[᭓᭘ 38A]
᭓᭘
ᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸ᭞ᬳᬦ᭄ᬥᬵᬦᬸᬕ᭄ᬭᬳᬵ᭞ᬤᬶᬤ᭄ᬬᬦ᭄ᬳᬦᬭᬢᬸᬫᬓᬘᬓ᭄ᬭᬦᬶᬂᬩᬮᬶ᭞ᬫᬓᬮᬶᬗ᭄ᬕᬵᬲᬸᬫᬸᬗ᭄ᬲᬸᬂᬗᬓᭂᬦ᭄ᬓᬳ᭄ᬬᬗᬦᬶᬂᬩᬲᬓᬶᬄ᭞ᬬᬳᬾᬢᬸᬦ᭄ᬬᬦ᭄ᬧᬳᬸᬫ᭄ᬲᬯᬢᭂᬓ᭄ᬤᬾᬯᬢᬓᬩᬾᬄ᭞ᬮᬯᬦ᭄ᬲᬯᬢᭂᬓᬋ
ᬱᬶᬲᬥᬬᬵ᭞ᬳᬸᬫᬶᬭᬶᬂᬳ᭄ᬬᬂᬚᬕᬢ᭄ᬦᬵᬣᬫᬭᬾᬂᬲ᭄ᬯᬃᬕ᭄ᬕᬲ᭄ᬣᬦᬵ᭟ᬓᬸᬦᬂᬧᬵᬬᬸᬦᬶᬓᬗᬮᬧ᭄ᬓᭂᬦᬵ᭞ᬦᬶᬳᬦ᭄ᬢᬂᬧᬶᬦᬶᬮᬶᬄᬳᬦᬳᬦᬓ᭄ᬤᬾᬯᬢᬵ᭞ᬳᬦᬓ᭄ᬪᬕᬯᬦ᭄ᬓᬱ᭄ᬬᬧᬵ᭞ᬫᬢᬸᬄᬲᬓᬾᬂᬤ᭄ᬬᬄᬯ᭄ᬬᬧᬭᬵ᭞ᬗᬭᬦ᭄
ᬲᬂᬫᬬᬥᬦᬯᬵ᭞ᬓᬸᬦᬂᬲᬶᬭᬲᬂᬫᬬᬥᬦᬯ᭞ᬲᬵᬂᬫ᭄ᬧᬸᬦ᭄ᬧᬓᬲ᭄ᬯᬫᬶᬮᬯᬦ᭄ᬦᬶᬤᬾᬯᬶᬫᬮᬶᬫᬶ᭞ᬗ᭟ᬓᬳᬦᬓ᭄ᬤᬾᬳ᭄ᬬᬂᬅᬦᬦ᭄ᬢᬪᭀᬕᬵ᭞ᬳᬳᬶᬩᬸᬲᬓᬶᬂᬦᬶᬤᬾᬯᬶᬥᬦᬸᬓᬵ᭟ᬗ᭞ᬲᬂᬫᬬᬥᬦᬯ
ᬧᬶᬦᬶᬮᬶᬄᬤᬾᬲᬂᬧᬭᬤᬾᬯᬢᬓᬩᬾᬄ᭞ᬚᬸᬫ᭄ᬦᭂᬗᬦᬦᬵᬣᬢᬸᬭᬸᬦᬾᬂᬩᬮᬶᬫᬥ᭄ᬬ᭞ᬅᬦ᭄ᬫᬗ᭄ᬓᬦᬧᬵᬬᬸᬦᬶᬓᬂᬯᬸᬯᬸᬲ᭄᭞ᬩ᭄ᬬᬓ᭄ᬢᬲᬶᬫᬬᬥᬦᬯᬧᬶᬦᬶᬮᬶᬄ᭞ᬫᬓᬘᬓ᭄ᬭᬦᬶᬂᬪᬸᬯᬦ᭞ᬫᬮ᭄ᬯᬭᬦ᭄ᬓᬂᬕᭀ
[᭓᭙ 39A]
ᬱ᭄ᬝᬶᬯᬶᬘᬭᬵᬓᬧ᭄ᬯᬫᬦ᭄ᬢᬸᬓ᭄ᬪᬝᬵᬭᬓᬩᬾᬄ᭟ᬓᬸᬦᬂᬪᬝᬵᬭᬧᬸᬢ᭄ᬭᬚᬬᬵ᭞ᬯᬸᬲᬫ᭄ᬯᬶᬢ᭄ᬭᬶᬂᬪᬝᬵᬭᬳ᭄ᬬᬂᬧ᭄ᬭᬫᬾᬱ᭄ᬝᬶᬕᬸᬭᬸᬧᬧᬋᬂᬮᬯᬦ᭄ᬳ᭄ᬬᬂᬖ᭄ᬦᬶᬚᬬᬵ᭞ᬗᬹᬦᬶᬯᬾᬄᬳ᭄ᬬᬂᬘᬢᬹᬃᬧᬸᬭᬸᬱ᭞ᬳᬸᬫᬦ᭄ᬢᬸᬓᬶᬂᬓᬳ᭄ᬬᬗᬦᬶᬂᬩᬮᬶᬩᬲᬓᬶᬄ
ᬢᬦ᭄ᬧᭀᬧᬫᬵᬕᬃᬚ᭄ᬚᬶᬢᬦᬶᬂᬳᬦ᭄ᬢᬵᬚ᭄ᬜᬦ᭞ᬅᬧᬦ᭄ᬩ᭄ᬬᬓ᭄ᬢᬓᬲᬶᬤ᭄ᬥᬦᬶᬂᬤᭀᬦ᭄᭟ᬢᬜ᭄ᬘᬭᬶᬢᬾᬗ᭄ᬳᬯᬦ᭄᭞ᬘᭂᬢ᭄ᬧ᭄ᬭᬵᬧ᭄ᬢᬲᬶᬭᬾᬂᬧᬃᬱ᭄ᬯᬦᬶᬂᬢᭀᬮᬗ᭄ᬓᬶᬃ᭞ᬫᬗ᭄ᬓᬧ᭄ᬭᬤᬢᬦ᭄ᬬᬭᬶᬂᬅᬢᬶᬢ᭟᭐᭟ᬳᬧᬶᬘᬫ᭄ᬯᬄᬤᬶᬤ᭄ᬬᬦ᭄ᬧᬥ
ᬧ᭄ᬭᬢ᭄ᬬᬓ᭄ᬱᬵᬭᬶᬓᬾᬂᬧ᭄ᬭᬱ᭄ᬝᬯᬦ᭄ᬬᬗᬹᬦᬶ᭞ᬧᬶᬭᬢᬓᬸᬦᬂᬓᬵᬮᬦᬶᬓᬵ᭞ᬲᬢᬸᬭᬸᬦᬶᬓᬳ᭄ᬬᬂᬫᬬᬥᬦᬯ᭞ᬳᬗ᭄ᬭᬓ᭄ᬱᬭᬵᬚ᭄ᬬ᭞ᬳᬦᬾᬂᬧᬸᬮᬶᬡᬩᬮᬶ᭞ᬢᬦ᭄ᬲᬄᬓᬶᬦᬦ᭄ᬢ᭄ᬬᬓᭂᬦ᭄ᬤᬾᬯᬲ᭄ᬯᬫᬶᬦᬶᬭ᭞ᬲᬗᬧᬦ᭄ᬮᬄᬦᬶᬤ᭄ᬬᬄᬫᬮᬶ
ᬡᬶ᭞ᬲᬧᭂᬧ᭄ᬚᬄᬓᬶᬤᬾᬢ᭄ᬬᬓᬃᬡ᭄ᬦᬧᬢᬶᬗᬹᬦᬶ᭞ᬲᬂᬅᬪᬶᬰᬾᬓᬰ᭄ᬭᬶᬚᬬᬧᬗᬸᬲ᭄᭞ᬭᬢᬸᬭᬶᬂᬗᬹᬦᬶᬭᬶᬂ᭠ᬩᬮᬶᬗ᭄ᬓᬂ᭞ᬲᬶᬭᬢᬭᬓ᭄ᬯᬰ᭄ᬭᬷᬳᬚᬶᬫᬬᬥᬦᬯ᭞ᬕᬶᬦᬦ᭄ᬢ᭄ᬬᬲᬸᬫᬶᬮᬶᬳᬗᬥᭂᬕ᭄ᬭᬢᬸ᭞ᬳᬦᬾᬂᬩᬮᬶᬭᬚ᭄ᬬᬵ᭞
Kaca:Bali-lontar-babad-pasek-kayu-selem-02-250ppi.pdf/39
Kaca puniki sampun kauji-wacén
