5
Itjang ngelah sampi moewani akit; ané aoekoed tjoelaan, ané lenan noe djagiran. Sampin itjangé ané djagiran galak pesan. Sadjawining itjang, sing adă anak lènan bani maekin; apă boewin ngetakang. Lènan tekèn sampiné moewani akit, itjang masih ngèlah sampi loewă aoekoed, nanging pekadasang itjang.
Sampi moewah keboné ento megoenă pesan, wirèh sekală ento ané noeloengin déwéké megaé ditjariké, apang déwéké pajoe medaar. Beloelangné dadi anggon wajang, dedoepelak, ebeg, kekepoeh moewah ané lèn-lènan. Tandoekné dadi anggon soewah. Sang Berahmană Siwă toesing pesan dadi ngadjengang bé sampi. Berahmanané entjen dadi tekèn. bé sampi? Apă binan sampiné tekèn keboné? Entjèn kerengan sampiné tekèn keboné?
6. POENJAN BIJOE.
Poenjan bijoené patoeh tekèn soroh poenjan koenjité, nanging poenjan bijoené gedé moewăh tegehné loewihan tekèn soroh koenjité. Don bijoené masih mebinajan agigis. Poenjan bijoené adanină gedebong. Jèn gedebongé ento toegel, basă tengahanné meoenteng. Gedebongé ento dadi keloepakin moewah dadi anggon amah-amahan tjèlèng moe wah sampi. Kelopèkan gedebongé ané soebă toeh kadanin ,,koepas", melah anggon tali. Bongkol poenjan bijoené ada- nină boengkil bijoe". Jên ngetoedjoe oedjan, don bijoené apapah dadi anggon pajoeng, mangdéné toesing loetjoetan boewină melah anggon ngapoet apan-apan. Don bijoené ané toeh adanné ,,keraras". Dawan don bijoené sewetară adepă abelah, basă tengahanné adă papahné; bongkolné ,,gedebongé akoepak". Dadi lijoen donné padă tekèn lijoen keloepakan gedebongné. Don bijoené ané enoe ngoedă pesan keadanin ,,pelosor bijoe". Pelosor bijoené dadi anggon apă? Dimoen- tjoek atin poenjan bijoené misi poesoeh, ané bakal dadi boe- wahă. Bijoené apoewoen meboewah toewah aïdjeng; ané aïdjeng meidjas-idjasan, lijoenné nem idjas kanti limolas idjas.
