Kaca:Aneka-Warna Tjakepan Kaping Kalih, Pepaosan Bali Kesoerat Antoek Aksara Belanda.pdf/21

Saking Wikisource
Kaca puniki kavalidasi

20

poenapi, sekēwanten djiwannjă sane sampoen kineker antoek Idă Sang Nată. Irikă raris Idă maridartajang indik Idane. Woes poenikă raris Idē memindah, djagi ngeraris memargi, mangdē sampoen tjedok ring pesengkētă, kalih mangdă sampoen sewiteran Idane ngantos kepesisip padem; nanging tan wenten keatoeran ldă memindah, seanloekan kebojanin pengendikan Idănē antoek bēgale. I Döwă Gedē Pageh age meboelet gin-ting, raris njagdjag mereboetin sikep bēgal poenikă, toemoeli ngamoek. Moenggoeing bēgal poenikă sareng lelimă, padem sane tetigă. Sēsaning padem sami kepilajoe, mesangidan sedjeroning alas. Sedaweg poenikă soerjane sampoen djegdjeg pisan, keboesnjane kelintang-lintang. I Dēwă Gede Pageh tan meresidaang memargi, seantoekan lesoe pisan, kalih Idă ke-lintang kasatan. Irikă Idă njelēmpoh ring tanahē, merarian sarwi medoeoehan: ,,Inggih, Sangiang Peramă Kawi, sane kelintang soeētjă, ngamerin seloeiring bajă, sană djagi raoeh ring pedewekan titiange. Sane mangkin titiang noenas itjă pisan, sampoen ngantos titiang memanggoehang kesekelaning manah. Doemadak Sangiang Peramă Kawi soetjă ngitjēnin tojă akidik, anggēn titiang ngitjalang bedak, mangdă sidă antoek titiang memargă, kalih mangdă sampoen titiang medoeē soeiteră padem megantoeng". Woes I Dewă Gede Pageh nga- djap tawang, noenas itjă ring Idă Sangiang Peramă Kawi, raris Idă mireng soearaning tojă, koemerjtjik sekadi soearan tojan pantjorane tan doh saking genah Idane mepoelisahan. I Dewă Gede Pageh raris metangi megaang, maranin pege- nahan tojă poenikă. Panggihin Idă tojă anakan, midjil saking watoe. Tojanipoen kelintang ening toer anjep. Irikă Idă mesiram ngeraris ngadjengang tojă. Ring sampoenē oesan, waoe ragan Idanē roemasă kenakan, peremanane poelih kadi sane sampoen, toemoeli gegelisan Idă memargi. Sedaweg poenikă soerjane sampoen lingsir. Pemargan Idane mesarengan ring djanmă kekalih, taler djagi kenegară, sami mere- raosan ring timpalipoene, patjang mebalih sewiteran I Dēwa Gedē Pageh poenikă djagi kepesisip padem megantoeng.