41
kaya akasa pratiwi yan makapaman, mangke den tulusakna Sih Sang maha riheng kawula mangke. didinyan pinratistha malani
25a. 1. pwang hulun tekeng daleming sarira, ginawe mareng wartamana juga, tan waneh pwanghulun, aminta asurud hayu, lamakanya sida anular, marghaha paduka bra kasuhun,lingira sang maha resi, tan
2. wenang kadi kami anugraha kita, asurudayu, ndya dumehnya, apan kita dudu mulaning manusa, tan wenang sanghyang aji paweha ngkwa ri kita. Mrabas ta luh nireng mata, umusapangkaja ni renu
3. singgih paduka hyang kasuhun. tan waneh kawula wikedwa aminta sanmatha, sih pakanira riheng kawula, kunang yan tan hana sih sang kasuhun. anugraheng kawula, pisan ulihakna kang kawula, kuna,
4. waluya mulihang taru, ginawe paran ikang kawula, andadiken manusa, tan wring sasana, tan lot inerangerang nahan atur ira kang manusa reka, umreng ta Sira sang mahardhika, kepwan ta arsanira, tandwa
b.1. remrem sanghyang diwangkara, saha utpata, hana wakyeng akasa, ndya ta lwirnya, anaku kamung sang pangempwan, aja samangkana, tka wnang awarahqarah, lawan reka, ndi matangira, wetning
2. anakku amratista mimitaning asarira manusa, aja sandeya, hulun anugraha anaku, mangka antarlina pwa bhatara, mangenangen ta sira sang maha mpu semeru, wkasan mojar sang mahapandhya muwah, uduh
3. kita kayureka, tuhu kita sasaraning dewata pwa nguni, asiluman maring tawuian wnang kita andadi manusa wwong lawu, mangke den merene kita, umarekeng nghulun, hulun anugraha
4. sawur sembah tang maruga reka, anuhun padha Sang adhiguru ling ira sang mahajati, anaku kayureka, rengwakna pitket mami mangke, wakna talinganing pangrenga, nging ajawera mwang cawuh, apan piningdaken sanghyang
26a. 1. ongkara mantra, nihan panugrahangku, tarima, wastu,3, tan pariwastu, sidhirastu, 000, sidhi adnyana, anaku kayureka, kadya paran, sampun rinaksuk punang sanghyang ongkara mantra denta, aksara
