Kaca:Aneka Warna Keawi Toer Ketoeptoepang.pdf/31

Saking Wikisource
Kaca puniki kavalidasi

30

mekedjang, toemoeli empesin; soewoed ngempesin, ditoe mară nampih poendoekan wijadin moendoekin toer njorokin, Jéning soeba peragat totonan, boewin moengkahang empesan, lantas memalik, laoet moeoetin, lantas melasah. Memakal, moeng- kahang tekén memalik nganggon tenggală; ngempesin, moe- oetin tekén melasah, ento padă nganggon lampit. Apangă dadi melah padiné, memakal, ngempesin, moengkahang, moeoetin, memalik tekén mélasah, ento mekedjang sewetară padă meletan dasă dină-dasă dină. Dimemakalé, moengka- hang moewah memaliké masih noembegin boetjoen tjariké ané toesing dadi baan nenggala. Mară Soewoed melasah, nga- boet boelih, moentjoekné getepin, laoet bandjahang ditjariké. Doegas ngaboet boelihé, boelihé ento sewetara mari metoe- woeh séket dină, sedeng melahă pesan pemoelaang. Pikenoh- né moentjoek boelihé getepin, apangă dadi énggal pesoe seenanné, toer mokoh entikanné.

Sesoewoedné mandjahang boelih, boewin maninné lantas poelaang. Dimemoelané mebanten pedéwasaan. Jan padiné soebă metoewoeh limolas dină, lantas bangkoewangin, roen- doe moewah djoekoetin; ento masih padă meletan padă me- dasa dina. Soewoed medjoekoet, boewin limang dinanné nam- padin poendoekan. Mara metoewoeh doewa boelan padiné, lantas nelahin djoekoetanné ané enoe, adanina njijagin. Soe- woed kéto mară enjatin. Jadin kéto, masih beteng-betengin sebilang toeh tanahné. Jan lanoes padiné, dimetoewoehné doewă boelan atengah wijadin teloe boelan, mară beling; sawetară boewin limang dinanne meloespoesin; boewin limang dinanne serab; soewoed keto mara leg. Disoebanne leg, lantas ngoesabă dipoeră Oeloentjarik moewah di Bedoegoel. Soe- woed leg, koemasanten, kentel, koemădeloengdoeng, meikoet lasan, lantas koening.

Boewin doewang dasă dinanne sedeng pesan soebă anji. Boewin teloen lakar manji mebanten maloe, adanină njaoe- pang; ditoe ngaé Déwă Seri moewah Déwă Nini.

Jéh, engsap itjang noetoerang; dimeloespoesin padiné masih mebanten, adaning mebijăkoekoeng, tiară di Boeléléng ,,ngera-