Dēwă Gedē Pagēh mireng reraosan djanmă poenikă, oening Idă, ring raină poenikă oegi patjang kepoepoetang soeksoekan Idanē. Doning asapoenikā, kēnginan anggan ldanë goemeter samian, boeloenë soengkab, raris ldá loemajoe bintit. amerih gelis napak ring djero koelă. ring pegenahanē njisipang. Pemargan ldanē loeir ibering paķsi.
Ketjerită wēnten malih sewiteran. I Dēwă Gedē Pageh, raoeh mendakin Idă, matoer sapoeniki; ,,Inggih Ratoe, betjik sam-poen I Ratoe boedal kēwanten; tan mepikenoh jan I Ratoe ngeraris kenegară. seantoekan sampoen kemanggehang, sanē mangkin sewiteran I Ratoe djagi kegantoeng. Jan moeng- goeing ipoen njantos I Ratoe, goemanti wit saking manah soeseroesă nirmală, tan medaging manah tjentoelă. Saking pagehipoenē, sekatahing pengērang-ērang peloenggoeh ldă Anakē Agoeng, tan wēnten rengajangipoen. Ngiring sampoen mangkin boedal! Sapoenapiang malih, antoek sampoen pitoedoe-hing Sangiang Kawi, tan dados gingsirin. Poenikă awinannjă tan padon. jan I Ratoe djagi ngatoerang ragă ring peloeggoeh Idă Sang Peraboe". Ngendikà I Dēwē Gedē Pageh: ,,Jadin sapoenikă. tan wēnten pisan tiang medoeē manah patjang metoelak malih. Malihnē jadin mangkin tiang palas ring sewiteran tiangē, tan mari tiang djagi mepinoenas, mangdēnē tiang laler doeroes padem kesisipang antoek ldă Sang Ka-tong, anggēn liang tjiri ketoeonan tiangē mesewiteră ring ipoen, mangdă wēnten ketoelad antoek djanmanē samian, sanē sai njingak miwah ngantenang wiadin memirengang indik titiangē sapoenikă. Kaping kalih mangdă renă pekajoenan Idă Sang Peraboe, polih mademang kaoelă malih adiri". Woes poenikă I Dēwă Gedē Pageh raris memargi.
Kotjap waoe soeroep soerjă, pemargan I Dēwă Gedē Pageh poenikă sampoen napak ring bantjingah, njingak djanmă akēh, sami nonton sewiteran Idanē djagi kegantoeng. I Dēwă Gedē Pageh sahasă miakang sang menonton, sinambi ngendikă:
