I Gusti Ayu Putu Mahindu Dewi Purbarini
sepédané Aji tusing suba nawang," pisaut ajin titiang.
"Paling tan sepéda puniki mapangaji petang yuta rupiah. Titiang naenin nyingak sepéda Polygon barak sakadi puniki," cawis Agung Bayu Septhiana Putra sambilanga mratiaksa. "Puniki matulis Polygon Monarch untuk Indonesiaku, Shimano Equipped Swallow."
Sami mratiaksa neleng nyingakin sepéda Polygon baraké kari anyar, kaambil saking toko Asia Jaya. Idumun tauké toko Asia Jayané ngajakin masepéda sehat sareng Ibu Bupati muang Wakil Bupati. Ajin titiang nulak. Luugan suba masepéda ontél sawilang rahina ngajahin ring SMP Harapan, SMIP Saraswati, Ian IKIP Saraswati Tabanan. Dané sampun duang tiban pénsiun kémaon tetep kari ngajahin ring sekolah swasta.
"Pidan Aji ngelah sepéda féderal warna poléng langit jag ilang kinsanang di toko, kalain mablanja di Pasar Dauh Pala. Jani paica saking taruna sekeha demen Ibu Bupati Tabanan," tutur ajin titiang.
Aji sané ngicalang?" pitakén Leni Kusuma Putri. "Boya ja Aji, Biangé sané ngilangang. Palaibang maling paling," pisaut Ajin titiang.
"Ngomong-ngomong indik Ibu Bupati Tabanan, Peringatan Hari Pahlawan dibi semeng, Buda, 10 November 2010, ngwacén teks Pancasila, sila katigané lali kawacén," ucap I Made Agus Ariesta Paramarta kedek ngikik. "Lali ngucapang sila katiga, Persatuan Indonesia." "Kénten masé spanduk ring arep gerbang kantor bupatiné, matulis: Hari Palawan, patutné Hari Pahlawan. Adi bisa kéto?" pitakén Putu Julandaéni.
"Ento suba adané ampah. Campah," sahut I Madé
58
