1. SEMENGAN.
Saï-saï mară galang kangin I Ketoet soebă bangoen. Me-
kiré ijă toewoen oeli pesaréanné, sapoetné tampihă, toemoeli
engsoetangă dipengengsoetanné. Tikeh galengné dabdabangă
toer sapoehina, apang da megaboeran, toer apang dadi kedas;
soewoed kéto mară ijă toewoen, ngampakang gendélă tekèn
djelanan, laoet njampat djoemahan metèn moewah diampiké
teked kenatahé. Sesoebanné soewoed metelah-telah, lantas
ijă mandoes.
2. AJAM
Djanmané sané sampoen djenek medoewé tjetjanggahan,
setiwas-tiwasipoen, bantas asikiné sinah medoewé ajam.
Ajamé sané moewani kewastanin manoek; sané loewă pe-
ngină wastanipoen. Panak ajamé, pitik. Manoeké sané betjik
ring Bali, makèhan kekoeroeng patjang keadoe rikală keke-
letjan; manoeké sané kelèbin kewastanin manoek pengelèban,
keanggèn pengeloembah. Jéning ngerereh ajam patjang pe-
ngeloembah, pilih betjikă ajam djagoné sané ageng, mangdă
pitikipoené taler ageng-ageng. Ajam poenikă tan wènten
ngelekadang panak, nanging ngemedalang taloeh. Paksiné
samian metaloeh. Ajam poenikă soroh paksi, nanging tan
wenten oening mekeber tegeh, sekadi pekeber paksiné, Poe-
napi awinanipoené? Sapă siră oening ring boeron, sané
metaloeh?
3. KELOR.
Ditengah natah I Njomané adă poenjan kèlor apoewoen.
Poenjanné gedé. Donné serining-serining. Baan mokoh poe-
