93
5. Balik pwa ya malĕs kabañcana wirang rwang-awtu lara kaṇḍĕhan lulut-unĕng,
hanan kadi waśāngdadak mihat-i rūm nira hlah-hlar-ing matāsmu madhū,
prayojana nikā tkāmluka manggalanama mangisap wanāngarĕkana,
mapeng dadi tkārĕs-anglilih-i manahnya kadi madhukareng skar sumanasa.
-- 0 --
1. Api tuwi rakwa rūm niran-anindya wiśeṣa gati,
subhaga sakendriyan sira yayan kedi sūkṣmamaya,
tkap-i tasak nikang japa samādhi mahāparema,
ya ta magawe rĕs-ing surawadhū ri sirāngarasa.
2. Karaṇa nikān harĕp muliha teki kabeh milaga,
diwaśa gnĕp tigang wngi lawasnya Mawanti mara,
kṣaṇa ri ḍatĕng surendra paḍa bhakti tikang yuwati,
majar-i tguh nireki juga tan kawnang cinalan.
--- 0 ---
1. Ndan sanghyeang -/- suranātha kepwan-i tkap ning bañcanālah larut,
towin rakwa ya tan wang mangamĕr rārĕs ning manah nirmmala,
nāhan hetu nirātmah parama dewi sang putus-ring hajöng,
wimba hyang parameśwarīnayu tkap sanghyang supendrādhipa.
