71
4. hyang widhi wisesa, anyadma pwa mwah maring bali madya, pan
wus puma tang malapatakaning sarira mareng tapabratha, ya
dumeh kinutusa jadma mwah, sinung nugraha pwa sok mahard
henareswari pwa sira,
b. 1. matangnira sinuksma maring tata kalapa, pinuter dening pdang wus pinalira bhinresihan de sang atapeng tolangkir, sira sang kulputih, sira sang aswesma pwa maring sorgga, gnep pwa ri yuganta, ganta gu-
2. manti, abiseka pwa sira dalem sri haji masula masuli, winiwaha pwa sira ring sang ari apan buncing pwa wijil ira, nguni hana desa wawangunan hyang indra, nga, manukaya, skahan, piudhu, irika pwa
3. ya bhatara masula masuli, anangunaken wesmasrama, dalanira asasanjan maring ukir, tan popama karestyaning nagara, apan sang ratu dharmma anuraga nindhyang rat, astiti bhakti ring dewa,
4. mwang amagehaken glaraning astadasa wyawahara, ya hetunya tan hanamupawadha dalem, presama hamujimuji kamahatmyanira sri haji, satungkebing punpunanira tkeng ukir jaladhi, mangka
45a. 1. margha nira nguni, sapandiri sri haji masula masuli, rengwakna
mwah, inguni rimbenya umijil sri haji masula masuli, hana ling
sanghyang indra, ring manusaloka, apa ta lwiranya nihan, riwkas
yan hana
2. wwong akuren, lawan sanak tunggal, anular sri haji masula masuli, ya ta pada tan kayogyaha,nga, anglentuhing nagara krama, tka wnang dohakna, maring tembinging samudra, dudhu sasanan ing manusa, nga,
3. sato, hanranging bhwana kojarnya, tanwun sarang tang bhwana kabeh, mwah yang hana wwang wtu kalih saking gharbawasaning babunya, lakistri, atunggalan ariari, ya ta nga, buncing, kewalya hangletuhing desa pa-
4. kraman,nga, dohakna ri pinggiring desa, gnahnya, mwang pinggir ing setra, sahulan saptang dinten lawasnya, wnang kang wwong desa pakraman hanangkunen karyya,nga, pangosadi, amalik sumpah,
b. 1. mwang hanyanyapuh, ya ta kang wwong, wnang aprayascita mangkana ling sanghyang surapati i nguni, pada tan kawnang
