ᭄ᬗᬾᬄᬢᬂᬲᬸᬪᬦᬶᬫᬶᬢ᭞ᬳᬗᬚᬭ
[᭔᭕ 45A]
ᬓᭂᬦ᭄ᬓᬫᬳᬢ᭄ᬫ᭄ᬬᬦᬶᬂᬲᬂᬯᬯᬸᬯ᭄ᬢᬸ᭞ᬢᬦ᭄ᬧᭀᬧᬫᬲᬸᬓᬦᬶᬓᬂᬳᬲᬸᬲᬸᬢ᭞ᬧᬶᬦᬮᬶᬭᬩᬶᬦᬺᬲᬶᬳᬦ᭄᭞ᬯ᭄ᬓᬲᬦ᭄ᬬᬢᬳᬶᬦᬭᬦᬦ᭄ᬰ᭄ᬭᬶᬢᬯᭀᬮᬸᬂ᭞ᬫᬗ᭄ᬓᬦᬓᬢᬢ᭄ᬯᬦ᭄ᬧᬯᬶᬚᬶᬮᬦᬶᬭᬲᬂᬭᬢᬸᬳᬦᬾᬂᬉᬰᬡ᭟᭐
᭟ᬕᬸᬫᬦ᭄ᬢᬶᬫᬸᬯᬄᬓᬯᬸᬯᬸᬲᬦ᭄ᬲᬶᬭᬲᬂᬘᬢᬹᬃᬧᬡ᭄ᬥᬶᬢᬵ᭞ᬲᬶᬭᬫ᭄ᬧᬸᬖ᭄ᬦᬶᬚᬬᬵ᭞ᬲᬶᬭᬫ᭄ᬧᬸᬲᬸᬫᬾᬭᬸ᭞᭠ᬲᬶᬭᬫ᭄ᬧᬸᬕᬡ᭞ᬲᬶᬭᬫ᭄ᬧᬸᬓᬸᬢᬸᬭᬦ᭄᭞ᬓᬵᬮᬳᬸᬫᬋᬓ᭄ᬪᬝᬵᬭᬧᬸᬢ᭄ᬭᬚᬬᬭᬶᬂᬓᬧᬲᬶᬄ᭞ᬳᬦᬢᬮᬶᬂᬪᬝᬵᬭ
᭟ᬓᬫᬸᬂᬳᬦᬓ᭄ᬲᬂᬩ᭄ᬭᬵᬳ᭄ᬫᬡᬓᬩᬾᬄ᭞ᬋᬗ᭄ᬯᬵᬓ᭄ᬦᬧᬶᬯ᭄ᬓᬲ᭄ᬦᬶᬗ᭄ᬳᬸᬮᬸᬦ᭄ᬫᬗ᭄ᬓᬾ᭞ᬓᬶᬢᬓᬩᬾᬄᬤᬶᬤ᭄ᬬᬦᬧᬲᬂᬬᭀᬕ᭞ᬫᬓᬺᬢ᭄ᬢᬶᬥᬃᬫ᭄ᬫᬦᬶᬂᬲᬂᬩ᭄ᬭᬵᬳ᭄ᬫᬡᬋᬱᬶ᭞ᬦ᭄ᬥ᭄ᬬᬢᬫᬢᬂᬦ᭄ᬬᬭᬶᬤ᭄ᬮᬳᬵ᭞ᬬᬦ᭄ᬳᬦᬯ᭄ᬢᬸᬧ᭄ᬭᬢᬶᬲᬦ᭄ᬢᬦᬦ᭄ᬢ
ᬤᬶᬤ᭄ᬬᬦ᭄ᬧᬥᬯ᭄ᬭᬸᬄᬭᬶᬂᬓᬮᬶᬗᬦ᭄ᬬᬳᬜᬶᬯᬶᬳᬸᬮᬸᬦᬶᬗ᭄ᬓᬾ᭞ᬗᬹᬦᬶᬯᬾᬄᬓᬶᬢ᭟ᬓᬸᬦᬂᬓᬶᬢᬫ᭄ᬧᬸᬖ᭄ᬦᬶᬚᬬ᭞ᬤᬶᬤ᭄ᬬᬦᬧᬲᬂᬬᭀᬕᬫᬭᬶᬂᬍᬫ᭄ᬧᬸᬬᬂ᭞ᬳᬸᬫᬋᬓ᭄ᬪᬝᬵᬭᬓᬫᬶᬫᬶᬢᬦ᭄ᬓᬶᬢᬵ᭟ᬓᬶᬢᬫ᭄ᬧᬸᬲᬸᬫᬾᬭᬸ᭞
Kaca:Bali-lontar-babad-pasek-kayu-selem-02-250ppi.pdf/45
Kaca puniki sampun kauji-wacén
