[᭒᭒ 22B]
᭒᭒
ᬫᬦᬹᬱᬵ᭞ᬳᬧᬦ᭄ᬧᬥᬫᬤᬸᬤ᭄ᬯᬤᬸᬯᬦ᭄ᬧᬗᬤᬓᬾ᭞ᬤᬸᬫᬾᬄᬦ᭄ᬬᬭᬶᬓᬧ᭄ᬚᬳᬦ᭄ᬬᬧᬥᬯᬦᬾᬄᬧᬗᬗ᭄ᬕᭀᬦ᭄ᬬᬓᬢ᭄ᬓᬾᬂᬳᬸᬧᬓᬭᬵ᭟ᬫᬗ᭄ᬓᬦᬓᬚᬭᬶᬂᬢᬢ᭄ᬯᬦᬶᬗᬢᬶᬢᬵ᭟᭐᭟ᬅᬧᬶᬘᬵ᭞ᬩ᭄ᬬᬓ᭄ᬢᬓᬯᬃᬡ᭄ᬦᬳᬵᬫ᭄ᬯᬄᬅᬦᬓᬶ
ᬭᬪᬝᬵᬭᬳ᭄ᬬᬂᬖ᭄ᬦᬶᬚᬬᬵ᭞ᬓᬂᬓᬶᬦᭀᬦ᭄ᬗᬹᬦᬶᬫᬭᬾᬂᬬᬯᬤ᭄ᬯᬶᬧ᭞ᬅᬬᭀᬕᬲᬫᬥᬶ᭞ᬫᬗ᭄ᬓᬾᬧᬦ᭄ᬯᬸᬲ᭄ᬢ᭠ᬲᬓᬶᬂᬬᭀᬕᬦᬶᬭᬵ᭞ᬳᬸᬫᬦ᭄ᬢᬸᬓ᭄ᬧ᭄ᬯᬲᬶᬭᬫᬭᬶᬂᬩᬮᬶᬭᬵᬚ᭄ᬬ᭞ᬧᬗᬸᬢᬸᬲᬶᬭᬳ᭄ᬬᬂᬧᬱᬸᬧᬢᬶ᭞ᬳᬸᬫ᭄ᬥᭂᬓ᭄ᬪᬢᬝᬵᬭᬧᬸᬢ᭄ᬭ
ᬚᬬᬵ᭞ᬭᬶᬂᬢᭀᬮᬗ᭄ᬓᬶᬃ᭞ᬫᬓᬗᬹᬦᬶᬭᬶᬂᬧᬥᬦᬶᬭᬓᬲᬸᬳᬸᬦ᭄ᬭᬶᬂᬮᬫ᭄ᬧᬸᬬᬂ᭞ᬧᬥᬅᬤᬸᬤ᭄ᬯᬦ᭄ᬤᬸᬤ᭄ᬯᬦ᭄ᬧᬭᬦᬶᬭᬵ᭟ᬲᬶᬭᬫ᭄ᬧᬸᬖ᭄ᬦᬶᬚᬬᬵ᭞ᬲᬗᬧᬦ᭄ᬮᬄᬩ᭄ᬭᬵᬳ᭄ᬫᬡᬧᬡ᭄ᬥᬶᬢᬗᬹᬦᬶ᭞ᬇᬦᬶᬭᬶᬂᬤᬾᬦᬶᬳᬭᬶᬦᬶᬭᬓᬭᭀ᭞ᬲᬶᬭᬵ
ᬫ᭄ᬧᬸᬖᬡ᭞ᬗᬹᬦᬶᬯᬾᬄᬫ᭄ᬧᬸᬓᬸᬢᬸᬭᬦ᭄᭞ᬳᬯᬦᬶᬭᬅᬧᬤᬯᬸᬭ᭄ᬯᬦᬶᬂᬓᬧᬸᬓᬧᬸ᭞ᬅᬧ᭄ᬬᬓ᭄ᬭ᭄ᬯᬦᬶᬂᬢᭂᬢᭂᬧ᭄᭞ᬢᬦ᭄ᬮᬶᬗᭂᬦ᭄ᬧ᭄ᬯᬮᬫ᭄ᬧᬄᬦᬶᬭᬳᬧᬦ᭄ᬫᬳᬯᬦ᭄ᬳ᭄ᬬᬸᬦ᭄᭞ᬘᭂᬢ᭄ᬧ᭄ᬭᬵᬧ᭄ᬢᬯᭀᬦ᭄ᬢᭂᬦᬶᬂᬓᬓᬶᬲᬶᬓᬶᬂᬩᬮᬶ᭟ᬢᬸᬫᬸᬭᬸ
[᭒᭓ 23A]
ᬦ᭄ᬯᭀᬦ᭄ᬢᭂᬦᬶᬂᬰᬶᬮᬬᬸᬓ᭄ᬢᬶ᭞ᬅᬗᬸᬘᬭᬓᭂᬦ᭄ᬯᬾᬥᬧᬗᬲ᭄ᬢᬯᬵᬦ᭄ᬳᭂᬃᬚᬸᬫᬸᬚᬸᬕ᭄ᬫᬭᬶᬂᬩᬲᬸᬓᬶᬄ᭞ᬳᬸᬫ᭄ᬥᭂᬓ᭄ᬪᬝᬵᬭᬧᬸᬢ᭄ᬭᬚᬬ᭟ᬲᬧ᭄ᬭᬵᬧ᭄ᬢᬦᬶᬭᬢᬶᬦ᭄ᬳᭂᬃᬗᬢᬸᬭᬦᬧᬗᬺᬥᬦ᭄᭞ᬲᬦ᭄ᬢᬶᬧᬗᬲ᭄ᬢᬯᬵ᭞ᬳᬸᬫᬸᬂᬲ᭄ᬯᬭᬦᬶᬂᬕᭂᬦ᭄ᬢᭂᬃ᭞ᬓᬬᬩ᭄ᬭᬫᬭᬅᬗᬶᬲᭂᬧ᭄
ᬲᬭᬶ᭞ᬲᬶᬦᬯᬸᬭᬦᬶᬂᬧᬸᬱ᭄ᬧᬯᬃᬱᬵ᭞ᬤᬾᬪᬝᬵᬭ᭞ᬢᬗᬾᬄᬬᬦ᭄ᬯᬸᬯᬸᬲᬦ᭄ᬲᬫᬥᬶᬦᬶᬭᬵ᭟ᬯᬸᬲᬶᬂᬫᬗ᭄ᬓᬦᬫᬗ᭄ᬭ᭠ᬭᬶᬲᬸᬫ᭄ᬥᭂᬓ᭄ᬓᬕᬶᬭᬶᬮᬫ᭄ᬧᬸᬬᬂ᭞ᬭᬶᬂᬪᬝᬵᬭᬓᬫᬶᬫᬶᬢᬦ᭄᭞ᬢᬦ᭄ᬲᬄᬧ᭄ᬯᬲᬶᬭᬳᬗᬢᬸᬭᬦᬯᬾᬥᬧᬗᬱ᭄ᬝᬯᬳᬤᬸᬮᬸᬃ
ᬯᬗᬮ᭄ᬧᬶᬓᬋᬗ᭄ᬋᬂᬲᬫᬥᬶᬦᬶᬭᬂᬅᬚ᭄ᬜᬵᬦᬲᬦ᭄ᬤᬶ᭞ᬳᬸᬫᬸᬂᬲ᭄ᬯᬭᬦᬶᬂᬕᭂᬡ᭄ᬝᬵ᭞ᬬᬬᬲᬤ᭄ᬧᬥᬓᬸᬱᬵᬭᬶᬂ᭠ᬲᬭᬶᬦᬶᬂᬳᬗ᭄ᬰᬸᬡ᭞ᬲᬶᬦᬯᬸᬭᬦᬶᬂᬓᭂᬫ᭄ᬩᬗᬸᬭᬵ᭞ᬲᬳᬕᬡ᭄ᬥᬓ᭄ᬱᬢ᭞ᬯᬾᬥᬧᬜ᭄ᬚᬬᬚᬬ᭞ᬤᬾᬪᬝᬵᬭᬓᬫᬶᬫᬶ
ᬢᬦ᭄᭟ᬫᬗ᭄ᬓᬦᬲᭀᬢᬦᬶᬂᬲᬶᬳᬦᬶᬗᬲᬸᬢ᭞ᬢᬫ᭄ᬩᬾᬳᬸᬫᬋᬓᬵ᭞ᬢᬗᬾᬄᬬᬦ᭄ᬯᬲᬶᬢᬓ᭄ᬦ᭞ᬢᬦᬲ᭄ᬯᬾᬧ᭄ᬯᬲᬶᬭᬫᬭᬶᬂᬩᬮᬶ᭞ᬫ᭄ᬯᬄᬳᬯᬦ᭄ᬢᬸᬦᬶᬂᬬᬯᬤ᭄ᬯᬶᬧ᭞ᬅᬗᬚᬯᬳᬗᬩᬮᬶ᭞ᬦᭂᬂᬓᬝᬵᬲᬂᬲᬫ᭄ᬧᬸᬢᬶᬕ᭟᭐᭟
Kaca:Bali-lontar-babad-pasek-kayu-selem-02-250ppi.pdf/23
Kaca puniki sampun kauji-wacén
