[᭒᭙ 29B]
᭒᭙
ᬕ᭄ᬦᬶᬓᬬᬵᬫᬸᬗ᭄ᬕ᭄ᬯᬶᬂᬢᬯᬂ᭞ᬧᬶᬦᬋᬓ᭄ᬤᬾᬲᬂᬫᬸᬦᬶᬯᬭᬵ᭞ᬢᬦ᭄ᬓᭂᬦᬯᬶᬦᬸᬯᬸᬲᬦ᭄ᬧᬲᬶᬮᬶᬳᬦᬶᬂᬧᬕᭀᬱᬦᬦ᭄᭞ᬧᬦ᭄ᬯᬾᬳ᭄ᬦᬶᬗᬲᬶᬳᬦᬶᬗᬲᬸᬦᬸ᭞ᬦᬵᬳᬦᬶᬂᬓᬂᬘᬭᬶᬢᬵ᭞ᬧᬶᬭᬢᬓᬸᬦᬂᬮᬯᬲᬶᬭᬵᬲᬂᬫᬳᬵᬫᬸᬦᬶᬳᬦᬾᬩᬮ᭄ᬬᬕᬵ
ᬗᬶᬭᬶᬂᬧᬤᬸᬓᬪᬝᬵᬭᬢ᭄ᬭᬶᬧᬸᬭᬸᬱᬳ᭄ᬬᬗᬶᬂᬢᭀᬮᬗ᭄ᬓᬶᬭ᭄᭞ᬳ᭄ᬬᬗᬶᬂᬮᬫ᭄ᬧᬸᬬᬂᬮᬦ᭄ᬳ᭄ᬬᬗᬶᬂᬳᬸᬮᬸᬦ᭄ᬥᬦᬸ᭞ᬇᬭᬶᬓᬧ᭄ᬯᬫᬳᬵᬃᬱᬶᬳᬦᬗᬸᬦᬓᭂᬦ᭄ᬧᬃᬬ᭄ᬬᬗᬦ᭄᭞ᬳᬶᬦᬶᬭᬶᬂᬦᬶᬂᬯᭀᬗᬶᬂᬩᬮ᭄ᬬᬕᬵ᭞ᬫᬓᬗᬹᬦᬶᬫ᭄ᬧᬸᬓᬫᬵᬭᬾᬓᬵ᭞ᬢᬦ᭄ᬮᬶ
ᬗᭂᬦ᭄ᬋᬱ᭄ᬝᬶᬦᬶᬂᬧᬃᬬ᭄ᬬᬧᬃᬬ᭄ᬬᬗᬦ᭄ᬪᬝᬵᬭᬢᬶᬕᬵ᭞ᬤᬸᬓᬶᬂᬫᬗ᭄ᬓᬢᬫ᭄ᬩᬾᬄᬬᬦᬶᬂᬳᬦᬲᬤ᭄ᬓᬳ᭄ᬬᬗᬦ᭄᭞ᬳᬦᬾᬂᬩ᭠ᬲᬸᬓᬶᬄ᭞ᬫ᭄ᬯᬂᬕᬸᬦᬸᬂᬮᬫ᭄ᬧᬸᬬᬂ᭞ᬳᬸᬮᬸᬦ᭄ᬥᬦᬸ᭞ᬭᬶᬯ᭄ᬓᬲᬦ᭄ᬫ᭄ᬧᬸᬫᬳᬵᬫᬾᬭᬸ᭞ᬫᬭᬫᬸᬦ᭄ᬤᬸᬃᬧ᭄ᬯᬲᬶᬭᬵ᭞ᬫᬗᬚᬯᬵᬫᬗᬩᬮᬶ
ᬢᬦ᭄ᬲᬄᬭᬶᬦᬶᬧ᭄ᬢᬵᬚᬕᬤ᭄ᬤᬶᬢᬦᬶᬂᬪᬸᬯᬦᬭ᭄ᬯᬵ᭞ᬫᬓᬗᬹᬦᬶᬓᬋᬧᬱ᭄ᬝ᭄ᬬᬦᬶᬂᬓᬳ᭄ᬬᬗᬦᬶᬭᬪᬝᬵᬭᬢ᭄ᬭᬶᬧᬸᬭᬸᬱ᭞ᬫᬗ᭄ᬓᬦᬧᬶᬤᬃᬢ᭄ᬣᬦ᭄ᬬᬫᬸᬗ᭄ᬕ᭄ᬯᬶᬂᬉᬱᬡᬵ᭟ᬢᬸᬘᬧᬫ᭄ᬯᬄᬲᬂᬫ᭄ᬧᬸᬓᬫᬭᬾᬓᬵ᭞ᬅᬬᭀᬕᬕᬧ᭄ᬯᬲᬶᬭᬾᬂᬢᬫ᭄ᬧᬸᬳ᭄ᬬᬂ᭞ᬅ
[᭓᭐ 30A]
ᬦ᭄ᬢ᭄ᬬᬦ᭄ᬥᬭᬓᬾᬂᬲᬫᬥᬶᬦᬶᬭᬵ᭞ᬳᬸᬫᬶᬭᬶᬂᬲᬵᬚ᭄ᬜᬵᬲᬂᬅᬪ᭄ᬭᬲᬶᬦᬸᬳᬸᬦ᭄᭞ᬢᬦ᭄ᬳᬦᬳᬗ᭄ᬮᬶᬯᬭᬶᬓᬬᬧᬶᬯ᭄ᬓᬲ᭄ᬦᬶᬭᬗᬹᬦ᭄᭞ᬓᬸᬦᬂᬳᬦᬕᬸᬫᬸᬓ᭄ᬕᬸᬫᬸᬓᬗᬶᬗ᭄ᬕᬶᬮ᭄ᬭᬶᬂᬢᬫ᭄ᬧᬸᬃᬳ᭄ᬬᬂ᭞ᬗ᭞ᬕᭀᬯᬲᭀᬂ᭞ᬇᬭᬶᬓᬧ᭄ᬯᬲᬶᬭᬫ᭄ᬧᬸᬓᬫᬭᬾᬓ᭞ᬳ
ᬦᬗᬸᬦᬓᭂᬦ᭄ᬧᬗᬲ᭄ᬣᬦᬦᬸᬗ᭄ᬕ᭄ᬯᬦᬶᬭᬳᬢᬧᬵᬲᬫᬥᬶ᭞ᬢᬃᬧᬫᬗᬦ᭄ᬢᬃᬧᬗᬶᬦᬸᬫ᭄᭞ᬢᬦ᭄ᬲᬄᬳᬩ᭄ᬭᬡᬰᬶᬓᬵᬫᬵᬋᬧ᭄ᬯᬾᬢᬦ᭄᭞ᬳᬗᬋᬧᬦᬯᬶᬯᬭᬇᬓᬸ᭞ᬅᬦ᭄ᬢ᭄ᬬᬦ᭄ᬢᭂᬃᬘᬮᬵᬲᬫᬥᬶᬦᬶᬭ᭞ᬧᬶᬭᬢᬲᬶᬓᬂᬲᬫᬥᬶ᭞ᬳᬯ᭄ᬬ
ᬢᬭᬲᬢᬳᬸᬦ᭄᭞ᬲᬧ᭄ᬢᬤᬶᬦ᭄ᬢᭂᬦ᭄᭞ᬅᬗ᭄ᬭᬡᬰᬶᬓᬵ᭞ᬅᬗᬥᭂᬕᬓᭂᬦ᭄ᬲᬗ᭄ᬳ᭄ᬬᬂᬑᬗ᭄ᬓᬭᬫᬦ᭄ᬢ᭄ᬭᬵ᭞ᬫᬸᬗ᭄ᬕ᭄ᬯᬶᬂᬧᬤ᭄ᬫᬳ᭄ᬭᬥᬬᬵ᭞ᬢᬸᬫᬸᬭᬸᬦ᭄ᬲᬶᬭᬪᬝᬵᬭᬩ᭄ᬭᬵᬳ᭄ᬫᬵ᭞ᬲᬓᬶᬂᬢᬦ᭄ᬓᬢᭀᬦ᭄᭞ᬅᬦᬸᬕ᭄ᬭᬳᬵᬲᬶᬭ᭞ᬦᬶᬳᬦ᭄ᬯᬓ᭄ᬬᬦᬶᬭ᭟ᬓᬫᬸᬂᬫ᭄ᬧᬸ
ᬓᬫᬭᬾᬓᬅᬦ᭄ᬢ᭄ᬬᬦ᭄ᬢᬥᬭᬓᬲᬫᬥᬶᬦ᭄ᬢᬵ᭞ᬗᬱ᭄ᬝᬯᬇᬗ᭄ᬳᬸᬮᬸᬦ᭄᭞ᬫᬗ᭄ᬓᬾᬢᬭᬶᬫᬧᬦᬸᬕ᭄ᬭᬳᬦ᭄ᬓᬸᬭᬶᬓᬶᬢ᭞ᬢᬢ᭄ᬯᬥ᭄ᬬᬢ᭄ᬫᬶᬓᬵ᭞ᬧ᭄ᬯᬮᬶᬡᬵᬭᬹᬧᬢᬦ᭄ᬧᬭᬹᬧ᭟ᬗ᭄ᬳᬶᬂᬓᬬᬢ᭄ᬦᬓ᭄ᬦᬵᬅᬗᬫᭀᬂᬲᬗ᭄ᬳ᭄ᬬᬂᬑᬗ᭄ᬓᬭ᭞ᬚᬄᬢ
Kaca:Bali-lontar-babad-pasek-kayu-selem-02-250ppi.pdf/30
Kaca puniki sampun kauji-wacén
