94
2. Lwir pöh ning jaladhāngĕmū wari tĕtĕl ni roma wet ning hirĕng,
sanghyang candra sireki molĕm-awnĕs dening mukārjjākila,
nyūḍantārĕja tan padharmma tkap-ing suswāng-hritārjjātnĕng,
madhyā lwir curigenunus raras-irānṛang paḍa pākānginan.
3. Singgih yan parameka rūpan-ira himpĕr sang kamāngiṇḍarāt,
wet ning rūpa wiśeṣa rakwa wkas-ing rāgāma-ngun twas lulut,
sor tekang surakanyakā padḍa tatan wantĕn wnang taṇḍinga,
lwir wintang ri wijil hyang-indu makucĕm lwir indu ring bhaṣkara.
4. Sakweh ning surakāminī pada kapengin ton sirang dewati,
manggĕh kākwan-i sang nṛpātmaja tkap sanghyang surendrāhajĕng,
guntur kasturi kumkumāngin-angin-ing śiñjang sumār mrik minging,
mārbuk lwir smara rajya bĕntar-i hilang hyang kāma ngūning wukir,
5. Sĕbsĕbnyāngasut-ing tapowana bangun meghāngasut- [49.b.]
-/- ring wukir,
yekā miśra lawan sugandha wangi ning sārwwā-rum-ing pārwwatā,
