[᭒᭕ 25B]
᭒᭕
ᬭᬾᬡᬾᬓᬶᬢᬵ᭞ᬳᬸᬫᬋᬓᬾᬗ᭄ᬳᬸᬮᬸᬦ᭄᭟ᬳᬸᬮᬸᬦᬵᬦᬸᬕ᭄ᬭᬳᬾᬓᬶᬢᬵ᭞ᬲᬧᬸᬃᬲᭂᬫ᭄ᬩᬄᬢᬂᬫᬦᬹᬱᬭᬾᬓ᭞ᬅᬦᬸᬳᬸᬦ᭄ᬧᬥᬲᬗᬥᬶᬕᬸᬭᬸ᭟ᬮᬶᬗ᭄ᬳᬶᬭᬲᬂᬫᬳᬵᬬᬢᬶ᭟ᬅᬦᬓᬸᬓᬬᬸᬭᬾᬓᬵ᭞ᬋᬗ᭄ᬯᬓ᭄ᬦᬧᬶᬢ᭄ᬓᭂᬢ᭄ᬫᬫᬶ
ᬫᬗ᭄ᬓᬾ᭞ᬯᬓᬓ᭄ᬦᬢᬮᬶᬗᬦ᭄ᬢᬵᬧᬗᬺᬗᭃ᭞ᬗ᭄ᬳᬶᬂᬳᬚᬯᬾᬭᬫ᭄ᬯᬂᬘᬯᬸᬄ᭞ᬅᬧᬦ᭄ᬲᬶᬦᬶᬗᬶᬤᬓᭂᬦ᭄ᬲᬗ᭄ᬳ᭄ᬬᬂᬉᬗ᭄ᬓᬭᬫᬦ᭄ᬢ᭄ᬭ᭞ᬦᬶᬳᬦ᭄ᬧᬦᬸᬕ᭄ᬭᬳᬦ᭄ᬓᬸ᭞ᬢᬭᬶᬫᬵ᭞ᬯᬲ᭄ᬢᬸ᭞᭓᭟ᬢᬦ᭄ᬧᬭᬶᬯᬲ᭄ᬢᬸ᭞ᬲᬶᬤ᭄ᬥᬶᬭᬲ᭄ᬢᬸ᭟ᬲᬶᬤ᭄ᬥᬶᬅᬚ᭄ᬜᬦ᭞
ᬳᬦᬓᬸᬓᬬᬸᬭᬾᬓᭀ᭞ᬓᬤ᭄ᬬᬧᬭᬦ᭄ᬲᬵᬫ᭄ᬧᬸᬦ᭄ᬭᬶᬦᬗ᭄ᬲᬸᬓ᭄ᬧᬸᬦᬂᬲᬗ᭄ᬳ᭄ᬬᬂᬑᬗ᭄ᬓᬭᬫᬦ᭄ᬢ᭄ᬭᬤᬾᬄ᭠ᬦ᭄ᬢ᭞ᬅᬓ᭄ᬱᬭᬫᬸᬗ᭄ᬕ᭄ᬯᬶᬂᬰᬭᬶᬭ᭞ᬓᬢ᭄ᬓᬾᬂᬅᬓ᭄ᬱᬭᬫᬸᬗ᭄ᬕ᭄ᬯᬶᬂᬚᬪᬵ᭟ᬳᬸᬫᬢᬸᬃᬲᬶᬭᬓᬬᬸᬭᬾᬓ᭟ᬯᬸᬲ᭄ᬭᬫ᭄ᬧᬸᬂ
ᬭᬶᬦᬗ᭄ᬲᬸᬓ᭄ᬤᬾᬧ᭄ᬯᬂᬓᬸᬮᬸᬦ᭄᭞ᬯᬮᬸᬬᬭᬶᬂᬦᬶᬱ᭄ᬓᬮᬚᬢᬶ᭟ᬲᬸᬫᬳᬸᬃᬫ᭄ᬯᬄᬲᬂᬅᬥᬶᬕᬸᬭᬸ᭟ᬅᬦᬓᬸᬢᬭᬸᬭᬾᬓᬵᬬᬦ᭄ᬫᬗ᭄ᬓᬦ᭞ᬫᬗ᭄ᬓᬾᬳᬦᬫᬸᬯᬄᬧᬦᬸᬕ᭄ᬭᬳᬗ᭄ᬓᬸ᭞ᬯ᭄ᬦᬂᬓᬶᬢᬫᬓᬕᬸᬭᬸᬮᭀᬓ᭟ᬤᬾᬦᬶᬂᬯᭀᬂ
[᭒᭖ 26A]
ᬅᬧᬦ᭄ᬦᭀᬭᬦᬪᬸᬚᬗ᭄ᬕᬭᬶᬂᬩᬮᬶ᭞ᬦᬶᬳᬦ᭄ᬢᭂᬕᭂᬲᬶᬂᬳᬚᬶᬧᬸᬭᬡᬵ᭞ᬗᬹᬦᬶᬯᬾᬄᬯᬾᬥᬵᬱ᭄ᬝᬯᬵ᭞ᬳᬬᬸᬯᬾᬭᬫᬸᬯᬄᬘᬯᬸᬄᬅᬧᬦ᭄ᬯᭂᬓᬲᬶᬂᬉᬢ᭄ᬢᬫᬵ᭞ᬯ᭄ᬦᬂᬓᬶᬢᬪᬹᬚᬗ᭄ᬕᬵᬩᬮ᭄ᬬᬕ᭞ᬓᬢ᭄ᬓᬾᬂᬧ᭄ᬭᬢᬶᬲᬦ᭄ᬢᬦ᭄ᬢᬵ᭞᭓᭞ᬢᬸᬭᬸᬦᬦ᭄᭟ᬫ᭄ᬯᬄᬳ
ᬦᬧᬯᬭᬄᬳᬸᬮᬸᬦ᭄ᬭᬶᬂᬓᬶᬢ᭞ᬓᬾᬗᭂᬢᬓ᭄ᬦᬵᬳᬚᬮᬸᬧ᭞ᬤᬶᬤᬶᬦᬾᬓᬶᬢᬳᬯᬭᬯᬭᬄᬭᬶᬂᬧ᭄ᬭᬢᬶᬲᬦ᭄ᬢᬦᬦ᭄ᬢᬵᬯ᭄ᬓᬲ᭄ᬲᭀᬧᬦ᭄ᬬᬧᬥᬳᬸᬫᬾᬗᭂᬢᬶᬂᬓᬮᬶᬗᬦ᭄ᬬᬭᬶᬯ᭄ᬓᬲᬶᬂᬯ᭄ᬓᬲ᭄᭞ᬳᬦᬧ᭄ᬭᬢᬶᬲᬦ᭄ᬢᬦᬗ᭄ᬓᬸᬳᬸᬫᬶᬚᬶᬮ᭄ᬲᬓᬶᬂ
ᬓᬓᬗ᭄ᬓᬸ᭞ᬲᬶᬭᬫ᭄ᬧᬸᬖ᭄ᬦᬶᬚᬬᬵ᭞ᬯ᭄ᬦᬂᬲᬦ᭄ᬢᬦᬦ᭄ᬢᬫᬓᬧᬗᬶᬯᬦ᭄ᬬ᭞ᬯ᭄ᬦᬂᬳᬦᭂᬫ᭄ᬩᬳᬓᭂᬦ᭄ᬭᬶᬂᬓᬵᬮᬓᬧᬢ᭄ᬬᬦ᭄ᬬ᭞ᬲᬢᬺᬄᬢᬺᬄᬲᬦᬓᬸ᭞ᬓᬸᬦᬂᬲᬦ᭄ᬢᬦᬦ᭄ᬓᬸᬢᬦ᭄ᬯᭂᬦᬂᬳᬦᭂᬫ᭄ᬩᬄᬲᬢᬺᬄᬢ᭞ᬦ᭄ᬥ᭄ᬬᬫᬢᬂᬦ᭄ᬬ᭞ᬅᬧᬦ᭄ᬓᬶᬢᬳᬕᬸ
ᬭᬸᬧᬸᬢ᭄ᬭᬵ᭞ᬮᬯᬦᬶᬗ᭄ᬳᬸᬮᬸᬦ᭄ᬗᬹᬦᬶᬯᬾᬄᬧᬯ᭄ᬢᬸᬦ᭄ᬫᬪᬾᬤ᭄ᬥᬵᬲᬓᬶᬂᬇᬗ᭄ᬯᬂ᭞ᬫᬗ᭄ᬓᬦᬓᬾᬗᭂᬢᬓ᭄ᬦᬧᬯᬭᬄᬚᬸᬕ᭞ᬳᬶᬮᬳᬾᬲ᭄ᬢᬸᬨᬮᬦ᭄ᬬ᭟ᬓᬸᬦᬂᬫ᭄ᬯᬄᬳᬦᬓᬸᬓᬬᬸᬭᬾᬓᬵ᭞ᬅᬧᬦ᭄ᬓᬶᬢᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥᬵᬯᬸᬲ᭄ᬳᬧᭀ
Kaca:Bali-lontar-babad-pasek-kayu-selem-02-250ppi.pdf/26
Kaca puniki sampun kauji-wacén
