4
njanne, dadi donne loemboeng-loemboeng, nganti ada abidang, ada amoen pipis koetjine abidang loembangne. Boewah kelore adanina kelentang, dawanne sawetara doewang tjengkang, gedenne amboel inan limane. Don moewah kelentang dadi anggon djoekoet. Babakanne dadi anggon oebad paa simboeh anak njakitang basang, anggon boreh moewah ane len-lenan. Jen memoela kelor, patoetne ditanahe ane sedeng bas beseg, wijadin bas toeh tanahne, ento ngeranaang kelore toesing melah idoepne, dikenkene mawanan mati.
NJAKAN.
Imeme teka oeli kajehan njoewoen jeh adjoen, toeroehanga
digentonge ane dipaon. Soewoed keto lantas imeme mereren
negtegang bajoe sambilanga naar base. Sesoebanne naar base, lantas imeme njemak baas atjatoe dipoeloene, abana kepaon, ingsaha wadahina tjoebek; disoebanne kedas, lantas emmema.
Doegase mekire ngingsah baas, imeme dipaon noenggoengang pengedangan, misi jeh metengah, tekepina baan kekeb, toemoeli toeloekina saang, endihina api. Mara panes jehe dipengedangane, baase ane kemem itoeni wadahina koeskoesan, laoet pedjanga doewoer pengedangane ane soeba metoenggoehan, toer tekepina baan kekeb. Soeba sedeng aroena, lantas kearoe. Wireh jeh angete dipengadengane soeba toena, dening anggona ngaroe, dadi boewin timpoehina adji jeh njem. Mara jas aroeane, lantas boewin wadahina koeskoesan, pedjanga doewoer pengedangane, boeka doegase mara moelang baas. Sewetara atengah djam mekelonne, aroeane soeba lebeng, dadi nasi. Doeke imeme njakan, masih mesambilan ngae darang nasi, loewire: djoekoet, sambel, ngoreng be moewah ane len-lenan.
SAMPI.
Anake di Bali jen nekapin tjarik moewah tegal, soemasat mekedjang nganggon sampi. Langah ane nganggon kebo.
