Rahina Buda Kliwon Matal lan rahina Kajeng Enyitan kaucap rahina ayuning déwasa. Rahina punika pinanggal 23 Désémber 2009 kulawarga ageng merajan gedé Jero Tengah makéh rauh matulungan, turmaning nyaksi upacara nigang sasihin putran arin titiang I Gusti Made Mahindu Swara. Nigang sasihin okan dané lanang sané kaping kalih mapeséngan I Gusti Agung Madé Mahadéwa Maheswara. Sané ngranayang gagirang ngametuang ica kulawargan titiang sareng sami, ritatkala okan titiang Prémarya Prajna nampu ngabin arin misan dané Mahadéwa Mahéswara sané jangkep mayusa tigang sasih. Makakalih makurung ring keranjang guwungan ayam kurungan. Dong ja nangis makurung, mahmih ica. Ican nyané ngametuang kulawarga sami suéca ica mabriag. Titiang ngikik taler dané jero mangkuné sané ngamargiang upacara ngakak, ritatkala Mahadéwa Mahéswara kasiraman. Ripelengan rambutnyané kagunting, ramia sanak kulawarga sané numbas. Prémarya Prajna sareng matempung milu-milu tuwung nyelepang jinah ka kelungah nyuh gading, maucap benjul: "titiang numbas asiu rupiah rambutné!"
"Mawinan acara sampun puput, ngiring mangkin semeton sami ngerayunin!" ajak ibun titiang.
Kabenengan sareng sami weteng seduk sampun tengai, sedeng beciké ngrayunin misarengan dané jero
42
