87
ndatan pahilawan raras - raras-irāśmi ning-
inutus-anūkṣma bañcana,
hilang mara rarasnya tan pararasan raras-
ika tkap-ing jitendriya.
--- 0 ---
1. Īkāngde lĕnglĕng ning hati sumusuk-ing citta
kumtĕr,
wirang rwang ambĕk de ni wira wirang-ing
rāga sumaput,
tuwin dening kung ndin wnang-umulatī rūm
nira lĕngĕng,
apan sākṣāt sanghyang smara mangulanĕh ring
wang-alangö.
2. Hahah rakryan sangkonĕng-unĕng-unĕng-ing adya
angarang,
lihat pweking sambatkwanangis-angayap tan
wring-ulaha,
mara ngwang yan sāmpun wihikana tuwin
sojar-adalĕm,
bangun lĕnglĕng doning patĕr-aktĕrānggyākna
46.a. langö. -/-
--- 0 ---
1. Rakryan yan hana sanmathanta ring-akung
yadi tulusa ri sihta ring hulun,
ndātan aūra ya tākutan kadi manah manahan-
ing atibañcananglara,
sthityātunggwa daganta ring dukuh-amūkti
kalĕngĕngan-i rāmya ning wukir,
