8
tĕkwan rakwa sirekinastwakna bhūpati pangucap-ire nareśwara,
ngkā sang nātha ta rakwa mangjuru sumiwya tumuta ri sirang watĕk ratu,
9. Ndan sakweh nira sang marĕk pramuka sang dwijawara rĕṣi śewa sogata,
kapwānūt i wuwus narendra tuhu dharmma karaṇa magawe jagaddhita,
śighrāng dūta kinon lumakwa marĕkeng nṛpa suta mañjingeng puri,
sāmpun prāpta ri sanmukā nṛpati sang nṛpa suta tumuluy mangañjali.
-- o --
1. Om putrangku bhaṭāra buddha kinabhaktyan ta pramāṇenghulun,
swastyāstu prabhu dharmmamūrtti ng usirĕntāng rakṣa dharmma sthiti,
āpan byakta hilang gĕlĕh-gĕlĕh ikang rat yan kitekāndiri,
panglinggan ri wijilta ngūni magawe tuṣṭā pramaṇeng jagat.
2. Sangsiptanya tuhanku rakwa kita ratwānugrahang kwīng kita,
sakweh sang paranātha yeka pinangĕn samānta yodha prabhu,
sāmbyāsomahaneki māstwakna donte bhūmi rājādhipa,
ngkā rakryan -/- mihate raranya pilihĕn ndan [5.b.] sing sayogyālapĕn.
