Titiang sawilang wengi nguduhin nonton telévisi paindikan debat pemilu. Pemilu caleg sané kasarengin 38 parté, Wraspati, 9 April 2009, Parte Démokrat paling akéh polih suara. Wus punika Parté Golkar wau PDI Perjuangan. Pemilihan Capres-Cawapres periode 2009--2014 sané pacang kagelar rahina Buda, 8 Juli 2009. Mogi-mogi jati mabudi.
Yan titiang ngamanahin katiga Caprés-Cawaprés, sami becik. Sami madrué kakirangan. Tan lepas ring rwa bhineda.
"Mégawati Soekarno Putri sané kadampingin Prabowo Subianto membumi kémaon wawasané kirang teleb dalem. Susilo Bambang Yudhoyono sané kadampingin Boediono sistematis. Jusuf Kalla sané kadampingin Wiranto santai tan membumi lan sistematis," baos pengamat politik Sukardi Rinakit ring acara tayangan TV One. Kénten taler Métro TV tumerus jemet nyiarang ring telévisi.
Debat kapertama, wengi rahina Wraspati, 18 Juni 2009 karasa debat tan padebat. Nanging santi. Untengné asapunapi antuk ngawangun wangsa mangda mabudi pakerti. Sategeh tegeh masekolah yan tan mabudi pakerti becik, percuma. Wus masekolah mangda madrué kabisan sané kabaos katah mangkin skill. Punika mawinan perlu sekolah kajuruan.
30
