[᭓᭙ 39B]
᭓᭙
ᬚᬸᬫ᭄ᬦᭂᬗᬶᬂᬪᬾᬤ᭄ᬥᬦᬵᬕᬭ᭞ᬳᬓᬥᬢᭀᬦ᭄ᬫᬭᬶᬂᬕᬢᬦᬜᬃ᭞ᬗ᭟ᬓᬸᬦᬂᬲᬧᬦ᭄ᬤᬶᬦᬶᬭᬵ᭞ᬢᬦ᭄ᬧᬶᬭᬢᬸᬱ᭄ᬝᬕᬶᬭᬂᬦᬶᬭᬲᬯᭀᬗᬶᬂᬩᬮᬶᬭᬵᬚ᭄ᬬ᭞ᬅᬧᬦ᭄ᬳᬦᬧᬓᬮᬶᬗ᭄ᬕᬦᬶᬂᬪᬸᬯᬦᬓᬩᬾᬄ᭞ᬫᬓᬳᬮᬳᬬᬸᬦᬶᬓᬂᬭᬵᬢ᭄᭞ᬬᬳᬾ
ᬢᬸᬦᬶᬭᬧᬥᬲᬸᬫᬸᬬᬸᬕ᭄ᬢᬂᬤᬸᬯᬦᬓᬩᬾᬄ᭞ᬧᬥᬳᬗᬢᬹᬭᬓᭂᬦ᭄ᬓᬫ᭄ᬩᬂᬢᬯᭀᬦ᭄᭞ᬯᬾᬢ᭄ᬦᬶᬂᬯᬶᬘᬶᬢ᭄ᬭᬦᬶᬭᬲᬗᬧᬢᬶᬄ᭞ᬇᬓᬂᬳᬶᬗᬭᬦᬦ᭄ᬓᬵᬮᬯᭀᬂ᭞ᬅᬫᬗ᭄ᬓ᭄ᬯᬓᭂᬦ᭄ᬧ᭄ᬭᬚᬫᬡ᭄ᬥᬮᬵ᭞ᬢᬦ᭄ᬲᬶᬧᬶᬫᬮᬦ᭄ᬤᬸᬄᬧᬸᬦᬂ
ᬦᬵᬕᬭᬓ᭄ᬭᬫᬵ᭞ᬫᬍᬢᬶᬓ᭄ᬓᬂᬲᬃᬯ᭄ᬯᬢᬶᬦᬦ᭄ᬤᬸᬃ᭞ᬢᬯᬸᬦ᭄ᬦᬤᬶ᭞ᬫᬸᬭᬄᬲᬃᬯ᭄ᬯᬢᬶᬦᬸᬓᬸ᭞ᬲᬲᬩ᭄ᬫᬭᬡᬫᬯ᭄ᬥᬶ᭞ᬢᬦ᭄ᬳᬦᬪᬬᬯ᭄ᬬᬥᬶ᭞ᬓᬯ᭄ᬯᬢ᭄ᬤᬾᬧ᭄ᬭᬢᬧᬵᬲᬂᬓᬢᭀᬂ᭞ᬅᬫᭂᬗ᭄ᬓ᭄ᬯᬓᭂᬦ᭄ᬧ᭄ᬭᬚᬫᬡ᭄ᬥᬮᬵ᭟ᬢᬦ᭄ᬗᬾᬄᬬ
ᬦ᭄ᬯᬸᬯᬸᬲᭂᬦ᭄ᬧᬗᬥ᭄ᬬᬬᬦᬶᬭᬰ᭄ᬭᬷᬫᬬᬥᬦᬯᬵ᭞ᬅᬧᬦ᭄ᬯᬸᬲ᭄ᬳᬸᬫᬗ᭄ᬕ᭄ᬯᬾᬂᬉᬰᬡᬩᬮᬶ᭟ᬧᬶᬭᬢᬓᬸᬦᬂᬮᬯᬲ᭄ᬦᬶᬭᬰ᭄ᬭᬷᬳᬚᬶᬫᬬᬥᬦᬯ᭞ᬫᬓᬘᬓ᭄ᬭᬦᬶᬂᬪᬯᬦ᭞ᬧ᭄ᬭᬵᬧ᭄ᬢᬧ᭄ᬯᬧᬗᬸᬜ᭄ᬘᬗᬶᬂᬳ᭄ᬬᬂᬅᬢᬶᬢᬄ
[᭔᭐ 40A]
ᬳᬸᬫ᭄ᬢᬸᬫᬾᬤ᭄ᬥᬦᬶᬂᬅᬚ᭄ᬜᬵᬦ᭞ᬢᬦ᭄ᬲᬄᬳᬗᬫ᭄ᬩᭂᬓᬓᭂᬦ᭄ᬳᬗ᭄ᬓᬭᬾᬂᬩᬸᬤ᭄ᬥᬶ᭞ᬜᬧᬓᬥᬶᬳᬓᬸ᭞ᬳᬶᬃᬱ᭄ᬬᬫᬓᬫᬸᬓᬅᬫ᭄ᬕᬢᬓᭂᬦ᭄ᬧᬗᬘᬶᬦᬶᬂᬤᬾᬯᬵ᭞ᬬᬳᬾᬢᬸᬦᬶᬂᬪᬝᬵᬭᬳ᭄ᬬᬗᬶᬂᬢᭀᬮᬗ᭄ᬓᬶᬭ᭄᭞ᬫᬦᬱ᭄ᬝᬧᬵᬳᬶᬦᬶᬭᬶᬂ᭠
ᬤᬾᬲᬯᬢᭂᬓᬶᬂᬧᬭᬪᬝᬵᬭᬫᬸᬗ᭄ᬕ᭄ᬯᬶᬂᬩᬮᬶᬓᬩᬾᬄ᭞ᬳᬸᬫᬸᬧᬓ᭄ᬱᬫᬭᬶᬧᬥᬦᬶᬭᬪᬝᬵᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬅᬫᬶᬦ᭄ᬢᬓᬧᬢ᭄ᬬᬦᬾᬲᬶᬪᬾᬤ᭄ᬥᬵᬥᬦᬯᬵ᭞ᬲᬶᬦᬸᬂᬤᬾᬪᬝᬵᬭ᭞ᬬᬫᬢᬂᬦ᭄ᬬᬳᬶᬦᬸᬓᬸᬲ᭄ᬲᬂᬯᬢᭂ
ᬓ᭄ᬤᬾᬯᬤᬾᬯᬢᬓᬩᬾᬄ᭞ᬫ᭄ᬯᬂᬋᬱᬶᬕᬡ᭞ᬤᬾᬯᬕᬡ᭞ᬢ᭄ᬮᬲ᭄ᬫᬭᬾᬂᬲ᭄ᬯᬃᬕ᭄ᬕ᭞ᬫᬓᬥᬶᬲᬗ᭄ᬳ᭄ᬬᬂᬗᬹᬦ᭄ᬤ᭄ᬭ᭞ᬤᬸᬫᭀᬦ᭄ᬫᬭᬶᬂᬩᬮᬶ᭞ᬳᬓᬾᬄᬬᬜ᭄ᬘᬭᬶᬢᬕᬢᬶᬦ᭄ᬬᬅᬧᬦ᭄ᬲᬫ᭄ᬧᬸᬦ᭄ᬫᬸᬗ᭄ᬕ᭄ᬯᬾᬂᬳᬸᬰᬡᬵ᭟ᬬᬫᬢᬂᬦ᭄ᬬᬓ᭄ᬦᬲᬶ᭠
ᬫᬬᬥᬦᬯᬩᬶᬦᬚ᭄ᬭᬵᬤᬾᬳ᭄ᬬᬂᬇᬦ᭄ᬤ᭄ᬭᬗᬹᬦᬶ᭞ᬧ᭄ᬚᬄᬧ᭄ᬯᬫᬭᬶᬂᬧᬗ᭄ᬓᬸᬂᬧᬢᬲ᭄᭞ᬗ᭟ᬢᭀᬬᬤᬧ᭄ᬤᬧ᭄᭞ᬮᬯᬦ᭄ᬢᬯᬸᬮᬦᬾᬓᬶᬓᬵᬮᬯᭀᬂᬬᬳᬾᬢᬸᬦ᭄ᬬᬳᬦᬲᬶᬦᬗ᭄ᬕᬄᬯᬾᬧᬢᬦᬸ᭞ᬓᬶᬦᭂᬫ᭄ᬯᬓᭂᬦ᭄ᬫᬗ᭄ᬓᬾ᭟
Kaca:Bali-lontar-babad-pasek-kayu-selem-02-250ppi.pdf/40
Kaca puniki sampun kauji-wacén
