Lua error ring Modul:Header baris 757: bad argument #2 to 'inNamespaces' (unrecognized namespace number '114').
[᭑ 1B]
᭑᭞
᭛᭜᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸᬦᬫᬲᬶᬤᬀ᭚᭜᭚ᬚᬕᬢ᭄ᬕᬸᬭᬸᬰᬪᬀᬭᬪᬹᬭᬀᬪᬯᬪᬸᬢᬀᬪᬸᬳᬫ᭄ᬧᬥᬫ᭄᭞ᬪᬯᬫ᭄ᬩᬬᬤᬪᬾᬭᬯᬡᬭᬂ᭞ᬢᬤᬭᬳᬫ᭄ᬩᬭᬯᬀ᭞ᬲᬸᬖᭀᬭᬢᬭᬯᬶᬖ᭄ᬦᬫᬤᬀᬦᬵᬫᬓᬦ᭄ᬤᬦ᭄ᬢᬭᬫ᭄᭞ᬳᬸᬭᬸᬗ᭄ᬕᬸᬭᬸᬢᬭᬇᬦ᭄ᬬᬭᬕ
ᬦᬀᬢᬦ᭄ᬦᬫᬵᬫᬶᬧ᭄ᬭᬪ᭄ᬳᭀ᭛ᬅᬲᬶᬤ᭄ᬥᬢᬲ᭄ᬢ᭄ᬬᬧᬸᬢ᭄ᬭᬲ᭄ᬢᬸ᭞ᬮᭀᬧᬫᬸᬦ᭄ᬭᬵᬲᬫᬸᬤ᭄ᬡᬯᬄ᭞ᬤᬺᬤ᭄ᬤᬲ᭄ᬬᬸᬤᬵᬫᬾᬤᬫᬢ᭄ᬫᬵ᭞ᬲᬦ᭄ᬢᬦᬾᬢᬸᬭᬦᬶᬦ᭄ᬤᬶᬢᬄ᭛ᬅᬦᬲᬶᬭᬲᬶᬤ᭄ᬤᬧᬡ᭄ᬟᬶᬢ᭄ᬣᬢᬭᬸᬡᬵ᭞ᬲᬂᬤᬺᬤ᭄ᬤᬲ᭄ᬬᬸᬗᬭᬦᬶᬭᬵ᭞ᬅᬦᬓ᭄ᬪᬕᬯᬦ᭄ᬦᬕᬲ᭄ᬢ᭄ᬬ᭞ᬗ
ᬭᬦᬶᬭᬵ᭞ᬯᬶᬦ᭄ᬥ᭄ᬬᬯᬮᬓᬸᬝᬵᬪᬕᬗ᭄ᬕᬸᬧ᭄ᬭᬩᬯ᭞ᬲᬂᬢᬸᬫᬳᬧ᭄ᬅᬕ᭄ᬭᬦᬶᬂᬯᬶᬦ᭄ᬥ᭄ᬬᬵᬯᬃᬯ᭄ᬯᬢ᭞ᬲᬫ᭄ᬓᬤᬭᬶᬤᬾᬦ᭄ᬬᬦᬳ᭄ᬬᬸᬦ᭄ᬢᬸᬫᬸᬦ᭄ᬢᭀᬤᬮᬦ᭄ᬲᬂᬳ᭄ᬬᬂᬳᬤᬶᬢ᭄ᬬᬵ᭞ᬬᬯᬤᬶᬧᬾᬓᬬᭀᬕᬶᬰ᭄ᬯᬭᬵ᭞ᬲᬂᬧᬶᬦᬓᬤᬶᬤᬾᬯ᭞ᬫᬓᬓ᭄ᬱ᭄ᬬᬾᬢ᭄ᬭᬬᬯᬤ᭄ᬯᬶᬧᬵᬫ
ᬦ᭄ᬤᬮ᭞ᬲᬶᬭᬢᬫᬓᬢ᭄ᬯᬵᬦᬓ᭄ᬦᬶᬭᬫᬓᬾᬩᬸᬪᬕᬯᬢᬶᬮᭀᬧᬫᬸᬤ᭄ᬭᬵ᭞ᬲᬶᬭᬢᬫᬢᬓ᭄ᬯᬦᬶᬂᬲᬶᬭᬬᬬᬄ᭞ᬪᬕᬯᬦᬕᬱ᭄ᬢ᭄ᬬᬵᬭᬶᬫᬸᬮᬦᬶᬪᬹᬃᬩ᭄ᬯᬄᬰ᭄ᬯᬄᬫᭂᬳᬂᬳᬦ᭄ᬢᬦᬶᬂᬩ᭄ᬭᬳ᭄ᬫᬡ᭄ᬟᬢ᭄ᬓᭂᬂᬤᬾᬯᬢᬦ᭄ᬬ᭞ᬮᬶᬂᬦᬶᬭ᭛ᬯᬸᬪᬸᬃᬯ᭄ᬯᬄᬰ᭄ᬯᬄᬓᬢᬫᬸᬮᬫ᭄᭞
[᭒ 2A]
ᬩ᭄ᬭᬳ᭄ᬫᬡ᭄ᬟᬰ᭄ᬬᬯᬤᬓᬭᬦᬀ᭞ᬲᬗ᭄ᬱᬬᬜ᭄ᬘᬾᬯᬦᬵᬢᬫᬾ᭞ᬧ᭄ᬭᬲᬶᬤᬵᬪᬯ᭄ᬯᬦ᭄ᬯᬤ᭛ᬲᬚ᭄ᬜᬵᬳ᭄ᬬᬂᬫᬫᬶ᭞ᬓᬲᬶᬳᬦᬵᬭᬦᬓ᭄ᬳ᭄ᬬᬂᬫᬫᬶ᭞ᬯᬭᬢᭂᬦ᭄ᬭᬶᬂᬫᬸᬮᬦᬶᬂᬪᬹᬯᬡᬵ᭞ᬫ᭄ᬯᬂᬢᬶᬗ᭄ᬓᬳ᭄ᬦᬶᬂᬩ᭄ᬭᬳ᭄ᬫᬡ᭄ᬟᬵ᭞ᬗᬸᬦᬶᬯᬾᬄᬲᬗ᭄ᬓᬦ᭄ᬬ᭞ᬬᬫᬢᬦ᭄ᬬᬇᬮᬗᬇᬓᬂᬲᬂᬗ᭄ᬲᬭᬵᬬ
ᬭᬦᬓ᭄ᬩᬝᬭᬵᬫᬉᬯᬘ᭞ᬒᬚᬃᬪᬕᬯᬦ᭄ᬳᬕᬲ᭄ᬢ᭄ᬬ᭞ᬮᬶᬂᬦᬶᬭ᭛ᬘᬢᬸᬃᬪᬸᬢᬾᬫᬦᬰᬾᬱᬵ᭞ᬓᬕ᭄ᬦᬶᬤᬳᬦᬢ᭄ᬧᬸᬭᬵ᭞ᬓᬭᬢ᭄ᬭᬶᬪᭀᬤᬶᬯᬲᬸᬃᬬ᭄ᬬ᭞ᬦᬘᬦ᭄ᬤ᭄ᬭᬵᬦᬯᬢᬭᬢᬄ᭛ᬭᬶᬲ᭄ᬤᬂᬦ᭄ᬬᬦ᭄ᬢ᭄ᬓᬂᬫᬳᬧ᭄ᬭᬮᬬᬵ᭞ᬇᬮᬂᬮᬶᬓᬂᬘᬢᬸᬃᬪᬹᬝ᭞ᬢ᭄ᬓᬾᬂᬪᬹᬃᬩ᭄ᬯᬄ
ᬰ᭄ᬯᬄ᭞ᬗᬸᬦᬶᬯᬾᬄᬢᬂᬲᬧ᭄ᬢᬵᬧᬢᬮᬵ᭞ᬪᬲ᭄ᬫᬶᬪᬹᬝᬢ᭄ᬓᬾᬂᬤᬾᬯᬢᬦ᭄ᬬ᭞ᬤᬾᬯᬓᬂᬓᬮᬵᬕ᭄ᬦᬶᬭᬸᬤᬻ᭞ᬩ᭄ᬭᬳ᭄ᬫᬵ᭞ᬯᬶᬱ᭄ᬡᬸᬵ᭞ᬲᬸᬃᬬ᭄ᬬᬘᬡ᭄ᬤ᭄ᬭᬵᬦᬓ᭄ᬱᬢ᭄ᬭᬕᬡᬵ᭞ᬓᬧ᭄ᬯᬮᬶᬡᬲᬶᬭᬓᬩᬾᬄ᭞ᬰᬸᬦ᭄ᬬᬓᬂᬓᬮᬵ᭞ᬗᬸᬮᬸᬯᬸᬂᬇᬓᬂᬭᬢ᭄᭞ᬅᬗᬶᬂᬪᬝᬭᬲᬤᬲᬶᬯ᭄ᬯᬵ
ᬲᬶᬭᬳᬦᬵ᭞ᬲᬂᬦᬶᬭᬢ᭄ᬫᬓᬵᬰ᭄ᬯᬪᬯᬵ᭞ᬲᬂᬮᬸᬯᬸᬢ᭄ᬭᬶᬂᬲᬓᬮᬵᬦᬶᬲ᭄ᬓᬮᬵᬲᬶᬭᬪᬝᬭᬲᬃᬯ᭄ᬯᬗᬭᬦᬶᬭᬵ᭞ᬫᬳ᭄ᬬᬸᬦ᭄ᬧ᭄ᬯᬲᬶᬭᬵᬫᬕᬯᬬᬰ᭄ᬭᬱ᭄ᬝᬶ᭞ᬋᬧ᭄ᬫᬶᬚᬶᬮ᭄ᬢᬂᬘᬢᬸᬃᬪᬹᬝ᭞ᬓ᭄ᬭᬫᬦ᭄ᬬ᭛ᬅᬓᬰᬵᬩᬱᬫᬸᬢ᭄ᬧ᭄ᬦᬄ᭞ᬅᬧ᭄ᬬᬧᬰ᭄ᬭᬸᬢᬸᬢᬶᬬᬢᬾ᭞ᬘᬢᬸᬃ
