79
1. Sangsipta teki bapa sang gajawaktra rūpa,
41.b. mwang -/- nāgarāja karuhun wara satwanātha,
prih aywa tan duga - dugāwuwus-ing kadi ngwang,
buddhopadeśa tka ring śiwatatwa yoga.
2. Āpan tiwas juga sirang muniboddhapakṣa,
yan tan wruh-ing paramatatwa śiwatwamargga,
mangkāng munīndra sang-apakṣa śiwatwa yoga,
yan tan wruh-ing paramatatwa jinatwa mandha.
3. Nā de nirāngucapakĕn wacanopadeśa,
tan lamba - lamba tuhu yañjinamiūrtti sākṣat,
durwāktra nagāpati satwapati praṇamya,
bhāktyātibhakti manaḍah wacanātiguhya.
4. Sāmpun mateki ya kinon-ira bhikgwa wikwa,
yan kṣetra sindu giri songgwanan-ing mayoga,
nghing tan pakarwana tapowana aywa mangkā,
tan mangkaneka gati sang wiku boddhapakṣa.
5. Nā ling niran tan-ucapĕn ri gatinya rakwa,
warṇnan sireki tka ring giri merurāja,
rāmyāng tapowana rikonggwan-i sanghyangūni,
muṇḍi swabhāwa sira yan makabuddhiśanta,
6. Sang keśawārṣi masayut sira tan wikalpa,
mangkin kadhīran-ira ni manah nira neka -/-
42.a. citta,
nā hetu sang rĕśi mulih saha mitra sangghya,
sampun sirojar-i munīndra sumitra boddha,
---0---
