Kaca:Babad Kayu Selem.pdf/110

Saking Wikisource
Kaca puniki kavalidasi

103

Waneh sang panarajan, sutanya ingaranan sang panarajon, 2. ngalap sang tarunyan, ngaran ni nyelem. Lawan mwah anak sang
tarunyan di made, nga, sang twed ireng, ngalap sutane sang kayu
panarajon, kang ingaranan ni
3. nyarem, mamadu ring wkane sang kayu ireng, kang ingaranan ni
cemeng. Waneh sang dryakeh, kawka de sang kayu ireng, angalap
pwa umah, kang ingaranan ayu ireng. Waneh anak sang tarunyan. 4. aran sang badngan, ingalap olih sang ireng. Presama pwa sira pada
wredhi santana, manak gumanak maputu, mabuyut, macanggah,
mawareng, makepek, malih maijengen //0//

651. 1. Tucapa mwah sang inucap wawu, atisaya pada bhaktinya aka­-
witan nguniweh ring kahyangan, angelingan angaturaken walin
bhatara, ngatemwang, mwang ring sang
2. kawitan hana warawarahira, ring pratisemana , lwirnya nora hana
waneh,kaya piwkas sang kawitan nguni, didinya pada lan lupa,
ring tithigagaduhan, mahayu kahyangan, astiti ring
3. kawitan, wkas yan sampun pada madohdohan gnah, didinyan pada
umengetakna , tinami kayang kawkas, yan sira lali, tan wruh
makawitan, kna sodanira sanghyang tri
4. purusa, maka nguni sang wus lephas, mangkana katattwanya tlas
//0// Puniki sasuratan, wayan pasek saking gyanyar, nging ampura,
ina puniki wit saking desa sangan //0//