Kaca:Bali-lontar-aji-sasana-gaguritan-350ppi.pdf/25

Saking Wikisource
Kaca puniki sampun kauji-wacén

[᭒᭔ 24B
᭒᭔
ᬓᬬᬸ᭞ᬳᭂᬤᭀᬦ᭄ᬘᬭᬂᬜᬦᬾᬚᬸᬯᬂ᭞ᬬᬤᬶᬦ᭄ᬧᬸᬜᬦ᭄ᬜᬦᬾᬓᬦ᭄ᬤᬶᬓ᭄᭞ᬲᭂᬩᭂᬗᬾᬢ᭄ᬯᬭᬫᬫᬶᬦ᭄ᬤᬄ᭞ᬓᬾᬢᭀᬮᬓ᭄ᬱᬡᬦᬾᬮᬸᬳᬸᬂ ᭛ ᬬᬦᬶᬂᬳ
ᬦᬓ᭄ᬤᬦᬫᬸᬜᬶ᭞ᬲᭀᬓ᭄ᬦᬸᬢᬸᬭᬂ᭞ᬢᬶᬗ᭄ᬓᬳᬾᬫᬤᬦᬧᬢᬸᬢ᭄᭞ᬦᬸᬦ᭄ᬤᬾᬦ᭄ᬳᬦᬓ᭄ᬤᬳᬢ᭄ᬮᬚᬸ᭞ᬫᬗ᭄ᬤᬫᬤᬦᬦᬸᬳᬸᬢᬶᬦ᭄᭞ᬦᬗ᭄ᬳᬶᬂᬳ᭄ᬬᬵᬤᭂᬫᬶᬢ᭄ᬧᬶᬲ
ᬦ᭄᭞ᬗᬸᬢᬂᬩ᭄ᬭᬡᬤᬳᬢ᭄ᬢᬓᬸᬢ᭄᭞ᬳᭂᬦ᭄ᬢᭀᬚᬦ᭄ᬫᬵᬦᬶᬱ᭄ᬝᬵᬪᬭ᭞ᬢᬦ᭄ᬳᬸᬭᬸᬂᬫᬦᬤᬶᬩᬜ᭄ᬘᬶᬄ᭞ᬨᬮᬦ᭄ᬤᬦᬦᬾᬳᬲᬶᬩᬓ᭄᭞ᬳᬲᬶᬂᬲᬥ᭄ᬬᬵᬢ᭄ᬯ
ᬭᬓᬢᭂᬧᬸᬓ᭄ ᭛ ᬧᬹᬚᬭᬶᬂᬲᬂᬳ᭄ᬬᬂᬳᬕ᭄ᬦᬶ᭞ᬫᬓᬫᬶᬯᬄ᭞ᬧᬹᬚᬭᬶᬂᬕᭂᬦᬄᬢᬢᭂᬮᬸ᭞ᬤᬦᬭᬶᬂᬓᬸᬡ᭄ᬥᬓᬧᬢᬸᬢ᭄᭞ᬳᭂᬦ᭄ᬢᭀᬦᬶᬱ᭄ᬝᬓᬳᬤᬦᬶᬦ᭄

[᭒᭕ 25A]
᭞ᬦᬶᬱ᭄ᬝᬦᬾᬚᬦᬶᬚᬮᬦᬂ᭞ᬚᬮᬭᬦ᭄ᬫᬗ᭄ᬕᬶᬄᬭᬳᬬᬸ᭞ᬳᬧᬂᬳᭂᬥᬵᬫᬗᬤᭀᬯᬂ᭞ᬓᬳᬸᬢᬸᬲ᭄ᬫᬳᬶᬦᬸᬫᬶᬢᬶᬲ᭄᭞ᬬᬦ᭄ᬢᬦ᭄ᬳᬦᬗᬸᬦ᭄ᬢᬧᬩ᭄ᬭᬢ᭞ᬉᬭᬶᬧ᭄
ᬮᬸᬯᬃᬢᬦ᭄ᬧᬢᬸᬯᬸᬄ ᭛ ᬧᬸᬡ᭄ᬬᬵᬢᬮᬕᬢᬦᬶᬮᬶ᭞ᬫᬓᬫᬶᬯᬄ᭞ᬓᬢᭂᬓᬾᬂᬫᬧᬹᬡ᭄ᬬᬲᬸᬫᬸᬃ᭞ᬤᬾᬯᬕᬺᬳᬫᬸᬯᬄᬳᬸᬮᬸᬮ᭄᭞ᬫᬶᬯᬄᬫᬧᬸᬡ᭄ᬬᬦ
ᬲᬶ᭞ᬧᬸᬡ᭄ᬬᬮᬖᬹᬧᬯᬶᬭᬫᬦ᭄᭞ᬲᬧᬺᬓᬭᬦᬾᬳᬸᬫᬸᬭᬸᬩ᭄᭞ᬧᬢᬦᬶᬕᬶᬮᬂᬕᬸᬫᬶᬮᬂ᭞ᬲᬫᬶᬧᬹᬃᬢ᭄ᬢᬓᬳᬤᬦᬶᬦ᭄᭞ᬧᬹᬃᬢ᭄ᬢᬓᬦᬾᬮᬶᬯᬢ᭄ᬉ
ᬢ᭄ᬢᬫ᭞ᬧᬹᬃᬢ᭄ᬢᬓᬦᬾᬜᬦ᭄ᬤᬂᬧᬶᬢᬸᬳᬸ ᭛ ᬬᬦ᭄ᬚᬦ᭄ᬫᬳᬦᬾᬢᭀᬦ᭄ᬤᬾᬦ᭄ᬧᬱ᭄ᬝᬶ᭞ᬭᬶᬂᬓᬧ᭄ᬭᬚ᭄ᬜᬦ᭄᭞ᬓᬺᬢᬓᬺᬢ᭄ᬬᬦᬾᬲᬸᬭᬸᬤ᭄᭞ᬘᬢᬸᬃᬯᬃᬕ᭄ᬕᬫᬲᬶᬄᬲᬸ᭠