95
gĕntĕr mandramunī dukilyan-alangö rĕmrĕm riris tan kara,
luṇḍū tang iri matra kegu tikanang śṛgge ruhurnyāmarĕn.
--- 0 ---
1. Tistis māsa ri sāmpun-ing rawi tumunggang-acala sahateja ring langit,
mangkin 1ĕnglĕng-i rūm nirāñ winulatan lĕngĕng-i raras-irāngure glung,
līlā yanye naglih tapih nira limungsungan-ing-uraga śuddha mār mirir,
māyāmāya tikeng haneng dalĕm-awarṇna śaśadhara ri sanghub-ing langit.
2. Śūnyang rāt pada kāgĕman sahana sanghyang ing-acala mawarṇna kāsṛpan,
āpan hyang giriputrikā ta kahiḍĕp nira karaṇa niran śiwāstuti,
mangkin prāpta ri sang kināryya ning-ulah nira kadi hulah-ing maheśwari,
bhāktyāmwīt ri bhaṭāra yan pangigĕleng tawang-i pucak-ikang surālaya.
3. Solah bhawa nireki cumbu sahajāngucap-amanisa nora kĕñjuruh,
hah sang lwir hyeng-i dewa ning maṣa kapāt lĕnglĕng-umtu sakeng puḍak mkar,
50.a. nirdon teku rarasta -/- nirwwa ri tuwuhta bapa wiphala muḍa kāsmala,
göng pāpāmati dharmma sang wiku salah kna malalis-i wiryya sang prabhu,
