92
mayang mkar-i pāngjrah-i kumuda teka wangi nika bangun nikārjja winḍar.
2. Waneh hana sirahajöng kadi kadang ning-asana ring-aweh kalangwan-ing-akung,
sawargga kalawan wuluh gading-adoh tngah-ika kadi pāḍapānglih-araras,
tapihnyan-awulang tatur tkan-i puṇḍutan-ika kanakārjja kĕṇḍit-amurub,
maṇīndra pinakocalārjja tka ring wtis-asmu puḍak hañar kadamaran.
3. Apan yan ucapĕn raras nika mabhūṣaṇa tuhu-tuhu katwang-ing sura wadhu,
tkapnyan-atutup glung sahasĕkar taji suminang-i gātra ning muka mawa,
kalih kalih-ikātiśobhita hayunya kadi ratih-amarwa sūkṣma sumilib,
nda śighra tka tan pasangkan-inucap tka nikan-umarĕk ri jöng nṛpa suta.
4. Ikā ta pinakādi ning -/- sura wadhū sang-
48.b. inayamakning surendra bhawana,
huwus kṛtayaśeng tapowana ri ngūni kawdi-wdi sang munīndra sahana,
tatāpi tka tan pakāryya ri narendra suta pisaningūn katanggama kunang,
mawarṇna kadi polah-ing wwang-angayuh wiyata harĕp-angola candra harasĕn.
