[depan]
᭛᭜᭛ᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬳᬦᬲᬶᬭᬭᬢᬸᬤᬶᬩ᭄ᬬᬋᬗᭃᬦ᭄᭞ᬧ᭄ᬭᬰᬵᬲ᭄ᬢᬭᬶᬂᬭᬵᬢ᭄ᬫᬸᬲᬸᬳᬶᬭᬧ᭄ᬭᬡᬢ᭞ᬚᬬᬧᬵᬡ᭄ᬥᬶᬢᬭᬶᬗᬚᬶᬓᬩᬾᬄ᭞ᬲᬂᬤᬰᬭᬣᬦᬵᬫ᭠ᬢᬫᭀᬮᬶ᭛ᬲᬶᬭᬢᬢ᭄ᬭᬶᬯᬶᬓ᭄ᬭᬫᬧᬶᬢ᭞ᬧᬶᬦᬓᬩᬧᬪᬝᬵᬭᬯᬶᬱ᭄ᬡᬸᬫᬂᬚᬦ᭄ᬫ᭞ᬇᬦᬓᬦᬶᬓᬂᬪᬸᬯᬦᬓᬩᬾᬄ᭞ᬬᬢᬤᭀᬦᬶᬭᬦᬶᬫᬶᬢ᭄ᬢᬦᬶᬂᬚᬦ᭄ᬫ᭛ᬕᬸᬡᬫᬵᬦ᭄ᬢᬲᬂᬤᬰᬭᬣ᭞ᬯ᭄ᬭᬸᬄᬲᬶᬭᬭᬶᬂᬯᬾ
ᬤᬪᬓ᭄ᬢᬶᬭᬶᬂᬤᬾᬯ᭞ᬢᬃᬫᬮᬸᬧᬾᬂᬧᬶᬢ᭄ᬭᬧᬹᬚᬵ᭞ᬫᬵᬲᬶᬄᬢᬲᬶᬭᬾᬂᬲ᭄ᬯᬕᭀᬢ᭄ᬭᬓᬩᬾᬄ᭛ᬭᬵᬕᬵᬤᬶᬫᬸᬲᬸᬄᬫᬧᬋ᭞ᬭᬶᬳᬢᬶᬬᬢᭀᬗ᭄ᬕ᭄ᬯᬦ᭄ᬬᬢᬦ᭄ᬫᬤᭀᬄᬭᬶᬗᬯᬓ᭄᭞ᬬᬾᬓᬢᬦ᭄ᬳᬦᬭᬶᬲᬶᬭ᭞ᬧ᭄ᬭᬯᬶᬭᬯᬶᬳᬶᬓᬦ᭄ᬲᬭᬾᬂᬦᬷᬢᬶ᭛ᬓᬤᬶᬫᬾᬖᬫᬗ᭄ᬳᬸᬤᬦᬓᭂᬦ᭄᭞ᬧᬥᬦᬶᬭᬬᬯᬾᬳᬓ᭄ᬦᬶᬓᬂᬥᬦ᭞ᬤᬶᬦᬵᬦᬵᬓᬺᬧᬵᬦᬬᬯᬶᬦᬾᬄ᭞ᬗᬸᬦᬶᬗᬸᬦᬶᬥᬗ᭄ᬳ᭄ᬬᬂᬮᬯᬦ᭄ᬥᬗᬵᬘᬵᬃᬬ᭄ᬬ
᭛ᬫ᭄ᬯᬂᬲᬢ᭄ᬬᬢᬲᬶᬭᬫᭀᬚᬭ᭄᭞ᬭᬶᬗᬦᬓ᭄ᬩᬶᬢᭀᬯᬶᬢᬃᬫᬺᬱᬯᬵᬤ᭞ᬗᬸᬦᬶᬗᬸᬦᬶᬬᬦ᭄ᬭᬶᬂᬧᬭᬚᬦ᭞ᬧ᭄ᬭᬶᬬᬳᬶᬢᬲᭀᬚᬃᬦᬶᬭᬵᬢᬶᬰᬬ᭛ᬲᬨᬮᬲᬶᬭᬭᬵᬓ᭄ᬱᬓᬾᬂᬭᬵᬢ᭄᭞ᬢᬸᬯᬶᬲᬶᬭᬫᬷᬢ᭄ᬭᬳ᭄ᬬᬗᬶᬦ᭄ᬤ᭄ᬭᬪᬓ᭄ᬢᬶᬢ᭄ᬫᭂᬦ᭄᭞ᬫᬳᬾᬰ᭄ᬯᬭᬢᬲᬶᬭᬮᬦᬵ᭞ᬰᬶᬯᬪᬓ᭄ᬢᬶᬰᬶᬦᭂᬂᬮᬦᬵᬕᬶᬦᬯᬾ᭛ᬇᬓᬦᬂᬥᬦᬹᬃᬥᬭᬓᬩᬾᬄ᭞ᬓᬧ᭄ᬯᬬᬪᬓ᭄ᬢᬶᬭᬶᬲᬶᬭᬧ᭄ᬭᬡᬢᬫᬢ᭄ᬯᬂᬓᬤᬶᬫᬯ᭄ᬯ᭠
ᬢ᭄ᬬᬚᬮᬦᬵ᭞ᬭᬹᬧᬦ᭄ᬬᬦᬕᭃᬂᬢᬓᬶᬃᬢ᭄ᬢᬶᬦᬶᬭ᭛ᬚ᭄ᬜᬵᬦᬦᬶᬭᬰᬸᬤ᭄ᬥᬓᬤᬶᬯᬸᬮᬦ᭄᭞ᬧᬭᬵᬃᬣᬕᬸᬫᬯᬾᬲᬸᬓᬦᬶᬂᬪᬸᬯᬦ᭞ᬲᬵᬓ᭄ᬱᬵᬢ᭄ᬇᬦ᭄ᬤ᭄ᬭᬲᬶᬭᬓᬢᭀᬦ᭄᭞ᬢᬸᬳᬸᬦ᭄ᬳᬦᬾᬂᬪᬹᬫᬶᬪᬾᬤᬦᬶᬭ᭛ᬇᬓᬦᬂᬧ᭄ᬭᬢᬵᬧᬤᬸᬫᬶᬮᬄ᭞ᬲᬸᬓᬦᬶᬓᬂᬭᬵᬢ᭄ᬬᬢᬾᬓᬕᬶᬦᬯᬾᬦ᭄ᬬ᭞ᬓᬤᬶᬩᬵᬳ᭄ᬦᬶᬭᬶᬂᬧᬳᭀᬫᬦ᭄᭞ᬤᬸᬫᬶᬮᬄᬫᬗ᭄ᬤᬾᬲᬸᬓᬦᬶᬂᬭᬵᬢ᭄᭛ᬳᬦᬭᬵᬚ᭄ᬬᬢᬸᬮ᭄ᬬᬓᬾᬦ᭄ᬤ᭄ᬭᬦ᭄
[belakang]
Kaca:Bali-lontar-Balai Bahasa Bali-Kekawin Ramayana 112-Edit.jpg
Kaca punika durung kauji-waca
