Kaca:Apangja Bisa Masekolah.pdf/63

Saking Wikisource
Kaca puniki sampun kauji-wacén

Pupulan Salua Bawak

maring timpal-timpalnyané ané ngranjing ring SMAN 1, 2 Tabanan, SMAN 1 Kediri, SMAN 1 Mengwi, Badung, SMA TP 45 Tabanan, Ian SMIP Saraswati 3 Tabanan. Redité, 31 Oktober 2010 rauh Wulan Saraswati sareng Emia saking SMAN 1 Denpasar daweg ajin titiang sungkan kapertama. Raris nyambung malih pat belas lemeng gumanti mangkin sampun seger oger.

Sané paling sering rauh I Made Sugianto, lepug maosang indik rancana ngamijilang pupulan puisi "Kisah Sebuah Kota Pelangi", pupulan puisin ajin titiang punika nyanggra Hari Ulang Tahun Kota Tabanan ka 517. Sinalih tunggil acarané pinanggal 23 November 2010 pacentokan puisi pantaraning SMP sa-Kabupaten Tabanan. Sané dados juri ajin titiang sareng I Madé Sugianto muang I Gedé Putu Dharmana utawi Pan Godogan. Pacentokan puisiné ring Gedung I Ketut Maria. Pucuk acara 29 November 2010, Sanggar Sastra Remaja Indonesia nyolahang unén-unén Musikalisasi Puisi. Sami acara punika kabukak olih Bupati Tabanan, Ni Putu Eka Wiryastuti, S.sos sareng wakil dané I Komang Gedé Sanjaya, S.E., M.M.

"Mih, puniki wénten sepéda anyar. Aji wau numbas?" pitakén Gusti Ayu Putu Candra Wati sada aleman. "Idibi sandé kabenengan Aji sedeng maplawa barak, ngendong ajak I Madé SUgianto, jag nadak sara teka taruna sekeha demen masepéda," tutur ajin titiang banban alon.

"Ji kuda Aji numbas?" pitakén I Gusti Agung Ayu Intan Maya Prawita.

"Polih paica saking sekeha demen masepéda sané kamanggalain Ibu Bupati, Ni Putu Eka Wiryastuti, sareng Wakil Bupati, I Komang Gedé Sanjaya. Indik pangajin

57