Pupulan Satua Bawak
tan keni antuk maosang.
"Napi minab sané ngawi Purbarini masemita? Manawi té wénten pangéling manis ring Tanah Lot puniki?" pitakén Susi megat lamunan titiang.
"Wénten pangeling manis ritatkaia kari ngranjing ring taman kanak-kanak. Ajin titiang, sering ngajak meriki nyingak panorami sandikala. Aji masepédaan ngandéng titiang. Mangda jit titiang tan pegeI, Aji nagingin galeng alit maring gandéngané. Gumanti mangkin ajin titiang tetep kija-kija lunga jag pragat masepédaan. Tuah asiki guru sané cingak titiang tetep pageh kukuh masepédaan gayung. Sepéda Phillips tatamian wayah titiang. Naenin abulan pisan ban dalem muang luarné kagentosin..." tutur titiang.
"Ban arep lan ungkur?" selag Susi. "Inggih bané maka kalih," ucap titiang nyekenang. "Nguda adi bisa énggal sekadi punika? Napiké inab mérek bané kasar? Kualitasné écé?" nyék Susi.
"Boya ja asapunika, makarana ajin titiang ngajahin ring pitung SMP swasta. Ngajahin Seni Rupa selid sanja," sahut titiang.
" Pih, ngajahin ring pitung SMP swasta. Yan kapa dados titiang uning SMP napi gén punika?" pitakén Susi sayan dot uning.
"SMP Harapan, SMP Dharma Bhakti, SMP Pemuda, SMP Handayani, SMP PGRI, SMP TP 45, muang SMP Saraswati," piseken titiang. "Dadosné makéh krecéné nggih?" ucap Susi. "Nénten ja, nanging Iamun kawentenane. Kemaon mangkin tuah ngajahin ring SMP Harapan kemanten. Makéh SMP swasta sané sampun pejah, mangkin tuah wénten kari
61
