86
8. Kalinghan-ika māsku yogya dahatĕn pangutus-
ira surendra tanggaman,
sḍĕng karaga ning rimang sira lamun kawnanga
juga rakwa bañcanan,
apan kita jugeki rakwa makapāngrĕṇa ri
pjah-ikang jayāntaka,
titir wacana sanghyang-indra ri siran sumi-
liha kadi sang dhanañjaya.
9. Nahan ling-ika yan pamarṇnana ri sapolahan-
ing-angayu rāga ring tilam,
jagĕr twas-ika sang śinabdan-asahur tangis-
angusapi luh tibeng pipi,
kakāngku ya tikāmrih-i twas-i yarinta ri
pangutus-i sang surādhipa,
asambhawa ngaranya dūra ri pakon-iran-amuhara
luh kinellakĕn.
10. Gaḍung lumayangol tawang ring-apa yan whanga
milĕta wimba ning wulan,
45.b. wulan ri kñar-ing dinārkka -/- wiparita su-
minanga ri tambwang-ing kapat,
kamatya pati ning gṛh ring-apa yan sumkarakma,
pāngjrah-ing skar,
skar ri taya ning madhubrata bangun kusuma
kara wirūpa kāsihan.
11. Prasiddha raras-ing skar hilang-i tan tkani
raras-ikang macangkrama,
hilang raras-iraśmi ning hinalĕm-ing sanagara
yadi tan sinānmatha,
