80
1. Byātītan ri lawas nireng wana maböm sura
geṇa rĕṣi sangghya warṇnanĕn,
wrin - wrin deni kaśaktin-ing sudaś putra
ri patapa nareśwarātmaja,
māyā bañcana teki rakwa glarĕn tkap-ira ri
mahārddhikeng manah,
donyān maryya nirān wirāgraha niraśrayan-
atmaha bhūmipālaka.
2. Nāhan hetu nirang surāpsara wadhū marĕka
paḍa kinon sureśwara,
mwang sakweh nikanang huwus kṛta yaśeng
ayu mangalahakĕn jitendriya,
prāptānambah-i jĕng surendra lungayanyan-asĕmu
lĕmĕs-ing wlas-arĕp,
tinghalnyāngarawinda yāngĕnani sĕng smita
sahana lanāmangun lulut.
3. Lwir mūkṣan dinĕlö waneh pramuka sang su-
kiraṇa kalawan tilottama,
Sanghyang brāhmā sirātimarmma lumihat winaling-
ira saraśwatīn marĕk,
hyang śrī ling madhu sudhanājar-ira yan ḍa-
tĕnga tap-i kingkinging hati,
dewī śrī giriputri teki kahiḍĕp pagśupati
tkap-ing manah lĕngöng.
4. Mangkang citta -/- nireki karuhun surapati
42. b. Sira teki göng lulut,
hinghanyān sutasoma ling nira bhaṭāra sira
sama kna prih anglare,
