Kaca:Aneka Warna Keawi Toer Ketoeptoepang.pdf/34

Saking Wikisource
Kaca puniki kavalidasi

33

sasih, taler malih kegeboehang tanahipoené; pemarginé nge- boehang pateh sekadi pemarginé sané sampoen-sampoen, kedjoerihgang kéwanten tanahipoen, mangdă boengkil dja- goeng poenikă oeroegan.

Djagoengé sané waoe metoewoeh tigang dasă raină kewas- tanin noros; irika sampoen njandang bekoengin. Metoewoeh asasih, waoe kemoed sekaripoené. Sesampoenné metoewoeh petang dasa raina, waoe mepoedak-poedakan, raris metje- tjilijan, toemoeli meririgan; ring metoewoehnjané séket raină, waoe koemakakoel. Oesan asapoenikă raris koemarégé, koe- masanten, dadah toemoeli toeh.

Djanmané nandoer djagoeng, wénten sané ngalap wohi- poené sesampoenné toeh, wénten diwaoenné dadah. Sané dadah patjang madol matah-matahan wijadin keratengang. Sané rateng-wénten meboelihan, wénten meeb, keoerab antoek kelapă mekihkih. Djagoengé sané waoe koemasanten, betjik pisan kanggén pepentjok, wijadin basan djangan. Djagoengé sané toeh dados anggén oran, anggén binihan miwah wéhin ajam.

Mangkin ring Boeléléng makéhan anaké nandoer djagoeng tan wénten memoewatang wohipoen, sekéwanten witipoené patjang kanggén tetedan koedă miwah banténg.